Jɛremaya 49:36 - EBƆRƐ BE KAWƆL

³⁶ Bedoŋ beeŋ shi kaba kama so m ba kɔ Elam be basa nseŋ pɛ bumo tintiŋso n yɔ durnya to be efuli kama so.

Jɛremaya 49:36 Iomraidhean Croise

Nshɛ 147:2

Enyɛnpe Ebɔrɛ na bee lɔŋɛ Jerusalɛm nna a pɔr; nsaa bɛta mbe basa nɛ b daŋ pɛ n yɔ kenyaya to ashi efuli pɔtɛ wɔfɔ so na a ba epe.

Aizaaya 11:12

Enyɛnpe Ebɔrɛ na beeŋ maŋ tɔɔnɛ be tuta so ŋ ŋini efuliana na fanɛ e naa bɛta Israɛl nɛ Juda be basa nɛ b daŋ pesaŋ to a wɔ durnya be kaplɛkama na nna a ba.

Aizaaya 27:13

Kachɛ na kaŋ fo, kabel beeŋ shu awɔrso n tre Israɛlebi nɛ b pɛ n yɔ kenyaya to ashi Asiriya nɛ Ijipt be efuliana so na. Baaŋ bɛta m ba kaa shuŋ Enyɛnpe Ebɔrɛ na mbe kebee cheembi na so ashi Jerusalɛm to.

Aizaaya 56:8

Enyɛnpetale Ebɔrɛ nɛ e keta mbe basa Israɛlebi n shi kenyaya to ashi efuli pɔtɛ wɔfɔ so m ba na e nase kɔnɔ fanɛ e beeŋ bar basa pɔtɛ m ba ti bumo so.

Jɛremaya 30:17

Ekama maŋ naa sha fanɛ men ba la mo teri ŋko ekama be shɛŋ maaŋ naa wɔ kusɔ nɛ k wora menyi to. Ama meeŋ chɛ menyi be edoro nɛ men nya eyur be alenfia. Ma, Enyɛnpe Ebɔrɛ e kaŋɛ na.”

Jɛremaya 49:32

Meeŋ suge bumo be enyɔma nɛ asɔbɔya kikɛ! Meeŋ pesaŋ basa nɛ baa kuya bumo be emin so na n sɔ kaplɛkama, nseŋ naŋ shin nɛ jɛrbi e shi kaba kama so m ba bumo so.

Ezikɛl 5:10

Bekurgepo beeŋ kpal akoŋ so a mɔ bumo be mbia a we nɛ mbia e baa mɔ bumo bekurgepoana a we. Meeŋ gberge menyi kusoe hale nɛ bekama nɛ baaŋ ji efute gba na e pesaŋ to n yɔ mboŋ wɔfɔ.

Ezikɛl 5:12

Menyi to be ntuŋ asa to be katuŋ koŋwule beeŋ wu ŋkpal alɔ nɛ akoŋ so ashi Jerusalɛm to, nɛ katuŋ nyɔsopo e wu kena to. Katuŋ sasopo malɛ beeŋ pesaŋ to n sɔ kaplɛkama a shile nɛ n ta tokobi m bɛ bumo so a mɔ.

Danɛl 11:4

Ama k maaŋ chɛr nɛ mbe efuli na e bure m barga to n yɔ durnya ere be abonfu ana ere kikɛ to. Nɛ efuli popɔrana nɛ amo be bewura maŋ shi ewura lempo na be kanaŋ to e bɔla amo to n lar. Bewuraana na malɛ maaŋ baa kɔ eleŋ fanɛ mo.

Danɛl 8:22

Alambɛ ana nɛ a ba tal kumo nɛ k bu na to na malɛ yili nna a sa fanɛ efuli na so be kuwurji beeŋ ba barga to ana, ama amo alɛ be kekama be eleŋ maaŋ fo sososo peya na so.

Danɛl 8:8

Kaboe na daa nya eleŋ nna ga a ti so. Ama kumo be eleŋ na ka fo ekar, nɛ kumo be kelambɛ na bu n tɔr. K ka bu na nɛ alambɛ tenteŋ ana ba tal kumo to. Amo be kuko daŋ kilgi nna n shoŋi kelargato be esoso be kaba so, nɛ kuko kilgi n shoŋi epeŋilarkpa be kaba so, nɛ kuko gba kilgi n shoŋi kelargato be kaseto be kaba so, nɛ kumo nɛ k ka malɛ kilgi n shoŋi epeŋitɔrkpa be kaba so.

Eemɔs 9:9

Meeŋ ponte nɛ b gbaŋgbaŋ Israɛl be basa fanɛ kananɛ baa gbaŋgbaŋ ayunyifu gbaŋgbande to a lara eyurpi amo to na. Meeŋ shin nɛ bumo be bumo nɛ baa ji kashenteŋ a sa ma e pesaŋ to n yɔ efuli pɔtɛana so.

Zakareya 6:5

Nɛ e kaŋɛ: “A yili nna n sa ayoyu ana nɛ a shi Ebɔrɛ nɛ e la Enyɛnpe durnya kikɛ so na kutɔ m ba na.”

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.

Ditɛronɔmi 28:64

Enyɛnpe Ebɔrɛ na beeŋ shin nɛ men pesaŋ to n sɔ durnya to be efuliana kikɛ so n ya shuŋ agbirana nɛ b ta ndibi nɛ ajembu n lɔŋɛ nɛ menyi nɛ men nananyɛnana maŋ naŋ shuŋ ŋ ku so na.

Kelaraŋŋini 7:1

Asheŋ ere kikɛ be kaman nɛ n wu emalaika ana ka yil a yil kasawule ere be abonfu ana akpa m pɛ kasawule ere so be afu ana na to ŋ keta, saŋɛ na so afu kikɛ maaŋ ber kasawule so ŋko m ber eteku so ŋko m ber kedibi kama so.