Jɛremaya 5:31 - EBƆRƐ BE KAWƆL

³¹ Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 5:31 Iomraidhean Croise

1 Bewura 22:6

Ndoŋ nna nɛ ewura Ahab tre anebiana alfa ana, m bishi bumo le: “N ya kɔ Ramɔfebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ n sɔ kumo.”

Aŋasa 17:4

Alubisheŋ bee wora belubiworapo ebel nna nɛ efɛ malɛ bee wora befɛpo ebel.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 20:6

Loŋ be jemanɛ na kaŋ fo, basa nɛ b wɔ Filisti be efuli so be teku be ekarso na beeŋ kaŋɛ le: ‘Keni kusɔ nɛ k wora basa nɛ an ta anyi be amu to so fanɛ b baa kuŋ anyi ashi Asiriya be ewurgboŋ be enɔ to na! Nuso nɛ anyi alɛ beeŋ wora n nya anyi be amu?’ ”

Aizaaya 33:14

Kufugboŋ beeŋ tɔr Jerusalɛm be basa lubi nɛ b maa ŋana Ebɔrɛ na so nɛ b baa chicha. B yɛ: “Ebɔrɛ be demuji du fanɛ edɛ nɛ k bee chɔ a maa duŋ nna. Anyi to be beko beeŋ tiŋ n luri edɛ ere to n lar nɛ anyi maaŋ wu a?”

Aizaaya 43:27

Men nananyɛn sososo daŋ wora kulubi nna, nɛ menyi be bejuŋkparpoana malɛ lar ma kaman.

Aizaaya 47:7

Men daa fɛ fanɛ menyeeŋ baa ji kuwura jemanɛ kikɛ nna. Menyi alɛ daa maŋ ta asheŋ ere n wɔtɔ kagbene to, ŋko n fɛ kananɛ amo kikɛ beeŋ loge to be asheŋ.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 26:7

Bɔrɛmatapoana nɛ anebiana nɛ basa na kikɛ daŋ nu ŋ ka bee kaŋɛ asheŋ ere ashi bɔrɛlambu na to.

Nfabel 1:9

Kumo to be asheŋ lubi na daŋ dii efuli nna, ama amo be asheŋ maŋ tir kumo be basa na. Jerusalɛm be kebure n tɔr na daŋ lubi ga. Esa kikɛ daa maŋ lolo kumo be basa na n ti bumo kagbene. Bedoŋ daŋ pɔɔ basa na so nna nɛ baa shu a kaŋɛ Enyɛnpe Ebɔrɛ na fanɛ e wu bumo kuwɔr.

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Nfabel 4:13

Ama loŋ daŋ wora nna ŋkpal Jerusalɛm to be anebiana nɛ bɔrɛmatapoana na ka daŋ wora alubi nseŋ shin nɛ b mɔ basa nɛ b maŋ wora shɛŋ na so.

Nfabel 4:18

Bedoŋ daa fin anyi nɛ b mɔ ashi kegbembi kama so nna. Amoso an daa maŋ naa tiŋ a nite agbembi so. Anyi be kemur be jemanɛ fo, anyi be nchɛ fo ekar nna na.

Ezikɛl 13:10

Anebiana na bee fule a kaŋɛ ma basa nna fanɛ kayurwushi bee ba, jemanɛ nɛ kayurwushi maŋ wɔtɔ. Ma basa pɔr egbal pɔso, nɛ anebiana na ta asɔ nyɔɔso fuful n nyɔɔ egbalana na.

Ezikɛl 13:6

Bumo be ebɔrɛdare nɛ baa ku na kikɛ maŋ la kashenteŋ. Bumo be asheŋ nɛ baa kaŋɛ fanɛ a beeŋ wora na kikɛ la efɛ nna. Baa kaŋɛ nna fanɛ ma kubɔya nɛ baa malga, ama ma alɛ maaŋ shuŋi bumo. Amo nɛ amo kikɛ, baa sha fanɛ bumo be mmalga e baa la kashenteŋ nna.

Ezikɛl 22:14

Ma agbo kaŋ ba fo basa ere so, b maŋ naa kɔ kenyɛn nseŋ nya eleŋ m maŋ enɔ so gba. Ma Enyɛnpetale Ebɔrɛ na e kaŋɛ, ma alɛ beeŋ wora kumo.

Hoziya 4:9

Menyeeŋ nya kasogberge nɛ basa na beeŋ nya na gbagba. Meeŋ gberge menyi kusoe ŋkpal alubi nɛ menyee wora na so.

Hoziya 6:10

N wu asheŋ nɛ a maŋ walɛ kekeni ashi Israɛl be efuli so kikɛ. Ma basa ta bumo be amu n wɔtɔ eyurpi to ŋkpal b ka bee shuŋ agbir so.

Hoziya 9:5

Enyɛnpe Ebɔrɛ malɛ be kachɛgboŋ nɛ menyee bunyaŋ mo na be saŋɛ kaŋ fo, nuso nɛ menyeeŋ wora?

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Maika 2:6

Basa wɔtɔ nna a malga a gbiti ma a kaŋɛ le: “Sa maa bɔ le be abɔrɛsheŋ be kubɔya a sa anyi ere. Sa maa malga a laŋɛ amo be kaplɛa so gba kuraa. Anyi maaŋ ŋaba kikɛ.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Ditɛronɔmi 32:20

Kumo be kaman nɛ e kaŋɛ le: ‘M maaŋ naŋ chɛ bumo to kikɛ, nseŋ keni kusɔ nɛ k beeŋ wora ŋgbene kpakpasowuraana nɛ b maa ji kashenteŋ ere.

Ditɛronɔmi 32:29

B maaŋ tiŋ m pin kusɔ nɛ k ba nɛ b kɔ n tɔr, bumo alɛ maaŋ tiŋ m pin kananɛ asheŋ na beeŋ loge to gba.