Jɛremaya 50:21 - EBƆRƐ BE KAWƆL

²¹ Nɛ Enyɛnpe Ebɔrɛ na kaŋɛ Babilɔn mo doŋana le: “Men ya kɔ nde nɛ baa tre Merateem nɛ Pɛkɔd na be basa kena nseŋ mɔ bumo m mur. Men wora kusɔ kama nɛ ŋ kaŋɛ menyi kenishipereso na. Ma, Enyɛnpe Ebɔrɛ e kaŋɛ na.

Jɛremaya 50:21 Iomraidhean Croise

2 Samuɛl 16:11

Kede be kaman nɛ Deevid kaŋɛ Abishai nɛ mbe benimuana na le: “M pibinyɛn gbagba e naa fin ma nɛ e mɔ na, amoso men sa maŋ shin nɛ kusɔ nɛ Bɛnjamin be esa ere wora ere gba a tir menyi. Nɛ kashenteŋ nna fanɛ Enyɛnpe Ebɔrɛ na e kaŋɛ mo fanɛ e sho ma kɔnɔ, kumo ere fo yige mo nɛ e baa wora.

2 Bewura 18:25

Men baa nyi fanɛ Enyɛnpe Ebɔrɛ na e kaŋɛ ma fanɛ m ba kɔ m mur menyi be efuli ere. Mo alɛ e naŋ chɛ ma to.”

2 Kronikɛls 36:23

“Ma Sairus nɛ n la Pɛshiya be efuli so be ewurgboŋ na e naa kaŋɛ menyi le na fanɛ Enyɛnpe Ebɔrɛ nɛ e wɔ ebɔrɛso na e ta durnya ere kikɛ be kuwura m buu ma nseŋ ta bɔrɛlambu na be kepɔr ashi Jerusalɛm nɛ k wɔ Juda be efuli so na be kushuŋ n sa ma. Amoso, menyi bekama nɛ men la Ebɔrɛ be basa na e yɔ n ya lɔŋɛ bɔrɛlambu na m pɔr. Enyɛnpe menyi be Ebɔrɛ na e baa wɔ menyi kutɔ.”

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Aizaaya 48:14

Men kikɛ e gama abar so nseŋ nu nfe! Agbirana na be kekama maaŋ tiŋ n wu ŋ kaŋɛ fanɛ esa nɛ n lara na e naaŋ kɔ Babilɔn be efuli kena, ŋko n wu ŋ kaŋɛ fanɛ e beeŋ wora kusɔ nɛ ŋ kaŋɛ fanɛ e wora na.

Aizaaya 48:15

Ma e lara mo nseŋ n tre mo; ma alɛ beeŋ juŋkpar mo n shin nɛ e kɔ m pɔɔ so.

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Jɛremaya 50:15

Men kɔ bumo kaba kama so. Naniere Babilɔn shuli kapɔshi. Edoŋ na bure kumo be egbalana nɛ ebu jeŋgreŋana na n lɛ nɛ mee wora bumo kusɔ nɛ b ta n wora ndegboŋana ko na a bishi bumo kɔnɔ.

Jɛremaya 50:3

Efuli ko beeŋ shi kelargato be esoso m ba kɔ Babilɔn be efuli na kena n shin nɛ k ki keshishɛrsawule a dese. Edimɛdi nɛ asɔbɔya kikɛ beeŋ shile nɛ esa kama maaŋ naa wɔ ndoŋ.”

Jɛremaya 50:9

N ya we n wɔtɔ efuli lempoana ko ashi kelargato be esoso be kaba so nna fanɛ b ba kɔ Babilɔn be efuli na kena. Baaŋ ber abar so nna m ba kɔ m pɔɔ kumo so. B la basa nɛ b nyi kekpaŋ to nɛnɛ nna nsaa to ata ga. B maa to a paŋ kikɛ.

Ezikɛl 23:23

Meeŋ gama benapo nimuso nɛ benapo nɛ baa far egbaŋɛturko be benimuana nɛ basa gboŋ nɛ baa dii egbaŋɛ na kikɛ nɛ b shi Babilɔn be efuli so nɛ Asiriya be efuli so nɛ Chaldian be yiri to be basa nɛ b shi nde nɛ baa tre Pɛkɔd nɛ Showa nɛ Kowa na m ba abar so.

Ditɛronɔmi 33:27

Ebɔrɛ nɛ e wɔtɔ mbaanaayɔ na e la menyi be ekumpo. Mo e kɔ menyi mbe enɔana to na. Mo koŋwule na e naa ju men doŋana ashi menyi so na. Mo e naa malga nɛ menyee mur men doŋana na.

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”