Jɛremaya 50:26 - EBƆRƐ BE KAWƆL

²⁶ Babilɔn mo doŋana, men shi kufɔ kufɔ m ba kɔ mo kena m bure mboŋ nɛ baa yili bumo be ayu be yiri yiri na. Kumo be kaman nɛ men chala asɔ nɛ men suge na abar so fanɛ ayu ka biti abar so na. Men mur efuli na kikɛ nsaa maŋ yige shɛŋ n sa bumo.

Jɛremaya 50:26 Iomraidhean Croise

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 14:23

Meeŋ shin nɛ Babilɔn be efuli e ki ketaŋɛsawule a pete nchu nɛ egbuŋgbula e baa wɔ ndoŋ. Meeŋ lara kumo be basa ashi kumo so fanɛ b ka ta pese n fuge bumo na. Ma, Enyɛnpetale Ebɔrɛ na e kaŋɛ na.”

Aizaaya 25:10

Enyɛnpe Ebɔrɛ na e naŋ kuŋ Zayɔn be kebee ere, ama e beeŋ chichi efuli nɛ baa tre Mowab na be basa so fanɛ ana ka chichi atuweklaŋ so n wɔtɔ depɔ to na.

Aizaaya 45:3

Ma alɛ beeŋ sa fo asɔ lela nɛ a ŋana ashiri be mboŋ, nɛ basa bee sha amo ga na. Saŋɛ na so feeŋ pin fanɛ ma e la Enyɛnpe Ebɔrɛ na; nseŋ naŋ pin fanɛ Israɛl be Ebɔrɛ na e ti fo ketre n tre fo.

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Jɛremaya 50:10

Baaŋ ba fuu Babilɔn be asɔ kama nɛ baa sha na n yɔ. Ma, Enyɛnpe Ebɔrɛ e kaŋɛ na.”

Jɛremaya 50:13

Ma agbo beeŋ mur Babilɔn nɛ esa kama maaŋ naa wɔ kumo so. Kufu beeŋ pɛ esa kama nɛ e beeŋ bɔla ndoŋ a choŋ n wu kusɔ nɛ k wora na, nɛ e baa chicha.

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 50:23

Babilɔn daa du fanɛ hama nna nseŋ daŋ bɛa durnya kikɛ to kpachɛrkpachɛrbi, ama loŋ be hama na gba e bɛa to kpachɛrkpachɛrbi na! Kusɔ nɛ k wora na daŋ chinchiŋ efuliana na be basa n shin nɛ bumo be nnɔ bumo.

Jɛremaya 50:41

Basa ko bee shi efuli ko nɛ k wɔ kelargato be esoso a ba, k la efuligboŋ nɛ k kɔ bewura damta nna. B shi kufɔ n wora kena be shiriya nna a ba.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:64

‘Kananɛ kejembugboŋ ere nɛ kawɔl ere muni nchu ere to ere nɛ Babilɔn be efuli gba beeŋ muni nsaa maaŋ naŋ tiŋ n lar jemanɛ nɛ Enyɛnpe Ebɔrɛ na beeŋ mur kumo na. Esa kama nɛ e wɔ kadegboŋ na to beeŋ wu nɛ efuli na maaŋ naŋ nya eleŋ ŋ koso kikɛ.’ ” Anebi Jɛremaya be kɔnɔ be ekar nna na.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Matiu 6:26

Men keni mbuibi ka wɔ esoso a firgi na, b maa duu shɛŋ, bumo alɛ maa teŋi shɛŋ ŋko a chala asɔ a wɔtɔ mpuro to, ŋkeshin nɛ men Tuto nɛ e wɔ ebɔrɛso na malɛ bee sa bumo asɔ jiso. Men keni, men maŋ bɔ bumo a?

Kelaraŋŋini 14:19

Ndoŋ nna nɛ malaika na fili mbe loji na to m ba kasawule so n chala kumo be waindibi be asɔrso na nseŋ ta amo ŋ kpa n wɔtɔ Ebɔrɛ be agbo be kusɔ nyaŋasɔrso na to.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.