Jɛremaya 50:2 - EBƆRƐ BE KAWƆL

² “Bɔ baru na nseŋ ber kumo be kubomboŋ n sa efuliana na! M maŋ tuta na so nseŋ ber baru na be kubomboŋ! Sa maŋ ta kumo fanɛ ashiri be kesheŋ! Babilɔn be efuli na beeŋ kɔ n tɔr! Bumo be kegbir nɛ baa tre Maaduk na e bure to; nɛ anishinyɔr a ji bumo be agbirana kikɛ.

Jɛremaya 50:2 Iomraidhean Croise

Nshɛ 64:9

Kufu beeŋ pɛ basa, nɛ b ji Ebɔrɛ be ashuŋ shuŋso be asheŋ be shɛda, nsaa fɛ kusɔ nɛ e wora na be asheŋ.

Nshɛ 96:3

Men baa malga mbe kemaŋkura nɛ asheŋgboŋ be asheŋ a sa basa nɛ b wɔ efuliana kikɛ so.

Nshɛ 97:7

Bekama nɛ baa shuŋ agbirana ŋko a puchi amo so na bee ŋaba nna; ŋkpal manɛ so, agbirana kikɛ maŋ la shɛŋ Ebɔrɛ be anishito.

Aizaaya 12:4

Kachako bee ba nɛ basa e boŋ kashɛ ŋ kaŋɛ le: “Ta kechɔrɔ n sa Enyɛnpe Ebɔrɛ na! Tre mo fanɛ e chɛ fo to! Kaŋɛ efuliana na kusɔ nɛ e wora! Kaŋɛ bumo kananɛ e shi be asheŋ!

Aizaaya 13:2

E yɛ, Aizaaya, yili kepreŋ nɛ shɛŋ maŋ wɔ kumo so na be awɔlto m maŋ kena be tuta so! Ponte ŋ kaŋɛ esoji na fanɛ b kre kena. Pla bumo enɔ fanɛ b kɔ n nya n luri mbunagboŋ lempo na to n ya kɔ Babilɔn be kadegboŋ na.

Aizaaya 21:9

K maŋ chɛr ko nɛ esoji nɛ b dii egbaŋɛ m bɛ abar so kenyɔ nyɔ fara a ba. Epul na to nɛ ekenipo na ponte awɔrso n sa baru nɛ egbaŋɛ diipo na bar ŋ kaŋɛ le: “Babilɔn be basa kɔ n tɔr! Agbirana nɛ b daa shuŋ na bure kuraa m pesaŋ to a dese kasawule.”

Aizaaya 37:19

Bumo alɛ daŋ naŋ chɔɔ efuliana na be agbirana nɛ b ta ndibi nɛ ajembu n lɔŋɛ a shuŋ nna.

Aizaaya 39:1

Merodak Baladan nɛ e la Baladan pibinyɛn nseŋ daa la efuli nɛ baa tre Babilɔn be ewura na ka nu fanɛ ewura Hɛzekaya daŋ lɔ nseŋ nya alenfia, nɛ e shuŋi mbɔ nɛ b ta kawɔl nɛ kakɛ n ya sa mo.

Aizaaya 46:1

“Babilɔn be efuli so be agbirana be eleŋ fo ekar! Jemanɛ ko Babilɔn ebi daa shuŋ agbir nɛ baa tre Bɛl nɛ Nebo na nna. Ama naniere amo nɛ b bela n deŋi ekurma so, nɛ a ki esulɔ a deŋ asɔbɔya nɛ a gben be mman na.

Aizaaya 48:20

Naniere, men lar Babilɔn be efuli so! Men ta kayurji a yɔ. Men shin nɛ menyi be ŋgbene e fuli menyi nɛ men baa boŋ to awɔrso a kaŋɛ ekama le: ‘Enyɛnpe Ebɔrɛ na kɔ n suge anyi, Israɛlebi nɛ an la mbe anya na!

Aizaaya 48:6

Asheŋ nɛ ŋ kaŋɛ menyi na kikɛ wora m bɔlɔ so. A daga fanɛ men shuli so fanɛ kashenteŋto nɛ e wora m bɔlɔ so. Naniere meeŋ naŋ kaŋɛ menyi asheŋ popɔr nɛ e beeŋ ba. E la asheŋ woraso nɛ m maŋ naŋ lara ŋ ŋini kikɛ nna.

