Jɛremaya 5:15 - EBƆRƐ BE KAWƆL

¹⁵ Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

Jɛremaya 5:15 Iomraidhean Croise

Jɛnesis 11:7

Amoso men shin nɛ an yɔ n ya wea bumo be ŋgbar na to, saŋɛ na so b maaŋ naa nu abar be ŋgbar.”

Nshɛ 81:5

Mo e ta kumo n sa Israɛl be basa, nɛ b la Josɛf be kaman to ebi na, jemanɛ nɛ Ebɔrɛ daŋ juŋkpar bumo n lar Ijipt be efuli so na. N daŋ nu esa ko ka kaŋɛ ma ashi ŋgbar nɛ m maŋ nyi to le:

Aizaaya 28:11

Nɛ menyi maaŋ nu n sa ma, kumo ere Ebɔrɛ beeŋ shin nɛ befɔ nɛ baa gbar ŋgbar pɔtɛ e ŋini menyi asheŋ.

Aizaaya 29:3

Ebɔrɛ beeŋ kre kena m ba kulti kadegboŋ na kikɛ n wɔtɔ ŋ kɔ kumo.

Aizaaya 29:6

nɛ Enyɛnpetale Ebɔrɛ na beeŋ bɔla bɔrɛfugboŋ nɛ kebembeŋ so ŋ kɔ n suge menyi n yige. E beeŋ shin nɛ afugboŋ nɛ edɛ wuloŋwuloŋ e ba.

Aizaaya 33:19

Menyi alɛ maaŋ naaŋ wu befɔ nɛ baa wu bumo be amu a fɛ fanɛ b shi ga nsaa gbar ŋgbar nɛ menyi maa nu na kenishiso kikɛ.

Aizaaya 39:3

Kumo be kaman nɛ anebi Aizaaya yɔ ewura Hɛzekaya kutɔ n ya bishi mo le: “Nnɛ nɛ basa ere shi m ba nfe; nɛ manɛ nɛ b kaŋɛ fo?” Nɛ ewura Hɛzekaya kaŋɛ: “B shi efuli wɔfɔ ko nɛ baa tre kumo Babilɔn na nna.”

Aizaaya 5:26

Kasogberge na be kaman, Enyɛnpe Ebɔrɛ ere beeŋ pal enɔ n tre efuli pɔtɛana nɛ a wɔ kufɔ kufɔ be basa nɛ b ba kɔ menyi kena. E beeŋ foŋ kafoli nna n tre bumo nɛ b nya manaŋ n shi durnya be lalaloge kikɛ m ba fanɛ afu na!

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 4:16

Baa ba nna nɛ b ba kaŋɛ efuli pɔtɛana na kusɔ ko nseŋ kpele Jerusalɛm to ebi kusoe fanɛ bumo doŋana shi efuli wɔfɔ wɔfɔ a ba. Bedoŋ ere bee ponte a malga a gbiti Juda be ndegboŋana nna

Jɛremaya 5:11

Ekpa kikɛ so, Israɛl nɛ Juda be basa maŋ ji kashenteŋ n sa ma kuraa. Ma, Enyɛnpe Ebɔrɛ e kaŋɛ na.”

Jɛremaya 6:22

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Men keni benapo ko bee shi kufɔ kufɔ ashi kelargato be esoso be efuli lempo ko so m bela ase a ba nɛ b ba kɔ kena.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Danɛl 1:4

E yɛ a daga fanɛ loŋ be basa e baa walɛ ayɛrbi nsaa kɔ kenyi a koya asheŋ manaŋ manaŋ, nsaa la basa nɛ b nya kebla lela. Bumo alɛ e sa maa kɔ ndulgi kikɛ bumo be eyur so, saŋɛ na so baaŋ nya ekpa a shuŋ ewurkpa. E yɛ Ashpenaaz e ŋini bumo Babilɔnebi be ŋgbar nɛ kumo be kakraŋ nɛ kasibɛ.

Danɛl 7:7

Kusɔbɔya nasopo na daa kɔ eleŋ ga a chɔ bumo nɛ b ka na nɛ kumo be asheŋ kɔ kufu ga. K daa kɔ abɛlso be anyii bɛaŋbilaŋ bɛaŋbilaŋ nna a kpɛa kusɔ kama nɛ k tu to nsaa chichi amo nɛ a ka malɛ so a bɛa to. Kumo alɛ daa kɔr asɔbɔya nɛ a ka na kikɛ to nna nsaa kɔ alambɛ kudu ashi kumo be kumu so.

Eemɔs 6:14

Le nɛ Enyɛnpetale na gbagba bee kaŋɛ: “Meeŋ shin nɛ efuli pɔtɛ ko so ebi e ba kɔ menyi Israɛlebi nseŋ sɔ menyi be efuli kikɛ n chena so. Baaŋ yili Hamaf nɛ k wɔ kebeemase ashi kelargato be esoso be kaba so ŋ kɔ sɔ n ya fo kepa nɛ baa tre Araba na be kelargato be kaseto be kaba so kikɛ.”

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

1 Kɔrintebi 14:21

Abɔrɛsibɛ na malɛ e naa kaŋɛ loŋ fanɛ Enyɛnpe na yɛ: “Meeŋ bɔla basa nɛ b kɔ ŋgbar pɔtɛana nɛ befɔ be nnɔana to m malga n sa basa ere, ama nɛ n wora loŋ gba, b maaŋ nu n sa ma.”

Ditɛronɔmi 28:33

Efuli pɔtɛ so be basa beeŋ ba suge menyi be adɔjibi nɛ men gben n dɔ n nya na. Menyi maaŋ naŋ nya shɛŋ ama kɔrfɛ nɛ kamɛaŋ nawule.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.