Jɛremaya 5:7 - EBƆRƐ BE KAWƆL

⁷ Kumo be kaman nɛ Enyɛnpe Ebɔrɛ bishi le: Manɛ so nɛ meeŋ ta ma basa be alubi m paŋ bumo? B kplaŋ ma so nseŋ lar ma kaman n ya kaa shuŋ agbirana nɛ e maŋ la Ebɔrɛ na. N sa ma basa kusɔ kama kanaŋkamaso nɛ baa sha, ama b kraŋ yige ma nseŋ lar bumo be beche be mman n ya kaa wɔ esakaleche kutɔ.

Jɛremaya 5:7 Iomraidhean Croise

2 Kronikɛls 13:9

Fo ju Enyɛnpe Ebɔrɛ be bɔrɛmatapoana nɛ b la Ɛɛrɔn be kaman to ebi na nseŋ ju Livaiebi na gba. Fo lara basa pɔtɛ ko nna nɛ b sɔ bumo be kabɔrɛmata be kushuŋ be eyilikpa fanɛ kananɛ efuli pɔtɛ ko be basa bee wora na. Ekama malɛ nɛ e baŋ ta gbolu ŋko mbolpɔ ashunu m ba, fo shin nɛ e bee ki menyi be agbirana nɛ a maŋ la shɛŋ na be kegbirwura nna.

Job be kawɔl 31:12

nɛ k beeŋ mur ma nseŋ shin nɛ ma adɔjibi e ji edɛ.

Nshɛ 50:18

Beyu nɛ basa lubi nɛ menyee ji keteri nsaa sha basa nɛ b maa bɛ bumo be kakil to be nnɔ naseso so.

Jɛremaya 12:16

Jemanɛ ko b daŋ ŋini ma basa kananɛ baa shuŋ kegbir nɛ baa tre Baal na nna. Ama nɛ b shuli so fanɛ ma e la kashenteŋ be Ebɔrɛ na nseŋ shin nɛ ma basa ŋini bumo kananɛ baaŋ baa shuŋ ma bre, meeŋ shin nɛ efuli pɔtɛana ere be basa gba e ki ma basa.

Jɛremaya 13:27

Ŋkpal manɛ so, e wu fo basa ka wora asheŋ nɛ e kishi nna. Kumo e la fanɛ e wu menyi nɛ menyee shuŋ nnyamase be agbirana ashi abee so nɛ adɔsawule to fanɛ kananɛ enyɛn ko bee yɛlga mo barkasa be eche nsaa shil a chɔ mo so na ŋko fanɛ kananɛ gbaŋɛ nyɛnso bee ju a bɛ gbaŋɛ cheso so na. Asheŋ maaŋ nyalɛ n sa menyi, Jerusalɛm to be basa ere! Jemanɛ mo nɛ menyeeŋ naŋ nyalɛ so a maaŋ naa kɔ eyurpi menyi so?

Jɛremaya 16:11

Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 2:11

Efuli kikɛ so be basa maŋ naŋ chɛrga bumo be agbirana. Bumo be agbirana na maŋ la Ebɔrɛ kashenteŋto gba. Ama ma ere be basa ta ma, Enyɛnpe Ebɔrɛ nɛ m bar bumo kemaŋkura na n chɛr agbirana nɛ a maaŋ tiŋ n wora shɛŋ n sa bumo.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 23:10

Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Jɛremaya 3:19

Kumo be kaman nɛ Enyɛnpe Ebɔrɛ na kaŋɛ le: “Israɛl be basa, n daa sha keta menyi fanɛ ma mbia nseŋ sa menyi kasawule nɛ k beeŋ par menyi a walɛ a chɔ kasawule kikɛ durnya to. Ma alɛ naa sha fanɛ men baa tre ma men tuto nsaa maŋ naŋ lar ma kaman kikɛ.

