Jɛremaya 49:5 - EBƆRƐ BE KAWƆL

⁵ Meeŋ shin nɛ kenishipere gboŋgboŋi nɛ k bee keta kufu a shi kaba kama so m ba menyi so nɛ men shile m mɔlga menyi be amu. Esa kikɛ maaŋ naa wɔtɔ nɛ e naŋ gama menyi be benapo abar so.

Jɛremaya 49:5 Iomraidhean Croise

2 Bewura 19:7

Meeŋ shin nɛ Asiriya be ewurgboŋ na e nu kubɔya ko nɛ k shin nɛ e bɛta n yɔ mo gbagba be efuli so nɛ Enyɛnpe Ebɔrɛ e shin nɛ b ya mɔ mo ndoŋ.”

Job be kawɔl 15:21

Asheŋ nɛ e bee keta kufugboŋ na nawule be asheŋ nɛ baa nu saŋkikɛ. Jemanɛ nɛ asheŋ bee nite nɛnɛ a sa bumo na nɛ beyu nɛ baa suge basa be asɔ na bee baa kaa suge bumo be asɔ.

Aŋasa 28:1

Basa lubi bee shile nna nsaa gbɛ a keni fanɛ esa ko ka bee ju bumo na, ama basa nɛ baa wora asheŋ niŋiso bre bee nite kenyɛnso nna fanɛ buluŋ na.

Aizaaya 16:3

Le nɛ Mowab be mbɔ na daŋ kaŋɛ Juda be basa na: “Men baa ŋini anyi kusɔ nɛ anyeeŋ baa wora. Men baa kuŋ anyi fanɛ kedibi be kiyoyul kapiidi, nseŋ shin nɛ an chena menyi be kayul to n wushi. An la basa nɛ b shile kena nna a mɔlga anyi be amu. Men ta anyi ŋ ŋana kakpa nɛ esa kikɛ maaŋ wu anyi.

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 46:5

Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 49:29

Mbe benapo nɛ bumo be asheŋ bee keta kufu na beeŋ ba kulti menyi n wɔtɔ nseŋ suge menyi be ewajɛbu nɛ asɔ kikɛ. Bumo alɛ beeŋ naŋ suge menyi be mbolpɔ nɛ enyɔma gba n ti so.

Jɛremaya 6:25

Anyee ŋana keyɔ ndɔana to ŋko n lar ndeana to gba nna n yɔ mboŋ ko, ŋkpal manɛ so, an doŋana kɔ akɔsɔ to nna a ba nɛ b ba kɔ anyi kena nɛ kufugboŋ sɔ efuli na be kaplɛkama.”

Nfabel 4:15

Kusɔ nɛ basa bee kaŋɛ bumo nde: “Men shile anyi so! Men wora eyurpi nna. Men sa maŋ beta anyi ere!” Ŋkpal loŋ so efuli kama so nɛ b yɔ, ndoŋebi gba bee kini bumo nna.

Eemɔs 4:3

Baaŋ gbeye menyi m bɔla men be kade be egbal na be kaba nɛ k bure na n ya lɛ kakpa nɛ baa tre Hɛɛmɔn be kaba so.” Ma Enyɛnpe Ebɔrɛ e malga na.

Joshuwa 2:9

“M baa nyi geeŋ fanɛ Enyɛnpe Ebɔrɛ na ta kasawule ere nna n sa menyi nɛ kumo be loŋ e shin nɛ kufu nɛ keyeŋiyeŋi e tɔr ekama nɛ e wɔ efuli ere so so.