Jɛremaya 50:11 - EBƆRƐ BE KAWƆL

¹¹ Ade be kaman nɛ Enyɛnpe Ebɔrɛ na naŋ kaŋɛ le: “Babilɔn be basa, men daŋ suge ma basa be asɔ nna nɛ k par menyi ga nɛ menyee wora awɔr fanɛ mbrantiɛfɔlbi nɛ baa beri ayu ŋko gbaŋɛ ka bee shu na.

Jɛremaya 50:11 Iomraidhean Croise

Nshɛ 22:12

Bedoŋ damta e kulti ma n wɔtɔ fanɛ apuntona. B kɔ eleŋ nna nseŋ lubi fanɛ Bashan be efuli so be egbolu.

Aŋasa 17:5

Fo baa wora betirpo eyurto, Ebɔrɛ nɛ E to bumo na nɛ fee wora eyurto na. Ebɔrɛ malɛ beeŋ gberge bekama nɛ bumo braana be awurfoŋ bee wora bumo ebel na kusoe.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Aizaaya 47:8

Menyi alɛ daa naa fɛ fanɛ men shi ga nna a kɔ eleŋgboŋ fanɛ Ebɔrɛ, a wɔtɔ a ji menyi be amu jemanɛ kikɛ, a fɛ fanɛ esa kikɛ maŋ naa du fanɛ menyi. Menyi alɛ daa naa fɛ nna fanɛ menyi maaŋ tiŋ ŋ ki fanɛ ekulpoche ŋko esa nɛ e paŋ mbe mbia.

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 46:20

Ijipt du fanɛ nache fɔlbi nɛ e walɛ kebita nɛ wuloŋ shi kelargato be esoso m ba duŋ mo nna.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 5:28

nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Jɛremaya 5:8

Bumo nɛ asɔbɔya maŋ kɔr abar to. Ŋkpal manɛ so, b daa sha kebaadi bumo braana be eche jemanɛ kikɛ nna.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Nfabel 1:21

Ekama nu anyi ka bee munto a shu, ama esa kikɛ maŋ wɔtɔ nɛ e lolo anyi. An doŋana nyi etɔrɔ nɛ fo, Enyɛnpe Ebɔrɛ na, bar anyi so, nɛ bumo be ŋgbene fuli bumo ŋkpal loŋ so. Jande, nya manaŋ ŋ gberge bumo kusoe, fanɛ kananɛ fo nase kɔnɔ na.

Ezikɛl 35:15

fanɛ kananɛ men ji eyur jemanɛ nɛ ma basa Israɛlebi na daŋ mur na. Edɔm be efuli nɛ kumo be nsawule kikɛ beeŋ mur cheche, a maaŋ naa la shɛŋ. Kumo be kaman nɛ ekama e pin fanɛ ma e la Enyɛnpe Ebɔrɛ na.”

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Hoziya 10:11

Saŋko, Israɛlebi daa kɔ kasonu nna fanɛ kena nɛ baa keta a bir ayu na, ama meeŋ ta kubɔ to be kebarga n deŋi mbe kubɔ lela na so n shin nɛ e shuŋ ashuŋ kpakpaso. Judaebi nɛ Israɛlebi kikɛ beeŋ keta ntekpa n dɔ.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Obadaya 1:12

A daa maŋ daga fanɛ men baa yil a mushe men niopibiana Jeekɔb be kanaŋ to ebi saŋɛ nɛ tɔrɔ nɛ kachɛ lubi tu bumo ashi bumo be kemur be saŋɛ so na.

Habakuk 1:15

Babilɔnebi na bee pɛ edimɛdi nna fanɛ b ka ta edariwa ŋko ashewu m pɛ ekɔrɔtɔ n dii kedeŋi so nsaa cha awɔr kagbenefuliso na.

Zakareya 14:12

Enyɛnpe Ebɔrɛ na beeŋ shin nɛ kulɔ lubi e tɔr efuli pɔtɛana be basa nɛ baa kɔ Jerusalɛm kena na so. Bumo be eyurana nɛ anishi nɛ adonduloŋ kikɛ beeŋ bɛ a bɛlge nɛ b kraa keni.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.