Jɛremaya 51:17 - EBƆRƐ BE KAWƆL

¹⁷ Basa nɛ baa lɔŋɛ agbir maŋ kɔ nfɛra pasaa! Ebɔyɛpo nɛ baa ta shuwa ŋko gbiti a lɔŋɛ agbirana na bee ji anishinyɔr nna ŋkpal bumo be agbirana fɛpo na ka maŋ kɔ ŋkpa so.

Jɛremaya 51:17 Iomraidhean Croise

Nshɛ 115:5

Agbirana na kɔ nnɔ, ama a maa malga, a kɔ anishi, ama a maa wu.

Nshɛ 115:8

Bekama nɛ b lɔŋɛ agbirana na nɛ bumo nɛ b yirda amo na du jiga fanɛ agbirana na nna; b maŋ kɔ tɔnɔ kikɛ.

Nshɛ 14:2

Enyɛnpe Ebɔrɛ wɔ ebɔrɛso a keni a fin fanɛ basa ko wɔtɔ a nyi asheŋ nsaa fin mo a?

Jɛremaya 10:14

Basa nɛ baa lɔŋɛ agbir maŋ kɔ nfɛra kikɛ! Ebɔyɛpo nɛ baa ta shuwa ŋko gbiti a wurge agbirana so na bee ji anishinyɔr nna ŋkpal bumo be agbirana nɛ e maŋ kɔ kashenteŋ nɛ ŋkpa so.

Jɛremaya 50:2

“Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.