Jɛremaya 5:5 - EBƆRƐ BE KAWƆL

⁵ To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 5:5 Iomraidhean Croise

2 Kronikɛls 36:14

Ndoŋ nna nɛ Juda be basa nɛ bɔrɛmatapoana na wora alubi damta nɛ Ebɔrɛ kishi ga na. B daa shuŋ efuli pɔtɛana nɛ a chena m mata bumo na be agbirana nna, nsaa wora eyurpisheŋ a gbiti Enyɛnpe Ebɔrɛ be bɔrɛlambu cheembi nɛ k wɔ Jerusalɛm to na.

Ɛksodɔs 32:25

Ndoŋ nna nɛ Mosis wu fanɛ Ɛɛrɔn e shin nɛ basa na nya bumo be aparsheŋ nseŋ ta bumo be amu n wora jenfembi ashi bumo doŋana be anishito.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 2:31

Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 30:14

Menyi be beshapo kikɛ teŋ menyi be asheŋ so, menyi be asheŋ maŋ naa tir bumo. Ŋ kɔ menyi nna fanɛ edoŋ, nɛ menyi be kasogberge malɛ shi ga n sa menyi ŋkpal menyi be alubi damta nɛ kumu kpakpaso damta so.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 8:7

Etɔkɔrkɔ nyi jemanɛ nɛ a daga e bɛta m ba nɛ elepɔ nɛ abɔrɛpɔpɔbi nɛ etitibi gba nyi jemanɛ ka chɛrga nɛ a daga e naŋ yɔ efuli pɔtɛ so. Ama menyi, nɛ men la ma basa na, maŋ nyi mbra nɛ ŋ kɔ a keni menyi so.

Jɛremaya 9:3

Jemanɛ kikɛ b wora shiriya nɛ b baa ku efɛ nna. Kapuni e naa ji kuwura kasawule na so, mannɛ kashenteŋ. Ndoŋ nna nɛ Enyɛnpe Ebɔrɛ na kaŋɛ le: “Ma basa baŋ lar kulubi ko to baa luri kenyɔsopo to nna, bumo alɛ maŋ nyi fanɛ ma e la bumo be Ebɔrɛ na.”

Ezikɛl 11:2

Ndoŋ nna nɛ Enyɛnpe Ebɔrɛ na kaŋɛ ma le: “Dimɛdi pibi, Ezikɛl, basa ere bee kre kulubi nsaa sa Jerusalɛm to be basa kasotoji lubi nna na.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Eemɔs 6:1

Asheŋ maaŋ nyalɛ n sa menyi nɛ shɛŋ shɛŋ maŋ tir menyi ashi Jerusalɛm, nɛ menyee fɛ fanɛ men nya kekuŋ ashi Samɛria be kade to ere. Asheŋ maaŋ nyalɛ n sa menyi Israɛl be efuli lempo be bunyaŋwuraana, nɛ basa bee kaa ba menyi kutɔ m ba kaa fin kechɛto na!

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Malakai 2:7

Menyi bɔrɛmatapoana e daga men ka bee malga Ebɔrɛ be asheŋ nɛ basa e baa ba men kutɔ nɛ men ŋini bumo Ebɔrɛ be asheŋ nɛ b pin mo nɛnɛ, ŋkpal manɛ so menyi so nɛ Enyɛnpetale bee bɔla a malga a sa basa.

Luuk 18:24

Ndoŋ nna nɛ Yesu keni mo boeŋ nseŋ kaŋɛ le: “Kashenteŋto, a beeŋ nu damawuraana ga pɔɛŋ nɛ b luri Ebɔrɛ be kuwura na to.

Luuk 19:14

Mbe efuli so ebi malɛ daŋ kishi mo ga, amoso, e ka yɔ nɛ b shuŋi mbɔ fanɛ b bɛ mo so n ya kaŋɛ bumo nɛ baaŋ buu mo kuwura na le: ‘Anyi ere maa sha kanyɛn ere ka ki anyi be ewura.’