Jɛremaya 5:17 - EBƆRƐ BE KAWƆL

¹⁷ Baaŋ ji menyi be adɔjibi m mur nseŋ mɔ menyi be mbia. Bumo alɛ beeŋ mur menyi be asɔbɔya nɛ ndibi sɔrso kikɛ. Bumo be benapo beeŋ bure menyi be ndeana nɛ men pɔr egbalana ŋ kulti a wɔ amo to nsaa fɛ fanɛ shɛŋ maaŋ tiŋ n wora menyi na kikɛ n lɛ.

Jɛremaya 5:17 Iomraidhean Croise

Aizaaya 62:8

Le nɛ Enyɛnpe Ebɔrɛ na bɔ ntaŋ n nase kɔnɔ ŋ kaŋɛ: “M maaŋ naŋ ta fo ayu n sa fo doŋana fanɛ bumo be kusɔ jiso kikɛ; befɔ malɛ maaŋ naŋ nya yabra nɛ fo gben n wora na n nuu kikɛ.

Aizaaya 62:9

Ama fo nɛ fo dɔ ayu na n teŋi na e naaŋ ji amo nseŋ di Enyɛnpe Ebɔrɛ epaŋ ŋkpal amo so. Fo nɛ fo keni ndibi sɔrso na so nseŋ chuge amo be asɔrso na, e naaŋ nu amo be yabra ashi ma bɔrɛlambu be kelɔnɛ so.”

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 4:26

Kasawule lela nɛ k bee wora adɔjibi na ki keshishɛrsawule nɛ ndegboŋana na kikɛ ki alambure. Ŋkpal manɛ so, Enyɛnpe Ebɔrɛ daŋ nya agbo ga nna.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 5:18

Kede be kaman nɛ Enyɛnpe Ebɔrɛ na naŋ kaŋɛ le: “Jɛremaya, bedoŋ be benapo na maaŋ mɔ ekama nɛ e wɔ Juda be efuli so.

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 8:13

N daa sha kegama ma basa fanɛ kananɛ edɔpo bee chala mbe adɔjibi abar so nna, ama b du fanɛ kedibi sɔrso nɛ k maŋ kɔ asɔrso kumo so nɛ kumo be afantaŋ gba gbaŋgbaŋ n tɔr to na nna. Amoso nɛ n sa ekpa fanɛ basa pɔtɛ e ba sɔ kasawule na n chena so na.”

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Nfabel 2:12

Akoŋ nɛ achukoŋ so, mbia bee shu nna a fin ajibi nɛ nchu bumo nioana kutɔ, bumo alɛ maa nya. Amoso baa kreŋ a tɔr nna fanɛ enapo ka doro kena to n tɔr na; nseŋ wu bumo nioana be enɔana to.

Nfabel 2:2

Enyɛnpe Ebɔrɛ na daŋ maŋ wu ndekarso nɛ a wɔ Juda be efuli so na kikɛ kuwɔr nseŋ shin nɛ a mur. E daŋ shin nɛ mboŋ lempoana nɛ a daa kuŋ kasawule na kikɛ bure n tɔr nna, nseŋ shin nɛ efuli na nɛ bejuŋkparpoana kikɛ ji anishinyɔr.

Ezikɛl 36:4

Amoso naniere kusɔ nɛ ma Enyɛnpetale Ebɔrɛ na bee kaŋɛ menyi abeegboŋ nɛ abeebi nɛ eboŋana nɛ ataŋɛ nɛ mboŋ nɛ a bure a dese nɛ ndegboŋ nɛ basa shile amo to nɛ efuliana nɛ a kulti menyi na ba muu amo to be asɔ n yɔ nseŋ wora menyi eyurto na kikɛ nde.

Hoziya 2:12

Meeŋ mur mbe asɔrso nɛ baa tre greep nɛ figi be ndibi be ndɔ nɛ e yɛ mo jipoana ta n sa mo fanɛ mbe kakɔka na. Meeŋ shin nɛ mbe asɔrso nɛ baa tre greep na be adɔbi nɛ mbe figi be ndibi be adɔ na kikɛ e ki fanɛ kupuŋ; nɛ kupuŋ to be asɔbɔya e jija amo.

Hoziya 8:14

Israɛlebi pɔr bewura be elaŋ damta nna nseŋ kplaŋ bumo be etopo na so. Nɛ Judaebi malɛ pɔr nde nseŋ pɔr egbal ŋ kulti amo. Meeŋ shin nɛ edɛ e ba chɔɔ bewura be elaŋ na nɛ nde nɛ b pɔr egbal ŋ kulti na kikɛ nyam.”

Jowɛl 2:3

Baaŋ jija kusɔ kama nyam fanɛ kananɛ edɛ bee ji asɔ na. Kasawule kama nɛ k wɔ bumo be anishito du fanɛ kudɔbi nɛ baa tre Iden na nna. Ama kumo nɛ k wɔ amo be kaman to bre du fanɛ keshishɛrsawule, nɛ shɛŋ maŋ wɔ kumo so na nna. Shɛŋ shɛŋ malɛ maaŋ tiŋ ŋ gelge bumo.

Levitikɔs 26:16

meeŋ gberge menyi kusoe. Meeŋ shin nɛ tɔrɔgboŋ e ba menyi so, fanɛ alɔ nɛ a maŋ kɔ kechɛ nɛ ebeldɛ nɛ a beeŋ shin nɛ men tan nɛ menyi be kebaawɔtɔ e ki jiga. Menyi doŋana e naaŋ ji adɔjibi nɛ menyeeŋ dɔ n duu na.

Zefanaiya 3:6

Le nɛ Enyɛnpe Ebɔrɛ kaŋɛ: “M mur efuli damtaana nseŋ bure amo be ndegboŋana be egbalana nɛ ebulempo jeŋgreŋana kikɛ. Esa kama maŋ naa wɔ ndegboŋ na to. Basa malɛ gba maŋ naa nite amo be abɔrbi so nɛ kakpa kikɛ wora shruum.

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.