Jɛremaya 51:11 - EBƆRƐ BE KAWƆL

¹¹ Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:11 Iomraidhean Croise

1 Bewura 11:14

Ade kikɛ be kaman nɛ Enyɛnpe Ebɔrɛ shin nɛ ewura Hadad nɛ e shi Edɔm be efuli so be kuwurji be kanaŋ to na nɛ ewura Sɔlɔmɔn ki bedoŋ.

1 Bewura 11:23

Ebɔrɛ malɛ daŋ shin nna nɛ Eliada pibinyɛn Rezɔn nɛ ewura Sɔlɔmɔn ki bedoŋ. Saŋɛ so nɛ ewura Deevid daŋ kɔ kena m pɔɔ ewura Hadadeza so nseŋ mɔ Siriya be basa nɛ b daŋ ba chɛ mo to a kɔ na nɛ Rezɔn ere daŋ shile mo nyɛnpe Zoba be ewura Hadadeza,

1 Kronikɛls 5:26

Amoso Ebɔrɛ daŋ shin nna nɛ Asiriya be ewura Puul nɛ mbe ketre ko bee ji Tiglaf Pilesa na, ya kɔ bumo be efuli na m pɔɔ bumo so. E daŋ pɛ Ruben nɛ Gad nɛ Manase be epeŋilarkpa be kaba so be basa nna n tintiŋ bumo n yɔ nde wɔfɔ nɛ baa tre Haala nɛ Haabɔ nɛ Haara nɛ a mata Gozan be Lɔr na n shin nɛ b chena ndoŋ hale kabre.

2 Kronikɛls 36:22

Pɛshiya be ewurgboŋ nɛ baa tre Sairus na be kuwurji be kafɛ juŋkparso to nɛ Enyɛnpe Ebɔrɛ shin nɛ e sibɛ kubɔya ere n wɔtɔ nwɔl to nseŋ chige nwɔl na n sa mbe efuli so kikɛ ebi nɛ b kraŋ nwɔl na awɔrso, saŋɛ na so kusɔ nɛ e bɔlɔ anebi Jɛremaya so m malga na beeŋ bɔlɔ so.

Ɛzra 1:1

Sairus ka ji Pɛshiya be kuwura be kafɛ juŋkparso to nɛ Enyɛnpe Ebɔrɛ na shin nɛ mbe kamalga nɛ e bɔla anebi Jɛremaya so m malga n nase na bɔlɔ so. E daŋ shin nna nɛ Pɛshiya be ewura Sairus sa ebɔl fanɛ b sibɛ n sa efuli na so ebi kikɛ ŋ kaŋɛ bumo fanɛ

Aizaaya 10:26

Ma, Enyɛnpetale Ebɔrɛ na gbagba e naaŋ ta ma kuchuchɔ ŋ kuya bumo so, fanɛ kananɛ n daŋ wora Midian be efuli so ebi ashi kefalta nɛ k wɔ kakpa nɛ baa tre Ɔrɛb na. Ma alɛ beeŋ ŋini ma eleŋgboŋ nɛ n daŋ ŋini nseŋ shin nɛ ekpa dese Teku Peper na to ashi Ijipt be efuli so na.

Aizaaya 21:2

Ŋ ku bɔrɛdare n wu asheŋ ko nɛ a bee bar awurfoŋ basa so. Amo e la kedebɔr abar nɛ kemur abar be asheŋ. Kaŋɛ Elam be efuli nɛ Mediya be efuli so be benapo fanɛ b kre kena m ba kulti Babilɔn be efuli so be ndegboŋana n wɔtɔ ŋ kɔ bumo kena! Ŋkpal manɛ so, Enyɛnpe Ebɔrɛ na bɔ ntaŋ fanɛ e beeŋ shin nɛ awurfoŋ nɛ Babilɔnebi bee shin nɛ efuli pɔtɛana so be basa bee ji na e ba ekar.

Aizaaya 21:5

N daŋ wu bɔrɛdare na to nna fanɛ benapo be benimuana na ka wora kejigboŋ a ji ashi Babilɔn be kadegboŋ na to. Jemanɛ nɛ baa ji nsaa nu na, nɛ esa ko ponte epul to ŋ kaŋɛ le: “Benimu, men koso! Ekama e ta mbe kebɛlso be kusɔ kuŋkumuso.”

Aizaaya 41:25

Ma, Enyɛnpe Ebɔrɛ na lara esa ko nɛ e wɔ epeŋilarkpa. Men shin nɛ e shi kelargato be esoso m ba kɔ kena. E bee chichi bewura so nna fanɛ b ka la eshii, ŋko fanɛ kananɛ mpuliya be epɔrpo bee chichi ebɔ so na nna.

Aizaaya 45:1

Enyɛnpe Ebɔrɛ na e ta Sairus ŋ ki Pɛshiya be efuli so be ewura! E lara mo nna nɛ e kɔ m pɔɔ efuliana so nseŋ lara bewura ashi kuwurji to. Enyɛnpe Ebɔrɛ na beeŋ bugi ndegboŋ be mbunagboŋ kikɛ n sa mo nseŋ kaŋɛ mo le:

Aizaaya 45:5

Ma e la Enyɛnpe Ebɔrɛ na; Ebɔrɛ kikɛ maŋ naa wɔtɔ n ti ma so. Fo ka maŋ nyi ma ere gba, ŋ kraa beeŋ wora fo eleŋ to.

Aizaaya 46:11

Mee tre esa ko nna nɛ e shi epeŋilarkpa, m ba manaŋ fanɛ kusore ka fuu kusɔ na. E beeŋ ba wora kusɔ nɛ mee sha n sa ma. Kusɔ nɛ ma, Enyɛnpe Ebɔrɛ na kaŋɛ, e naaŋ wora.

