Jɛremaya 5:24 - EBƆRƐ BE KAWƆL

²⁴ Men kini kekaŋɛ le: ‘Men shin nɛ an shuŋ Enyɛnpe Ebɔrɛ na! Mo e naa shin nɛ dɔchubɔrɛ so nɛ kpaŋchala so be bɔrɛ bee ba nɛ anyee nya a dɔ a teŋi kafɛ kikɛ na.’

Jɛremaya 5:24 Iomraidhean Croise

Jɛnesis 8:22

Yili jemanɛ ere n ya fo saŋɛ nɛ durnya beeŋ koso na kasɔdu nɛ kasɔteŋi be saŋɛ beeŋ baa wɔtɔ nɛ awo nɛ kebleŋ be saŋɛ e baa wɔtɔ nɛ ketarso nɛ kechaliso e baa wɔtɔ nɛ kapa nɛ kanyɛ e baa wɔtɔ.”

1 Bewura 17:1

Anebi Elaija nɛ e shi Tishbe nɛ k wɔ Giliad be kasawule so na daŋ yɔ ewura Ahab kutɔ kachako nna n ya kaŋɛ mo le: “Enyɛnpe nɛ e la Israɛl be Ebɔrɛ nsaa wɔ ŋkpa to saŋkikɛ nɛ mee shuŋ na be ketre to nɛ mee kaŋɛ na fanɛ bɔrɛ ŋko bunyaŋ maaŋ tɔr n ya fo nfɛnyɔ ŋko nfɛ asa ama ma e baŋ kaŋɛ k ba pɔɛŋ nɛ k ba.”

Job be kawɔl 29:23

B daa suse ma mmalga to nna fanɛ kananɛ bedɔpo bee suse dɔchubɔrɛ so be nchu na.

Job be kawɔl 38:37

Feeŋ tiŋ ŋ karga awɔlpa ŋko n shin nɛ nchu nɛ a wɔ amo to na e ba bɔrɛ kasawule wɔlso so a?

Job be kawɔl 5:10

Mo e naa shin nɛ bɔrɛ bee ba nɛ adɔsawule bee nya kayul.

Nshɛ 147:8

Mo e naa shin nɛ abɔrɛwɔlpa bee salga to a buu kaplɛkama so; nɛ bɔrɛ bee ba kasawule so a shin nɛ afitiri bee kɔr abee so.

Nshɛ 65:9

Fo e naa keni kasawule ere so nsaa shin nɛ bɔrɛ bee ba a wushi kumo nɛ asɔ duuso be yiri yiri kikɛ bee wora kumo so. Fo eboŋana maa wɔlto kikɛ; fo alɛ e naa shin nɛ kasawule bee wora ajibi nɛnɛ.

Aizaaya 64:7

Esa kikɛ maŋ naa tre fo kabɔrɛkule to ŋko a fin fo kechɛto gba. Anyi be alubi so, fo ta fo kumu nna ŋ ŋana nseŋ kplaŋ anyi so.

Jɛremaya 10:13

Mo e naa malga nɛ awɔlto be nchuana bee baga to a gbri, mo alɛ e naa shin nɛ awɔlpa bee deŋi durnya be kaplɛkama. Mo e naa shin nɛ bɔrɛ bee ba nsaa nyɛkpɛ nɛ afu bee shi kakpa nɛ e yili kumo na a ba.

Jɛremaya 14:22

Efuli pɔtɛana na be agbirana na be kekama maaŋ tiŋ n shin nɛ bɔrɛ e ba. Kuwɔlpa gbagba maaŋ tiŋ n shin nɛ bɔrɛ e furi gba. Anyi be tama wɔ fo, Enyɛnpe anyi be Ebɔrɛ na so nna; ŋkpal manɛ so, fo nawule e naa shin nɛ ade kikɛ bee wora.

Jɛremaya 2:19

Menyi gbagba be asheŋ lubi e naŋ gberge menyi kusoe, nɛ menyi be kekini ma malɛ ji m bri menyi. Saŋɛ na so nɛ men pin fanɛ men be kekini kebaaji kashenteŋ a sa ma, Enyɛnpe menyi be Ebɔrɛ na bee besa nsaa maŋ walɛ. Ma Enyɛnpetale Ebɔrɛ e kaŋɛ na.”

Jɛremaya 3:3

Amoso nɛ ewule bee yili nɛ bɔrɛ maa ba na. Ama kananɛ sakaleche maŋ kɔ nyɔmɔ na nɛ menyi alɛ gba maŋ kɔ nyɔmɔ a laŋɛ kusɔ nɛ men wora na be kaplɛa so.

Jɛremaya 5:22

ma e la Enyɛnpe Ebɔrɛ nɛ a daga fanɛ men baa ta kufu nɛ kechicha chicha a bunyaŋ ma? Ma e ta eshishɛr ŋ kuŋ teku nɛ k maŋ tiŋ n dii amo so. Teku so beeŋ tiŋ ŋ kaa ketili n wora awɔr ga, ama kumo alɛ maaŋ tiŋ n dii eshishɛr na so.

