Jɛremaya 50:1 - EBƆRƐ BE KAWƆL

¹ Kubɔya nɛ Enyɛnpe Ebɔrɛ na sa ma a laŋɛ Babilɔn be kadegboŋ nɛ kumo be basa be kaplɛa so nde:

Jɛremaya 50:1 Iomraidhean Croise

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

Jɛnesis 11:31

Nɛ Tɛra keta mo pibinyɛn Eebram nɛ mo nanabi Lɔt nɛ e daa la Haran pibinyɛn na nɛ mo shache Sɛɛrai, Eebram be eche, n ti mbe kumu so nɛ b lar Ur ashi Babilɔnia n yɔ Keenan be kasawule so. B ka bee yɔ Keenan n ya fo Haran nɛ b chena ndoŋ.

Jɛnesis 11:9

Loŋ be kade na nɛ b daa tre Babilɔn, ŋkpal manɛ so, ndoŋ nɛ Enyɛnpe Ebɔrɛ na daŋ wea basa kikɛ be ŋgbar to nseŋ pesaŋ bumo to nɛ b sɔ kasawule so kikɛ.

2 Samuɛl 23:2

Enyɛnpe Ebɔrɛ be kiyoyu na e naa kaŋɛ ma kusɔ nɛ meeŋ malga.

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

Job be kawɔl 1:17

Mo alɛ gba kraa malga nna nɛ kabɔ sasopo ba kaŋɛ Job le: “Beyu nɛ b kɔ akɔsɔ be ntuŋ asa shi Babilɔn be efuli so nɛ k wɔ kelargato be esoso be epeŋilarkpa na nna m ba kɔ n suge fo enyɔma na nseŋ kpa amo kikɛ n choŋ. N nawule e nya n shile m ba nɛ m ba kaŋɛ fo kusɔ nɛ k wora.”

Aizaaya 14:4

E kaŋ wora loŋ n loge nɛ bumo alɛ e wora Babilɔn be efuli so be ewura eyur to nseŋ kaŋɛ le: “Ewura nyaŋnyaŋso na e tɔr na! E maaŋ naŋ tiŋ ŋ kɔrfɛ esa kikɛ!”

Aizaaya 23:13

Keni kusɔ nɛ Asiriyaebi wora Babilɔn be efuli so be basa! B kre kena m ba gbare shishɛr n deŋi abar so nseŋ dii amo so n luri kadegboŋ na to ŋ kɔ kumo nseŋ mur kasawule na so be ewurkpa kikɛ. Naniere kupuŋ to be asɔbɔya lubi e wɔ kumo be alambure na to.

Jɛremaya 25:12

Nfɛ adushunu na be kaman nɛ ŋ gberge Babilɔn be ewura nɛ mbe basa kusoe n shin nɛ kasawule na e ki kasawule fuloŋ a dese mbaanaayɔ ŋkpal bumo gba be alubi so.

Jɛremaya 27:7

Efuliana na kikɛ be basa beeŋ shuŋ Ewura Nebukadneeza nɛ mbe mbia nɛ mo nanabiana fanɛ anya n ya fo fanɛ bedoŋ ka beeŋ ba mur mbe efuli na gba. Kumo be kaman nɛ efuliana nɛ e kɔ yuku ga nɛ bewurgboŋana e ba abar so m ba tintiŋ mbe efuli so be basa nɛ b shuŋ bumo fanɛ anya.

Danɛl 1:1

Jehowakim ka ji Juda be kuwura be kafɛ sasopo nɛ ewura Nebukadneeza nɛ e la Babilɔn be efuli so be ewura na nɛ mbe benapo ba kulti Jerusalɛm n wɔtɔ ŋ kɔ kumo kena.

Ashuŋ Shunso 7:4

Ndoŋ nna nɛ e lar Kaldiya be efuli na so n ya kaa wɔ Haran. Eebraham mo tuto ka ba wu nɛ Ebɔrɛ shin nɛ e kaa m ba efuli nɛ men wɔ ere so.

2 Pita 1:21

Ŋkpal manɛ so, abɔrɛsheŋ wuŋkaŋɛ kama maŋ naŋ shi dimɛdi be katiŋ so m ba, ama Kiyoyu Cheeŋ na e daŋ ta basa nɛ b malga baru nɛ k shi Ebɔrɛ kutɔ na.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”