Jɛremaya 46:3

“Ijipt be benapo be benimuana na ponte ŋ kaŋɛ bumo be benapo le: ‘Men wora menyi be abɛlso be asɔ kuŋkumuso shiriya, nseŋ bɛ abar so n yɔ kena to!

Jɛremaya 46:4

Men ta egaare n deŋi menyi be egbaŋɛ so n dii n chena amo so! Men ta menyi be abɛlso be akpaŋwuro m buu, nseŋ yili m bɛ abar so folee! Men yee menyi be akpaana be nnɔ, nseŋ buu menyi be abɛlso be ekpaŋkale!’ ”

Jɛremaya 46:9

Kaŋɛ egbaŋɛ na kenishipereso fanɛ b baa shile a yɔ nɛ egbaŋɛturko na malɛ e baa shil a chɔ so! Kaŋɛ menyi be esoji na fanɛ b lar m bɛ abar so a yɔ, Itiopiaebi nɛ Libiyaebi na e keta abɛlso be asɔ kuŋamuso, Lidiya be basa na keta ata nɛ atanyembi nna.’ ”

Jɛremaya 50:25

N teŋ bugi n lara akɔsɔ nɛ mee nya agbo a ta ashuŋ na ashi kakpa nɛ mee yili amo na. Ŋkpal manɛ so, ma Enyɛnpetale Ebɔrɛ na kɔ kushuŋ ko nɛ n shuŋ ashi Babilɔn be efuli so.

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 50:45

Amoso, men nu kusɔ nɛ ŋ kre a laŋɛ Babilɔn be kadegboŋ na be kaplɛa so nɛ kusɔ nɛ mee sha kewora kumo be basa. Bedoŋ beeŋ ba pɛ bumo be mbia katinso ŋ gberge bumo n yɔ efuli pɔtɛ wɔfɔ so nɛ bumo be efuli na a mur.

Jɛremaya 50:9

N ya we n wɔtɔ efuli lempoana ko ashi kelargato be esoso be kaba so nna fanɛ b ba kɔ Babilɔn be efuli na kena. Baaŋ ber abar so nna m ba kɔ m pɔɔ kumo so. B la basa nɛ b nyi kekpaŋ to nɛnɛ nna nsaa to ata ga. B maa to a paŋ kikɛ.

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Jɛremaya 51:24

Ade kikɛ be kaman nɛ Enyɛnpe Ebɔrɛ naŋ kaŋɛ le: “Ma basa, menyi gbagba e naaŋ wu kananɛ meeŋ ka Babilɔn be efuli nɛ kumo be basa kukɔ ŋkpal kulubi nɛ b wora Jerusalɛm so.

Jɛremaya 51:35

Babilɔn be efuli so be basa piira anyi be beko nseŋ mɔ beko malɛ. Naniere, Enyɛnpe Ebɔrɛ, shin nɛ b ka kumo be kukɔ!”

Jɛremaya 51:36

Nɛ Enyɛnpe Ebɔrɛ na kaŋɛ le: “N yil menyi be kaman nna, nɛ n sɔ menyi be kɔnɔ so ŋ ka Babilɔn be basa kukɔ. Meeŋ shin nɛ bumo be elɔr nɛ mbombi kikɛ e wɔl to nɛ b sa maŋ naa nya nchu.

Danɛl 5:30

Loŋ be kanyɛso gbagba nɛ b mɔ Babilɔn be ewura Bɛlshaaza na.

Jowɛl 3:10

Men ta men be asɔbɔya be ntekpa m bel etokobi nseŋ ta men be nsaŋɛgboŋ m bel akpa. Men kikɛ nyam e bela ase ŋ kɔ kena. Menyi to be bepɔshipo gba beeŋ kɔ.

Jowɛl 3:9

Nɛ Anebi Jowɛl kaŋɛ: “Men ta le be kubɔya ere n sa efuli pɔtɛana so ebi kikɛ fanɛ b bela ase ŋ kɔ kena. Ekama e tre mbe benapo ŋ gbargbar n shin nɛ b lar m wora shiriya.

Levitikɔs 26:25

Meeŋ shin bedoŋ e kɔ menyi kena ŋ gberge menyi kusoe ŋkpal men ka wora n da ma nɛ menyi be kɔnɔkoŋwule be ŋkre na so, nseŋ gama abar so ashi menyi be ndegboŋana to a fin kumɔlga menyi be amu so. Ma alɛ beeŋ naaŋ shin nɛ alɔ nɛ a maŋ kɔ kechɛ e tɔr menyi so n nyaŋ menyi nɛ men gbagba a ta menyi be amu m bɔɔ men doŋana enɔ.

Zakareya 14:12

Enyɛnpe Ebɔrɛ na beeŋ shin nɛ kulɔ lubi e tɔr efuli pɔtɛana be basa nɛ baa kɔ Jerusalɛm kena na so. Bumo be eyurana nɛ anishi nɛ adonduloŋ kikɛ beeŋ bɛ a bɛlge nɛ b kraa keni.

Zakareya 14:2

Enyɛnpe Ebɔrɛ na e naŋ gama efuli pɔtɛana na abar so nɛ b ba kɔ Jerusalɛm kena. Baaŋ pɔ kadegboŋ na so nseŋ luri elaŋ to m muu asɔ nseŋ pur beche. Baaŋ pɛ basa na be bargato ŋ ki anya n yɔ efuli pɔtɛana so, ama b maaŋ lara bumo nɛ baaŋ ka na bre kadegboŋ na to.