Jɛremaya 50:5

Baaŋ bishi n fin Jerusalɛm be ekpa nseŋ bɔla kumo so m bɛta m ba nɛ ma nɛ bumo e wora kɔnɔkoŋwule be ŋkre nɛ k beeŋ baa wɔtɔ mbaanaayɔ. Bumo alɛ maaŋ naŋ wora n da kumo so ŋko n teŋ kumo so kikɛ.

Hoziya 3:5

Ama saŋko bee ba nɛ Israɛl be basa e naaŋ baa kaa bɛ Enyɛnpe nɛ e la bumo be Ebɔrɛ na, nɛ ewura Deevid mo nanabi na so. Loŋ be jemanɛ na, baaŋ ta kufu nɛ kechicha chicha m ba Enyɛnpe Ebɔrɛ na kutɔ nɛ e sa bumo asɔ lela kama nɛ e kre n yili bumo na.

Hoziya 6:1

Le nɛ basa na daa kaŋɛ: “Men shin nɛ an bɛta n yɔ Enyɛnpe Ebɔrɛ kutɔ! E doro anyi ga ama mo alɛ beeŋ chɛ anyi. E doro anyi ama mo alɛ beeŋ kre anyi be atamɛ, ŋko e maaŋ wora loŋ?

Jowɛl 2:23

Zayɔnebi, men shin nɛ men be ŋgbene e fuli menyi ŋkpal kusɔ nɛ Enyɛnpe, men be Ebɔrɛ na wora n sa menyi na so. E sa menyi dɔchubɔrɛso be bɔrɛ nɛ bɔrɛchu lela nɛ a shin nɛ men be adɔjibi wora nɛnɛ fanɛ kananɛ a chɛr a wora na.

Eemɔs 4:7

Saŋɛ so nɛ k daga men be asɔduuso ka nya bɔrɛ nɛnɛ na, nɛ mee pɛ bɔrɛ a keta. Ma e naa shin nɛ bɔrɛ bee ba. Ma alɛ e naa shin nɛ bɔrɛ bee ba kade ko to nsaa yige kuko, ŋko a ba ndɔ ko to a yige kuko nɛ k bee wɔl.

Zakareya 10:1

Men kule Enyɛnpe Ebɔrɛ na bɔrɛchu kechali so. Mo e naa shin nɛ bɔrɛ bee mɔl a ba, a shin nɛ kasawule so bee nya kayul nɛ asɔduu bee kɔr a wora nɛ edimɛdi bee nya a ji.

Matiu 5:45

saŋɛ na so menyeeŋ baa la men Tuto nɛ e wɔ ebɔrɛso na be mbia. Men baa nyi fanɛ mo ere gbagba maa kpɛa to a shin nɛ mbe epeŋi bee nyaŋɛ a yuu basa lela so a ka basa lubi, mo alɛ maŋ naa shin nɛ bɔrɛ bee ba a sa basa nɛ baa ji asheŋ nɛ amo be ekpa so a ka bumo nɛ b maa wora loŋ na.

Ashuŋ Shunso 14:17

Ama jemanɛ kikɛ, mo alɛ bee wora asɔ lela damta nna a ŋini menyi esa nɛ e la mo. Mo e naa sa menyi bɔrɛchu nɛ adɔjibi jemanɛ nɛ a daga. Mo e naa sa menyi ajibi jiso nsaa shin nɛ kagbenefuli bee bɔlɔ menyi to.”

Ditɛronɔmi 28:12

Mo koŋwule na beeŋ bugi ebɔrɛso be mbuna n shin nɛ bɔrɛ e ba menyi jemanɛ nɛ k daga nseŋ nɛfa menyi be ashuŋ. Saŋɛ na so, efuli damtaana be basa beeŋ baa ba menyi kutɔ m ba ka paŋ menyi amansherbi ama menyi ere maaŋ yɔ efuli kikɛ so n ya paŋ shɛŋ.

Jeems 5:7

Ŋ kurgepoana, ŋkpal le so, men baa ji kanyiti a jo saŋɛ nɛ an Nyɛnpe beeŋ naŋ bɛta m ba na. An ta fanɛ edɔpo ŋ keni kananɛ e bee kaa ji kanyiti. E bee kaa jo nna le nɛ bɔrɛ e ba nɛ mbe asɔ e kɔr n daŋ n wora nɛ e teŋi amo be alela na.

Kelaraŋŋini 11:6

Basa anyɔ ere beeŋ baa kɔ eleŋ nɛ b tiŋ n shin nɛ bɔrɛ e sa maŋ shi awɔlpa so m ba, saŋɛ nɛ baaŋ baa wu abɔrɛsheŋ a kaŋɛ na kikɛ. Bumo alɛ nseŋ naa kɔ eleŋ nɛ b tiŋ n shin nɛ nchuana e ki ŋklaŋ nseŋ naŋ tiŋ n ta tɔrɔ be yiri kama saŋɛ damta kama nɛ baa sha n lɛ kasawule so.