Jɛremaya 10:11

Fo yɛ ŋ kaŋɛ basa fanɛ, mannɛ agbirana e to ebɔrɛso nɛ kasawule; fo Enyɛnpe Ebɔrɛ na malɛ beeŋ mur kegbir kikɛ nɛ edimɛdi lɔŋɛ.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 31:10

Enyɛnpe Ebɔrɛ na yɛ: “Menyi efuliana nɛ e taga to nɛ amo nɛ a wɔ teku be apla so kikɛ na e nu nfe. Ma e daŋ pesaŋ Israɛl be basa na to, ama ma alɛ beeŋ naŋ gama bumo abar so. Meeŋ baa kuŋ bumo fanɛ kananɛ mbolpɔkpapo bee keni so a kuŋ mbe mbolpɔ na.

Jɛremaya 4:16

Baa ba nna nɛ b ba kaŋɛ efuli pɔtɛana na kusɔ ko nseŋ kpele Jerusalɛm to ebi kusoe fanɛ bumo doŋana shi efuli wɔfɔ wɔfɔ a ba. Bedoŋ ere bee ponte a malga a gbiti Juda be ndegboŋana nna

Jɛremaya 4:6

B ŋini ekpa nɛ k bee yɔ Jerusalɛm be kadegboŋ na to a yɔ! Men shile m mɔlga menyi be amu nsaa maŋ wora epel! Ŋkpal manɛ so, Enyɛnpe Ebɔrɛ na beeŋ shin nɛ kemur cheche gboŋgboŋi e shi kelargato be esoso m ba.

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Jɛremaya 51:31

Mbɔ malɛ baa yɔ kukoko to nna n ya kaa bɔ Babilɔn be ewura kubɔya fanɛ bedoŋ teŋ ŋ kɔ n suge bumo be kadegboŋ na kikɛ kuraa.

Jɛremaya 51:44

Meeŋ gberge Babilɔn be kegbir nɛ baa tre Maaduk na kusoe, nseŋ shin nɛ k laŋɛ asɔ nɛ k yuri na n sa amowuraana. Kumo be kaman efuli pɔtɛana be basa maaŋ naŋ bar ŋkɛ m ba bunyaŋ kumo. Nɛ Babilɔn be egbalana e bure n tɔr.”

Jɛremaya 51:47

Ŋkpal manɛ so, jemanɛ ko bee ba, nɛ ŋ gberge Babilɔn be agbirana kusoe. Esa kama nɛ e wɔ efuli na so beeŋ wu, nɛ efuli na be basa kikɛ e ji anishinyɔr.

Jɛremaya 51:52

K maaŋ chɛr nɛ n ta kena ŋ gberge Babilɔn be efuli so be agbirana kusoe, nɛ kumo be basa e doro n dese kaplɛkama a tekeŋ.

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Jɛremaya 52:31

Babilɔn be Ewura Nebukadneeza daŋ pɛ Juda be ewura Jehowachin nna n ya ti ebu nfɛ adesa nɛ ashunu ashi Babilɔn be efuli so. Kafɛ nɛ ewura Nebukadneeza wu nɛ mo pibinyɛn, Ivɔl Mɛrodak, nɛ e sɔ mo so n ji Babilɔn be kuwura na wu ewura Jehowachin kuwɔr n shin nɛ b lara mo kabuti to.

Jɛremaya 6:18

Amoso nɛ Enyɛnpe Ebɔrɛ kaŋɛ le na: “Menyi basa nɛ men wɔ efuli pɔtɛana nɛ e wɔ durnya to na e nu nfe nseŋ pin kusɔ nɛ k beeŋ tu ma basa.

Danɛl 1:2

Nɛ Enyɛnpe Ebɔrɛ shin nɛ ewura Nebukadneeza kɔ m pɔ ewura Jehowakim so m pɛ mo nɛ basa ko n ta bɔrɛlambu na to be asɔ na be ako n ti bumo so n yɔ Babilɔn be efuli so n ya ta asɔ na n yili mbe agbir be ebu to ashi Babilɔn.

Danɛl 3:14

B ka bar bumo nɛ e kaŋɛ bumo le: “Shaadrak, Mɛshaak, Abedneego, kashenteŋ nɛ men kini kebunyaŋ ma agbir nɛ kejɔŋɛ shuwa be kapɔrduli nɛ m pɔr n yili na ase a?

Zefanaiya 2:11

Enyɛnpe Ebɔrɛ na be asheŋ beeŋ pɛ bumo kufu, jemanɛ nɛ e beeŋ mur kasawule na so be agbirana kikɛ na. Efuliana nɛ a wɔ teku ase kikɛ be basa beeŋ bunyaŋ Enyɛnpe Ebɔrɛ na ashi bumo gbagba be nsawule so.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.