Jɛremaya 50:14 - EBƆRƐ BE KAWƆL

¹⁴ Menyi basa nɛ men kɔ ata a kɔ na, e ba bɛ abar so ŋ kulti Babilɔn n wɔtɔ. Men to menyi be atanyembi kikɛ n wɔtɔ Babilɔn to, ŋkpal manɛ so, k wora kulubi n da ma, Enyɛnpe Ebɔrɛ na so nna.

Jɛremaya 50:14 Iomraidhean Croise

2 Samuɛl 10:9

Jɔab ka wu fanɛ bumo doŋana be benapo na be beko ka wɔ bumo be anishito nɛ beko malɛ wɔ bumo be kaman, nɛ e lara Israɛl be benapo lempo ko nɛ b juŋkpar a kɔ Siriyaebi na.

Nshɛ 51:4

Kashenteŋto, fo nɛ n wora n da so. N wora n jija ŋkpal ŋ ka kini kewora fo kasonu so. Amoso k daga nna nsaa walɛ fanɛ fo gberge ma kusoe n niŋi ma ekpa.

Aizaaya 13:4

Men kaŋ asoe n nu, awɔr ka bee gbri abee so fanɛ jimaŋ damta na! K du fanɛ efuliana nɛ kuwurgboŋana e naa gama abar so! Enyɛnpetale Ebɔrɛ na e naa gama benapo abar so nɛ b kɔ kena.

Aizaaya 5:28

Kumo be kaman, bumo be akpaana du pɛlpɛlbi nna nɛ bumo alɛ wora shiriya a jo nɛ b to bumo be ata. Bumo be egbaŋɛ be alotobi du kpakpa fanɛ awarabi nna, nɛ bumo be kena to be egbaŋɛturko malɛ be aya bee kilgi to manaŋ manaŋ fanɛ kawuliwuli na.

Jɛremaya 46:9

Kaŋɛ egbaŋɛ na kenishipereso fanɛ b baa shile a yɔ nɛ egbaŋɛturko na malɛ e baa shil a chɔ so! Kaŋɛ menyi be esoji na fanɛ b lar m bɛ abar so a yɔ, Itiopiaebi nɛ Libiyaebi na e keta abɛlso be asɔ kuŋamuso, Lidiya be basa na keta ata nɛ atanyembi nna.’ ”

Jɛremaya 49:14

Kumo be kaman nɛ ma, Jɛremaya kaŋɛ le: “Edɔm be basa, kubɔya ko nɛ n nya shi Enyɛnpe Ebɔrɛ na kutɔ. E yɛ, e shuŋi kabɔ fanɛ e ya kaŋɛ efuliana na fanɛ b gama bumo be benapo abar so nseŋ bela ase m ba kɔ menyi kena.

Jɛremaya 49:35

E yɛ: “Meeŋ shin nɛ b mɔ basa nɛ b ta ata ŋ kɔ n shin nɛ Elam be efuli na nya eleŋ ga na.

Jɛremaya 50:11

Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 50:29

“Kaŋɛ bedoŋ nɛ baa ta ata a kɔ kena na fanɛ b kɔ Babilɔn kena. B ba kulti Babilɔn be kadegboŋ na n wɔtɔ nsaa maŋ shin nɛ esa kikɛ e nya n shile kena na to. Men ka bumo kukɔ ŋkpal kusɔ nɛ b wora na so, nseŋ wora bumo kusɔ nɛ b ta n wora beko na. Ŋkpal manɛ so, kamoowuso nɛ b daŋ wora asheŋ ŋ gbiti ma, Israɛl be Ebɔrɛ cheembi na.

Jɛremaya 50:42

B teŋ ta bumo be ata nɛ etokobi ŋ keta; bumo be benapo maŋ kɔ kushuso, bumo alɛ maa wu kuwɔr. B baa dii egbaŋɛ a ba k bee gbri nna fanɛ teku be nchu ka bee wɔr na. B bela ase nna a ba nɛ b ba kɔ Babilɔn be efuli so be basa kena.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 50:9

N ya we n wɔtɔ efuli lempoana ko ashi kelargato be esoso be kaba so nna fanɛ b ba kɔ Babilɔn be efuli na kena. Baaŋ ber abar so nna m ba kɔ m pɔɔ kumo so. B la basa nɛ b nyi kekpaŋ to nɛnɛ nna nsaa to ata ga. B maa to a paŋ kikɛ.

Jɛremaya 51:2

Meeŋ shuŋi befɔ nɛ b ba mur Babilɔn be efuli na fanɛ afu ka foŋ amimi n lɛ na. Kachɛ na kaŋ fo, baaŋ baa kɔ kaba kama so nna m mur kusɔ kama nseŋ yige kasawule na n nase fuloŋ.

Jɛremaya 51:27

Men maŋ tuta na so ashi kasawule na so nseŋ foŋ kabel na, saŋɛ na so efuliana na be basa beeŋ nu nseŋ bela ase m ba kɔ Babilɔn kena! Men kela n tre efuliana nɛ baa tre Ararat nɛ Minni nɛ Ashkenaz be benapo nɛ b ba kɔ Babilɔn be basa kena. Men lara enapo nimuso nɛ e juŋkpar benapo na ŋ kɔ. Menyi alɛ e bar egbaŋɛ damta nɛ b baa du fanɛ elotɔr ka mel abar so na.

Jɛremaya 51:3

Ma, Enyɛnpe Ebɔrɛ beeŋ kaŋɛ befɔ na be benapo fanɛ b sa maŋ sa Babilɔn be benapo na ekpa nɛ b gberge bumo be ata to ŋko n ta bumo be abɛlso be asɔ kuŋamuso. Bumo alɛ e sa maŋ yige Babilɔn be mbrantiɛfɔlbi na, b mur benapo na kikɛ!

Habakuk 2:17

Men ku Lebanɔn be kupo to be ndibi n lɛ, naniere baaŋ ku menyi alɛ gba n lɛ. Men mɔ kumo to be asɔbɔya kikɛ nɛ naniere asɔbɔya bee funti menyi. Ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so nɛ asheŋ ere beeŋ ba menyi so.

Habakuk 2:8

Men ta eleŋsheŋ n suge efuli damtaana be basa be asɔ nseŋ m mɔ bumo be basa. Ama naniere bumo be basa nɛ b ji efute gba beeŋ ta eleŋsheŋ n suge menyi be asɔ ŋkpal basa damta nɛ men mɔ nɛ nsawule nɛ ndegboŋana nɛ men mur durnya ere to so.

Kelaraŋŋini 17:5

Le be wulo be ketre ere nɛ b daŋ sibɛ n deŋi mbe kasɔto so: “Babilɔn lempo, kesakaleajipoana bumo nio nɛ emo nɛ kasawule so be alemaŋkar be alubi kikɛ shi mo kutɔ.”

1 Samuɛl 17:20

Kumo be ŋklade kachipurdidi nɛ Deevid koso nseŋ shin nɛ esa ko bee keni mbe mbolpɔ so nɛ e ta ajibi na n yɔ fanɛ kananɛ Jɛsi ŋini mo na gbagba chap. Saŋɛ so nɛ Israɛl be benapo na baŋ lar a boŋ kena to be nshɛ a yɔ kakpa nɛ baaŋ ya yili ŋ kɔ kena na, nɛ Deevid fo ndoŋ.