Jɛremaya 5:3 - EBƆRƐ BE KAWƆL

³ Kashenteŋto, kashenteŋji nɛ Enyɛnpe Ebɔrɛ na bee keni a fin ashi men kutɔ. Mo e daŋ gberge menyi kusoe, ama men maŋ wɔtɔ lakel; e daŋ tintiŋ menyi nɛ men wora kusɔ nɛ k daga, ama men kini kekoya kusɔ ko kumo to. Men daŋ wora menyi be ŋgbene kpakpa nna nseŋ kini kelar menyi be alubi to.

Jɛremaya 5:3 Iomraidhean Croise

Jɛnesis 19:34

Kumo be ŋklade nɛ mo pibiche gboŋiso na kaŋɛ mo sipo na le: “Ndere kanyɛso ma ere nɛ an tuto di, amoso shin nɛ an naŋ ya sa mo nsa kanyɛ ere nɛ fo alɛ nɛ mo e naaŋ di, saŋɛ na so anyi be ekama beeŋ bɔla mo so n nya kebia nɛ anyi be kanaŋ e sa maŋ mur.”

1 Bewura 13:33

Ade kikɛ be kaman ewura Jeroboam maŋ yige alubi be kewora. E daa wɔtɔ nna a lara basa nɛ b maŋ shi Livai be kanaŋ to a ki bɔrɛmatapoana nɛ b baa shuŋ agbirlambu nɛ e pɔr na to. E daa ta esa kama nɛ e bee sha kabɔrɛmata be kushuŋ nna a ki bɔrɛmatapo.

2 Bewura 1:13

Ade kikɛ be kaman nɛ ewura na naŋ shuŋi benapo be enimu sasopo kutɔ nɛ benapo adunu Elaija. Nɛ enimu na ya dii kebee na n yɔ Elaija kutɔ n ya gbir mbe anishito amuli so ŋ kule mo ŋ kaŋɛ le: “Ebɔrɛ be esa, wu ma nɛ ma benapo ere kuwɔr nseŋ yige anyi nɛ an ji efute!

2 Kronikɛls 16:9

Enyɛnpe Ebɔrɛ na nyi kusɔ nɛ durnya to ebi kikɛ bee wora, nsaa sa bekama nɛ b kɔ kasonu a sa mo na eleŋ. Ama ŋkpal fo ka wora kawulisheŋ so, yili kabre a yɔ, feeŋ baa kɔ kena nna saŋkama.”

2 Kronikɛls 28:22

Ewura Ahaz ka luri etɔrɔ damta ere to be kaman, nɛ e naaŋ wora alubi ŋ gbiti Enyɛnpe Ebɔrɛ na ga a chɔ sososo na gba.

Nshɛ 51:6

Kashenteŋ nawule nɛ fo ere bee sha. Amoso ŋini ma kashenteŋ be kanyiasheŋ.

Nshɛ 51:8

Shin nɛ ma kagbene e fuli nɛ n ji eyur. Fo daŋ shin nɛ ma eyur buri ma nna ama naniere, shin nɛ n ji ma kumu.

Nshɛ 55:20

N teri pal kaman n sa mbe kɔnɔ naseso nsaa kɔ ma.

Aŋasa 21:29

Kenyɛn nɛ belubiworapo kɔ a wora asheŋ, ama basa nɛ baa wora asheŋ niŋiso bre bee fɛ nfɛra nna pɔɛŋ nsaa wora asheŋ.

Aŋasa 22:12

Enyɛnpe Ebɔrɛ be anishi yuu beshenteŋjipo kikɛ so nna, ama e maa sa befɛpo bre be malga kashuli.

Aŋasa 23:35

Feeŋ pira nɛ fo maŋ pin kananɛ fo wora m pira. Feeŋ baa dese a fin kananɛ feeŋ koso ŋ gben, ama nsaa fin kananɛ kare beeŋ cha nɛ fo naŋ nya nsa n nu.

Aŋasa 27:22

Kebri maaŋ tiŋ n ju kawuli ashi esa to.

Aizaaya 26:11

Enyɛnpe Ebɔrɛ, fo doŋana maŋ nyi fanɛ feeŋ gberge bumo kusoe. Shin nɛ b wu fanɛ fee sha kebaachɛ fo basa to saŋkama nna, nɛ anishinyɔr e pɛ bumo. Shin nɛ edɛ nɛ fo bela ase a jo fo doŋana na e chɔɔ bumo m mur.

Aizaaya 42:25

Amoso nɛ e shin nɛ mbe agbogboŋ ba anyi so nseŋ shin nɛ kena lubi koso anyi so na. Mbe agbo daŋ suse fanɛ edɛ nna ashi Israɛl kikɛ to, ama an daa maŋ nyi kusɔ nɛ k daa wora na. Anyi alɛ daa maŋ koya shɛŋ kumo to.

Aizaaya 48:4

N nyi menyi ka la amu kpakpaso wuraana, menyi be amu du kpakpa nna fanɛ abɛlso, nɛ menyi be nsɔto malɛ du kpakpa fanɛ danyaŋ.

Aizaaya 9:13

Enyɛnpetale Ebɔrɛ be kasogberge nɛ e sa Israɛl be basa na be kaman, b kra maŋ tuba m bɛta m ba mo kutɔ.

