Jɛremaya 49:8 - EBƆRƐ BE KAWƆL

⁸ Menyi basa nɛ men wɔ kadegboŋ nɛ baa tre Dedan na e shile n ya ŋana! Meeŋ shin nɛ Isɔɔ be kaman to ebi e ji jɛrbi, ŋkpal manɛ so, jemanɛ fo nɛ ŋ gberge bumo kusoe.

Jɛremaya 49:8 Iomraidhean Croise

Aizaaya 2:21

Enyɛnpe Ebɔrɛ na kaŋ ba nɛ e ba gbuŋgbuŋ kasawule na, basa beeŋ shile n ya ŋana amaŋ nɛ abeelaŋ to a fin keŋana Enyɛnpe Ebɔrɛ na be agbo nɛ eleŋgboŋ nɛ kemaŋkura so.

Aizaaya 21:13

Kubɔya nɛ k bee yɔ efuli nɛ baa tre Areebia na be basa kutɔ nde. Menyi basa nɛ men wɔ kebonfu nɛ baa tre Dedan nɛ menyi be eyawujipoana bee dii enyɔma a ji yawu nsaa yuu bumo be ewajɛbu ashi Areebia be efuli so be kiyi to na,

Aizaaya 34:5

Enyɛnpe Ebɔrɛ na kaŋ ta mbe tokobi n wora awɔlpa so be asɔ kusɔ nɛ e bee sha n loge, k beeŋ gbelge efuli nɛ baa tre Edɔm na be basa nɛ Enyɛnpe Ebɔrɛ na yili kumo fanɛ baaŋ mur na so.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 48:28

Menyi basa nɛ men wɔ Mowab be efuli so na e lar menyi be ndeana to nseŋ ya kaa wɔ abeelaŋ to fanɛ kananɛ elepɔ bee tɔ asha abeelaŋ to a di to na.

Jɛremaya 48:44

Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Jɛremaya 48:6

Men shile manaŋ m mɔlga menyi be efute! Men ta kumu n shoŋi keshishɛrsawule so a yɔ fanɛ kurma nɛ e yeŋ na.

Jɛremaya 49:30

Hazɔɔ be basa, ma, Enyɛnpe Ebɔrɛ na e naa kaŋɛ menyi na fanɛ men shile n yɔ kufɔ n ya ŋana. Babilɔn be ewura Nebukadneeza kre kulubi a laŋɛ menyi be kaplɛa so. Kusɔ nɛ e kaŋɛ nde:

Jɛremaya 49:32

Meeŋ suge bumo be enyɔma nɛ asɔbɔya kikɛ! Meeŋ pesaŋ basa nɛ baa kuya bumo be emin so na n sɔ kaplɛkama, nseŋ naŋ shin nɛ jɛrbi e shi kaba kama so m ba bumo so.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Ezikɛl 25:13

Amoso meeŋ gberge Edɔm be basa kusoe nseŋ mɔ bumo be basa nɛ asɔbɔya kikɛ kena to nɛ kasawule nɛ k yili kadegboŋ nɛ baa tre Tɛman n dese n ya fo kumo nɛ baa tre Dedan na e dese jiga.

Malakai 1:3

nsaa maa sha Isɔɔ nɛ mbe kaman to ebi malɛ be asheŋ nseŋ mur bumo be abee so be efuli na nɛ k ki ejiŋkaamu pe.”

Malakai 1:4

Hale nɛ Isɔɔ be kaman to ebi nɛ b la Edɔm be efuli so ebi na kaŋɛ le gba: “Anyi be nde kikɛ mur, ama anyi alɛ beeŋ naŋ lɔŋɛ m pɔr amo.” Ma Enyɛnpe Ebɔrɛ na malɛ beeŋ kaŋɛ bumo le: “Nɛ men lɔŋɛ m pɔr amo gba meeŋ naŋ bure amo nɛ basa e baa tre ndoŋ ‘Belubiworapoana be efuli nɛ Enyɛnpe Ebɔrɛ be agbo wɔ kumo so mbaanaayɔ.’ ”

Kelaraŋŋini 6:15

Ndoŋ nna nɛ kasawule so be bewurgboŋ nɛ bumo nɛ baa ji kuwura beko so nɛ esoji be benimu nɛ damawuraana nɛ belempo nɛ basa kikɛ, anya nɛ bumo nɛ b wɔ bumo be amu kikɛ ŋana abeelaŋana nɛ abee be afaltagboŋana to.

Demujipoana 6:2

Ŋkpal Midianebi na ka daa chɔ Israɛlebi na eleŋ ga so, Israɛlebi na daŋ fin mboŋ nna ŋ ŋana ashi abeelaŋ to nɛ abeeana so nɛ mboŋ nɛ basa maaŋ wu bumo.

1 Samuɛl 13:6

Ndoŋ nɛ b yili ŋ kre kena m ba kɔ Israɛlebi na n shin nɛ ebɔl lar bumo. Nɛ Israɛl be benapo ko shile n ya ŋana abeelaŋ to nɛ beko malɛ ya ŋana amaŋ to nɛ abee to nɛ ajanmaŋ to nɛ atirbu nɛ a maŋ kɔ nchu to;