Jɛremaya 3:8

Juda daŋ wu ŋ ka kini Israɛl n lɛ fanɛ eche nɛ mo kul kini mo nseŋ ju mo n lɛ na, ŋkpal b ka shuŋ agbirana so. Ama kufu daa maŋ pɛ Juda be efuli so be basa. Kumo be kaman nɛ bumo alɛ gba shuŋ agbir ŋ ki fanɛ ebojua

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Nfabel 3:42

An lar fo kaman n wora alubi!

Ezikɛl 22:11

Basa ko wɔtɔ nna a ji kubojua nɛ beko bee di bumo be bibinyɛn be beche. Bede malɛ wɔtɔ a di bumo sipocheana nɛ bumo nɛ bumo la kututo ŋko kenio koŋwule.

Hoziya 11:8

Ama m maaŋ tiŋ n yige Israɛlebi ŋko ŋ kplaŋ bumo so kikɛ. M maaŋ tiŋ n jija bumo fanɛ kananɛ n jija Adma nɛ Zeboyim be nde na. Ma kasha nɛ ŋ kɔ n sa bumo na shi ga.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Hoziya 4:2

Baa nase nnɔ nna nsaa maa bɛ amo so. B wɔtɔ nna a ku efɛ, a mɔ basa, nsaa yuri nseŋ naa ji kesakalea. Bumo be asheŋ lubi malɛ baa ti so nna nɛ b wɔtɔ a mɔ abar saŋkama.

Hoziya 7:4

B la basa nɛ esa maaŋ tiŋ n yirda nna nɛ bumo be yurkishi du fanɛ ebu nɛ baa tɔ bodobodo kumo to na be edɛ nɛ b baga amo to nɛ a suse yeŋyeŋyeŋ na.

Levitikɔs 20:10

Nɛ enyɛn di mo barkasa be eche, mo nɛ eche na kikɛ ji kubojua nna na nseŋ daga luwu.

Eemɔs 8:14

Bekama nɛ baa bɔ agbir nɛ a wɔ Samɛria na nɛ kegbir nɛ k wɔ Dan na ŋko kegbir nɛ k wɔ Bɛshiba na, beeŋ tɔr a maaŋ naaŋ koso kikɛ.”

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

1 Kɔrintebi 6:9

Men maŋ nyi fanɛ mannɛ basa lubi e naaŋ ba nya Ebɔrɛ be kuwura na to n luri ŋko? Men sa maŋ shin nɛ esa kikɛ e fule menyi. Kesakaleawuraana kikɛ ŋko bumo nɛ baa shuŋ agbirana ŋko bumo nɛ baa kil nsaa ji kesakalea ŋko benyɛn mo nɛ baa di abar keche nɛ kenyɛn kikɛ maaŋ nya Ebɔrɛ be kuwura na to n luri kikɛ.

1 Kɔrintebi 8:4

To, naniere an keni nlɔŋɛjibiana be asheŋ to. An baa nyi fanɛ kegbir la kusɔ nɛ k maŋ kɔ ŋkpa kumo to nna a wɔtɔ, anyi alɛ nseŋ naa nyi fanɛ Ebɔrɛ koŋwule e wɔtɔ, ekama maŋ naŋ ti mo so.

Galeeshaebi 4:8

Saŋɛ na men daa maŋ nyi Ebɔrɛ, amoso, men daa la ayoyuana nɛ basa bee fɛ fanɛ a la Ebɔrɛ nɛ amo alɛ maŋ la na be anya nna.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:21

B daŋ bunyaŋ agbirana nɛ a maŋ kɔ tɔnɔ n shin nɛ ma kukɔrkɔ koso nɛ n nya agbo. Amoso meeŋ shin nɛ men be kukɔrkɔ nɛ agbo e koso, ŋkpal kusɔ nɛ meeŋ wora efuli nɛ k maa wu kuwɔr nsaa maa kɔ tɔnɔ be basa so.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.

Joshuwa 23:7

Men sa maa ji a tir kasawule na so be basa nɛ b ka a wɔ menyi to na. Men sa maa nase nnɔ bumo be agbir to ŋko a bɔ amo. Men sa maa shuŋ agbir na ŋko a bunyaŋ amo.