Jɛremaya 15:7

Meeŋ chela menyi to fanɛ ayu ashi efuli na so be kade kama to. Meeŋ ta kagbenejija nɛ luwu ŋ gberge menyi kusoe, ŋkpal men ka maŋ yige alubi lubi be kewora so.

Jɛremaya 17:23

Bumo nananyɛnana bre daŋ maŋ nu m bɛ kusɔ nɛ ŋ kaŋɛ na so. Ama b daŋ wora bumo be ŋgbene kpakpa nseŋ kini kewora ma kasonu ŋko kekoya asheŋ ashi ŋ kutɔ nna.

Jɛremaya 19:15

fanɛ Enyɛnpetale, Israɛl be Ebɔrɛ na yɛ: “Meeŋ shin nɛ kasogberge nɛ ŋ kaŋɛ fanɛ meeŋ bar kadegboŋ ere nɛ nde kama nɛ e kulti kumo na so na kikɛ e ba amo so, ŋkpal menyi be ŋgbene ka du kpakpa nɛ menyi maa nu a sa ma mmalga so.”

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Jɛremaya 44:10

Hale naniere gba, menyi be kamoowuso menyi maa sa ma bunyaŋ gba a bishi nɛ menyee wora ma mbraana nɛ keŋini nɛ n ta n sa men nananyɛnana na kasonu.

Jɛremaya 7:26

Amo nɛ amo kikɛ men to be esa kikɛ m maa nu a sa ma. Menyi be ŋgbene bee wora kpakpa nna a ti so nɛ menyee kini ma nsaa lar ma kaman gba a chɔ men nananyɛnana na.

Jɛremaya 7:28

Amoso kaŋɛ bumo le: ‘Men la efuli nɛ k maa wora Enyɛnpe, kumo be Ebɔrɛ kasonu nsaa maŋ naa sɔ mbe keŋini nna. Kashenteŋji mur nɛ esa kikɛ maŋ naa ji kumo be asheŋ gba kuraa.’

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Ezikɛl 2:4

Basa nɛ mee shuŋi fo bumo kutɔ ere la ŋgbene kpakpaso nɛ kusoe kpakpa be basa nɛ b maa sa ma bunyaŋ nna. Ya kaŋɛ bumo kusɔ nɛ ma, Enyɛnpetale Ebɔrɛ na kaŋɛ.

Ezikɛl 24:13

Naniere fo, Jerusalɛm, be kusɔ jigaya be kebaawɔtɔ e shin nɛ fo wora eyurpi. Ŋkpal ŋ ka wora ania nɛ n fɔr fo so nɛ fo nyalɛ so nɛ fo kraa kini nsaa wɔ fo eyurpi to so, fo maaŋ naŋ nyalɛ so kikɛ n ya fo fanɛ ma agbo gboŋ ka beeŋ ba fo so.

Danɛl 9:13

Kasogberge nɛ k dese Mosis be mbra na to na ba anyi kikɛ so. Ama amo nɛ amo kikɛ an kraa maa wora fo aparsheŋ. Kumo e la fanɛ an maŋ yige alubi be kewora, anyi alɛ maa bɛ fo kashenteŋ na so.

Levitikɔs 26:23

Kasogberge ere kikɛ be kaman, nɛ men kraa maa nu a sa ma nseŋ kraa maa sa ma bunyaŋ,

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Eemɔs 4:6

Ma e shin nɛ akoŋ tɔr menyi be ndeana kikɛ to, ama amo nɛ amo kikɛ men kraŋ kini kebɛta m ba ma kutɔ.

Eemɔs 4:8

Basa lar bumo be ndeana to n yɔ nde ko n ya kaa fin nchu nɛ b nuu ama b daa maŋ nya amo yɛlyɛla so ndoŋ. Amo nɛ amo kikɛ men kraŋ kini kebɛta m ba ŋ kutɔ.” Ma Enyɛnpe Ebɔrɛ na e malga na!

Eemɔs 4:9

Ma e shin nɛ afu tushiso jija menyi be adɔjibi nseŋ shin nɛ elotɔr malɛ jija menyi be ndɔana nɛ men be afeelebi nɛ baa tre greep na be ndɔana nɛ figidibi nɛ ɔlif be ndibi be ndɔana, ama amo nɛ amo kikɛ men kraŋ kini kebɛta m ba ŋ kutɔ. Ma Enyɛnpe Ebɔrɛ na e malga na!

Zefanaiya 3:7

N daa nyi fanɛ kumo be loŋ beeŋ shin nɛ ma basa e ta bunyaŋ n sa ma nseŋ sɔ kasogberge nɛ n sa bumo na nna, ama k maŋ chɛr ko nɛ b naŋ bɛta a wora alubi nɛ a chɔ amo nɛ b daa wora dra na gba.

Romebi 2:2

Nɛ Ebɔrɛ bre bee ji basa nɛ baa wora asheŋ ere demu, an nyi e ka bee ji asheŋ kashenteŋ be ekpa so.

Hibruwebi 12:9

Nɛ men ta fanɛ an tuto kurgesoana durnya ere to, menyeeŋ wu fanɛ saŋko b daa niŋi a niŋi anyi ekpa nna nɛ an daa sa bumo bunyaŋ ŋkpal loŋ so. To, nɛ fo keni anyi be ayoyu be Etuto na, a maŋ daga fanɛ an nu n sa mo nseŋ nya ŋkpa a wɔtɔ a?