Jɛremaya 5:23 - EBƆRƐ BE KAWƆL

²³ Ama menyi ŋgbene kpakpasowuraana ere kini ma nseŋ pal kaman n sa ma.

Jɛremaya 5:23 Iomraidhean Croise

Nshɛ 78:8

Bumo ere maaŋ baa du fanɛ bumo nanaana nɛ b daŋ lar Ebɔrɛ kaman nseŋ kini kewora mo kasonu, nɛ bumo be yirda ashi Ebɔrɛ to daa maa yil to kpakpa, nɛ b maŋ ji kashenteŋ n sa mo na.

Nshɛ 95:10

Nfɛ adena nɛ bumo be asheŋ daa nu Ebɔrɛ agbo, nɛ e kaŋɛ le: “Saŋkikɛ basa ere bee wora a foe ekpa nna; bumo alɛ maa pin ma asheŋ woraso to.”

Aizaaya 1:5

Manɛ nna nɛ menyi kraa maa sa mo kashuli? Menyee sha kasogberge nna n ti so a? Israɛl be basa, k du fanɛ menyi be amu so kikɛ du fanɛ a ka wora achuu nna nɛ kulɔ malɛ wɔ menyi be ŋgbene kikɛ to nɛ nfɛra kikɛ to.

Aizaaya 31:6

Kede be kaman nɛ Enyɛnpe Ebɔrɛ na naŋ kaŋɛ: “Menyi Israɛl be basa wora kulubi n da ma so nseŋ kini ma. Ama naniere, men bɛta m ba ma kutɔ!

Jɛremaya 17:9

Menyi Juda be basa la basa nɛ baa fule nna pasaa. Men fule men gbagba be amu, menyi alɛ maaŋ tiŋ n chɛrga kumo to.

Jɛremaya 4:17

nsaa ba nɛ b ba kulti Jerusalɛm ŋ kɔ kumo kena. Ŋkpal manɛ so, basa na kini Enyɛnpe Ebɔrɛ na nseŋ lar mbe kaman. Ma, Enyɛnpe Ebɔrɛ e kaŋɛ na.”

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 6:28

Bumo kikɛ la ŋgbene kpakpaso wuraana nɛ b maa shuli fanɛ esa e baa wɔ bumo nna. Bumo be ŋgbene du kpakpa nna fanɛ danyaŋ ŋko kenyembi. Eda lubi nɛ bumo kikɛ kɔ a wɔtɔ a ku efɛ a kulti.

Hoziya 11:7

Ma basa baŋ yili kumo nna fanɛ baaŋ kini ma, nseŋ ya kaa bɛ agbir nɛ e maaŋ tiŋ n chɛ bumo to so.

Hoziya 4:8

Alubi nɛ ma basa bee wora na so nɛ menyeeŋ bɔla n dii dama. Amoso nɛ men shin nɛ baa wora alubi a ti so saŋkama na.

Zefanaiya 3:1

Asheŋ maaŋ nyalɛ n sa Jerusalɛm be kadegboŋ na, ŋkpal k ka la kapuni nɛ kasuge nɛ kɔrfɛ nɛ kakpa nɛ b kini Ebɔrɛ na so.

Ditɛronɔmi 21:18

An ta fanɛ esa ko ka kɔ mo pibinyɛn kpeŋso nɛ e maa nu a sa mo nio nɛ mo tuto nɛ baa gberge mo kusoe nɛ e kraa maa chɛrga.

Ditɛronɔmi 31:27

N nyi kananɛ bumo be amu nɛ ŋgbene du kpakpa. Jemanɛ nɛ n wɔ bumo to gba, b lar Enyɛnpe Ebɔrɛ na kaman. Ma luwu be kaman bre baaŋ wora kumo nɛ k chɔ loŋ.

Hibruwebi 3:12

Ŋ kurgepoana, men baa da so nɛ menyi to be ekama e sa maa kɔ kagbene mo nɛ k lubi nɛ kumo nɛ k maŋ yirda nɛ e sa maŋ shin nɛ amodoŋwura e foe Ebɔrɛ nɛ e wɔ ŋkpa to na be ekpa na so.