Jɛremaya 51:16 - EBƆRƐ BE KAWƆL

¹⁶ Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Jɛremaya 51:16 Iomraidhean Croise

Jɛnesis 8:1

Saŋɛ nɛ kuloŋgboŋ na daa deŋ nchu na so na Ebɔrɛ daa maŋ teŋ Nowa nɛ asɔbɔya nɛ b wɔ kuloŋgboŋ na to na so kikɛ. E daŋ shin nna nɛ afu fara a chela kasawule so nɛ nchu na fara a gberge.

Job be kawɔl 37:13

Mo e naa shin nɛ bɔrɛ bee ba kasawule so nɛ kakpa bee wushi. E beeŋ tiŋ n shin nɛ k ba ŋ gberge basa kusoe, mo alɛ beeŋ naŋ tiŋ n shin nɛ k ba a ŋini mbe kasha.

Job be kawɔl 38:22

Fo daŋ yɔ mboŋ nɛ mee yili abɔrɛjembubi nɛ kunyɔlɔ a?

Job be kawɔl 40:9

Fo eleŋ fo ma eleŋ so a? Fo ebɔl beeŋ tiŋ m ponte to fanɛ meya a?

Nshɛ 104:7

Ama nɛ fo baŋ ponte, nchuana kikɛ bee shile nna

Nshɛ 135:7

Mo e naa shin nɛ bɔrɛwɔlpa bee yili durnya be ekar a ka a dii a buu so; nsaa shin nɛ bɔrɛ bee ba nsaa nyɛkpɛ nɛ afu bee shi kakpa nɛ k wɔ a chela.

Nshɛ 147:18

Mo koŋwule na e naa malga nɛ afu bee ber, nɛ abɔrɛjembubi na bee ŋalga a ki nchu a shile mbombi to na.

Nshɛ 18:13

Enyɛnpe Ebɔrɛ shi esoso m ponte, nɛ basa nu mbe ebɔl.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Nshɛ 68:33

Men fur emo nɛ e yili dra na kikɛ a dii awɔlpa na. Men kaŋ kusoe n nu mbe ebɔl nɛ k bee gbri fanɛ bɔrɛ ka bee ponte na.

Nshɛ 78:26

Kumo be kaman nɛ Ebɔrɛ be eleŋgboŋ shin nɛ afu shi epeŋilarkpa, a laŋɛ kelargato be kaseto be kaba so na ber m ba.

Ɛksodɔs 10:13

Ndoŋ nna nɛ Mosis teŋi mbe kekpabi na ŋ ŋini Ijipt be kasawule so nɛ Enyɛnpe Ebɔrɛ shin nɛ afugboŋ ko shi kebɔrɛfito m ba kasawule na so. Afu na daŋ yili kamɔnchɛ kachipurso nna m ber loŋ nɛ kanyɛ ya biri nɛ k naŋ ŋmɛa so loŋ nɛ kare naŋ ya chɛ. Kare ka ya kaa chɛ nɛ elotɔr ba.

Ɛksodɔs 10:19

Kede be kaman nɛ Enyɛnpe Ebɔrɛ shin nɛ epeŋitɔrkpa be afugboŋ ko malɛ kilgi m ber m ba eleŋso m ba gbare elotɔr na kikɛ nyam n ya wɔtɔ teku peper na to nɛ ekoŋwule gba daa maŋ naŋ ka ashi Ijipt be efuli na kikɛ so.

Ɛksodɔs 14:21

Le be asheŋ ere kikɛ ka wora n choŋ nɛ Mosis teŋi mbe kekpabi na n shoŋi teku na so. Ndoŋ nna nɛ Enyɛnpe Ebɔrɛ shin nɛ kebɔrɛfito be afu lempo ko chala kanyɛ na kikɛ n shin nɛ teku na ku to anyɔ.

Ezikɛl 10:5

Esa nɛ e daa wɔ bɔrɛlambu na be kowushina be kelɔnɛ na gba so daa nu asɔbɔya keniso na be mbuibi be aba be egbri, ŋkpal manɛ so, a daa gbri nna fanɛ Enyɛnpetale Ebɔrɛ be ebɔl na.

Eemɔs 9:7

Le nɛ Enyɛnpe Ebɔrɛ na bee kaŋɛ: “Kananɛ m baa fɛ menyi Israɛl be basa be asheŋ na, loŋ koŋwule na nɛ mee fɛ Itiopia be basa gba be asheŋ. Mannɛ ma e lara Filistiebi na ashi Kreet be kasawule nɛ nchu kulti n wɔtɔ na, nɛ Siriyaebi ashi Kiir fanɛ kananɛ n lara menyi ashi Ijipt be efuli so dra dra na a?

Jona 1:4

Ndoŋ nna nɛ Enyɛnpe Ebɔrɛ shin nɛ afugboŋ ko koso teku na so. Nɛ bɔrɛchu nɛ afu wea abar to m ber kuloŋgboŋ nɛ Jona daa wɔ kumo to na so, nɛ k bee shin nɛ k baŋɛ to m mur nchu na to.

Jona 4:8

Epeŋi ka lar nɛ Ebɔrɛ shin nɛ afu tushiso be kebembeŋ shi epeŋilarkpa m ber m ba Jona so nɛ e bɛlɛ. Ndoŋ nna nɛ e kaŋɛ le: “Ŋ ka wu bɔ ŋ ka kraa wɔ ŋkpa to.”