Jɛremaya 5:27 - EBƆRƐ BE KAWƆL

²⁷ Kananɛ ekpampo bee pɛ mbuibi a bɔlɔ katurwe na, aloŋ nɛ baa suge ma basa be asɔ a bɔlɔ bumo be elaŋana to. Amoso nɛ b dii kedama nsaa kɔ eleŋ ga

Jɛremaya 5:27 Iomraidhean Croise

Job be kawɔl 12:6

Beyu nɛ basa nɛ b maa ŋana Ebɔrɛ wɔ kayurwushi to nna, ama kusɔ koŋwule nɛ b yirda e la eleŋ nɛ b kɔ na.

Aizaaya 3:14

E bee shin nɛ e ji mbe basa be benimuana nɛ bejuŋkparpoana demu nseŋ kaŋɛ le a laŋɛ bumo be kaplɛa so: “Men chɔɔ ma adɔjibi m mur nseŋ nyaŋ betirpo n suge asɔ m bɔlɔ menyi be elaŋana.

Jɛremaya 12:1

Enyɛnpe Ebɔrɛ, ma nɛ fo be demuji kikɛ to, fo e naa ji a bri ma. Ama ŋ kraa kɔ kusɔ ko nɛ m bishi a laŋɛ fo keji asheŋ nɛ amo be ekpa so be kaplɛa so. Manɛ nna nɛ kumu kpakpasowuraana bee dii dama, nɛ asheŋ bee nite nɛnɛ a sa basa nɛ baa puni beko?

Jɛremaya 8:5

Ma basa, manɛ e baa nɛ men lar ma kaman nsaa maŋ naa sha kebɛta m ba ma kutɔ? Men far n chɛ menyi be agbirana nna nsaa maŋ naa sha kebɛta m ba ma kutɔ.

Jɛremaya 9:6

Ekama baa wɔtɔ nna a puni mo barkasa a ji nna. Ekama malɛ maa shuli so fanɛ ma e la Ebɔrɛ.

Hoziya 12:9

Ama ma nɛ n la men Nyɛnpe nɛ men be Ebɔrɛ nseŋ lara menyi ashi Ijipt be kasawule so na, beeŋ naŋ shin nɛ men chena ewajɛbu to fanɛ kananɛ men daŋ chena amo to pɔɛŋ nɛ m ba tu menyi keshishɛrsawule na so na.

Maika 1:12

Marofebi pesaŋ to a keni e fin esa nɛ e beeŋ mɔlga bumo ŋkpal Enyɛnpe Ebɔrɛ ka shin nɛ Jerusalɛmebi ji jɛrbi damta so.

Zefanaiya 1:9

Meeŋ gberge bekama nɛ baa shuŋ nnyamase be agbir nɛ bekama nɛ baa yuri nsaa mɔ basa a sɔ asɔ a bɔlɔ bumo be agbir be ebuana na kusoe.

Kelaraŋŋini 18:2

E ka bee ba na nɛ e ponte eleŋso ŋ kaŋɛ: “K tɔr, Babilɔn be kade lempo tɔr! Babilɔn ki alizinaana be kowu nɛ ayoyu lubiana kikɛ be eŋanakpa nɛ mbuibi jiga mo nɛ basa kishi kikɛ be eŋanakpa.