Jɛremaya 51:10 - EBƆRƐ BE KAWƆL

¹⁰ Ndoŋ nna nɛ Israɛl be basa na malɛ kaŋɛ le: “Enyɛnpe Ebɔrɛ na sɔ anyi be kɔnɔ so ŋ ka Babilɔnebi na kukɔ a ŋini fanɛ an ji n lar ashi kusɔ nɛ Babilɔn wora anyi na to. Amoso men shin nɛ an ya kaŋɛ basa nɛ b wɔ Jerusalɛm to na kusɔ nɛ Enyɛnpe, anyi be Ebɔrɛ na wora.”

Jɛremaya 51:10 Iomraidhean Croise

Nshɛ 118:17

Amoso m maaŋ wu, meeŋ baa wɔ ŋkpa to, a ber kusɔ nɛ Enyɛnpe Ebɔrɛ na wora be kubomboŋ.

Nshɛ 37:6

Shin nɛ fo asheŋ woraso niŋiso e baa kpa edɛ fanɛ karechɛ, nɛ kananɛ fee ji asheŋ nɛ amo be ekpa so, e baa di efuli fanɛ kapiidi be epeŋi.

Nshɛ 64:9

Kufu beeŋ pɛ basa, nɛ b ji Ebɔrɛ be ashuŋ shuŋso be asheŋ be shɛda, nsaa fɛ kusɔ nɛ e wora na be asheŋ.

Nshɛ 66:16

Menyi nɛ menyee bunyaŋ Enyɛnpe Ebɔrɛ na kikɛ e ba, nɛ ŋ kaŋɛ menyi kusɔ kama nɛ Ebɔrɛ wora n sa ma.

Nshɛ 9:14

nɛ n yili Jerusalɛmebi be anishito n fur fo ŋ kaŋɛ asɔ nɛ fo wora, nseŋ ji eyur ŋkpal fo kumɔlga so.

Aizaaya 24:14

Basa nɛ baaŋ ji efute bre beeŋ boŋ nshɛ kagbenefuliso nɛ bumo nɛ b wɔ epeŋitɔrkpa na e malga kananɛ Enyɛnpe Ebɔrɛ na be keshi nɛ kemaŋkura du,

Aizaaya 40:2

Meeŋ leŋ Jerusalɛm be basa to. Kaŋɛ bumo fanɛ b ji awurfoŋ n chɛr ga. Naniere b nya bumo be alubi be ketampaŋ. N tiŋ ŋ gberge bumo kusoe ga ŋkpal bumo be alubi so.”

Aizaaya 51:11

Naniere bre basa nɛ fo kɔ n suge na beeŋ bɛta n yɔ Jerusalɛm to nɛ kagbenewushi, baaŋ baa boŋ nshɛ kagbenefuliso nna a yɔ ndoŋ. Bumo be ŋgbene beeŋ fuli bumo mbaanaayɔ. Kagbenejija nɛ kebɔltofinfin maaŋ naŋ pɛ bumo.

Jɛremaya 50:28

Basa nɛ b nya n shile Babilɔn be kena na to na ba Jerusalɛm to m baa kaa kaŋɛ kusɔ nɛ Enyɛnpe Ebɔrɛ na wora ŋ ka Babilɔnebi kukɔ ŋkpal kusɔ nɛ b daŋ wora mbe bɔrɛlambu ashi Jerusalɛm so.

Jɛremaya 50:45

Amoso, men nu kusɔ nɛ ŋ kre a laŋɛ Babilɔn be kadegboŋ na be kaplɛa so nɛ kusɔ nɛ mee sha kewora kumo be basa. Bedoŋ beeŋ ba pɛ bumo be mbia katinso ŋ gberge bumo n yɔ efuli pɔtɛ wɔfɔ so nɛ bumo be efuli na a mur.