Jɛremaya 5:28 - EBƆRƐ BE KAWƆL

²⁸ nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Jɛremaya 5:28 Iomraidhean Croise

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Nshɛ 119:70

B maa pin fo asheŋ to, ama ma ere be kagbene bee fuli fo mbra so nna.

Nshɛ 72:4

Shin nɛ ewura na e baa kɔ a sa betirpo, nsaa kɔ a suge betentaŋasepo nseŋ naa kɔ a pɔɔ bekama nɛ baa kɔrfɛ bumo na so.

Nshɛ 73:12

Kananɛ kumukpakpasowuraana du nna na. B maŋ ta asheŋ lubi fanɛ asheŋ lubi; bumo alɛ bee dii kedama a ti so nna.

Nshɛ 73:4

B maa ji awurfoŋ ŋko ebesa kikɛ; b baa kɔ eyur be alenfia nɛ eleŋ nna.

Aŋasa 15:25

Enyɛnpe Ebɔrɛ na bee shin nɛ kamoowuwuraana be nwu bee ki alambure nna, ama e bee kuŋ bekulpoche bre be asɔ nna a sa bumo.

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 2:33

Men ka nyi kananɛ baa sha beche ga so, esakale gba beeŋ tiŋ ŋ koya kesakalea ashi menyi kutɔ.

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 7:6

Men yige kebaapuni befɔ nɛ amunibi nɛ bekulpoche nɛ bekulponyɛn nseŋ naŋ yige kebaamɔ basa nɛ b maŋ wora shɛŋ ashi kasawule na so. Menyi alɛ e yige kagbirshuŋ, ŋkpal manɛ so, k beeŋ mur menyi.

Eemɔs 4:1

Men nu nfe, menyi Samɛria be beche nɛ men danto durfɛ durfɛ fanɛ Bashan be efuli so be ana nɛ baa ji a moɛ ga na. Menyi e naa mɛaŋ betirpo nɛ betentaŋasepo nsaa nyaŋ menyi kulana fanɛ b baa sa menyi nsa na!

Zakareya 7:10

Men sa maa kɔrfɛ bekulpoche nɛ amunibi nɛ befɔ nɛ b chena menyi to nɛ betentaŋasepo. Menyi alɛ e sa maa fɛ nfɛra lubi a laŋɛ men braana be kaplɛa so ashi menyi be ŋgbene to.’ ”

1 Kɔrintebi 5:1

Basa wɔtɔ nna a kaŋɛ fanɛ kesakalea be keji wɔ menyi to nna, kesakalea mo nɛ b maa ji bumo nɛ b maŋ nyi Ebɔrɛ gba to, kumo e la fanɛ menyi to be eko kɔ mo tuto be eche nna a sha.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.