Jɛremaya 49:3 - EBƆRƐ BE KAWƆL

³ Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Jɛremaya 49:3 Iomraidhean Croise

2 Samuɛl 11:1

Dɔchubɔrɛso, saŋɛ nɛ bewura bee lar a yɔ kena to na, nɛ Deevid daŋ shin nɛ Jɔab juŋkpar Israɛlebi be benapo na kikɛ, nɛ b ya kɔ m pɔɔ Ammɔnebi na so nseŋ kulti bumo be kadegboŋ nɛ baa tre Raaba na n wɔtɔ. Ama Deevid bre gbagba daa wɔ Jerusalɛm to nna.

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 11:5

Ewura Sɔlɔmɔn daa shuŋ Sidɔn be kade be kegbirche Astat nɛ Ammɔn be efuli so be kegbir Molɛk, nɛ Ebɔrɛ kishi amo be asheŋ ga na nna.

2 Bewura 23:13

Ewura Josaya daŋ bɔla daŋkare be ekpa so nna n jija ebɔrɛsure nɛ ewura Sɔlɔmɔn daŋ pɔr Jerusalɛm be epeŋilarkpa be kaba so nɛ kebee nɛ baa tre Ɔlifs na be kelargato be kaseto be kaba so nɛ baa shuŋ kegbirche Ashira nɛ k wɔ Sidɔn be kade to na nɛ kegbir nɛ baa tre Chemɔsh nɛ k wɔ Mowab na nɛ kegbir nɛ baa tre Mɔlɛk nɛ k wɔ Ammɔn nɛ a la asɔ fuloŋ na.

Ɛzra 2:28

Bɛtɛl nɛ Ai ebi daa la basa alfa anyɔ nɛ adunyɔ nɛ asa.

Aizaaya 13:6

Men baa boŋ to a shu awɔrso! Ŋkpal manɛ so, Enyɛnpe Ebɔrɛ na be demuji be kachɛ na taga to. K la kachɛ nɛ Enyɛnpetale Ebɔrɛ na beeŋ shin nɛ basa e mur nna.

Aizaaya 14:31

Menyi nɛ men wɔ Filisti be ndegboŋ to na e boŋ to n shu n fin kechɛto! Men kikɛ e baa chicha kufuso! Ŋkpal manɛ so, kalabɛr gboŋgboŋi nɛ k du fanɛ kuwɔlpa shi kelargato be esoso a ba. K yili n sa benapo nɛ efupo kikɛ maŋ wɔ bumo to nna.

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 16:7

Mowab be basa ere beeŋ shu anishichubi ŋkpal bumo be etɔrɔ nɛ a beeŋ tu bumo so. B kaŋ nyiŋi ajibi nɛ b daa ji ashi kadegboŋ nɛ baa tre Kir Hɛrɛs na, baaŋ shu anishichubi nɛ k wora bumo fanɛ tama kikɛ loge a laŋɛ bumo be kaplɛa so.

Aizaaya 23:1

Kubɔya nɛ k wɔtɔ a laŋɛ kadegboŋ nɛ baa tre Tayɛ na be kaplɛa so nde. Menyi nɛ menyee ta ekuloŋgboŋ a shuŋ nchu so e boŋ to awɔrso n shu ga! Ŋkpal manɛ so, kade nɛ menyee kaa ta menyi be ekuloŋ a gbuŋ kumo to nɛ baa tre Tayɛ na mur. Kumo to be nwu nɛ ekulonyilikpa kikɛ mur kuraa. Jemanɛ nɛ menyi be ekuloŋgboŋ shi kepla nɛ baa tre Saipres a ba na nɛ men nu ebaru na be asheŋ.

Aizaaya 23:6

Menyi nɛ men wɔ efuli nɛ baa tre Fenisha na e boŋ to awɔrso n shu ga nseŋ wora ania n shile n yɔ efuli nɛ baa tre Speen na!

Jɛremaya 4:8

Amoso men ta nli be asɔbuuso m buu nsaa shu a boŋ to, ŋkpal manɛ so, Enyɛnpe Ebɔrɛ na be kanya agbogboŋ maaŋ wushi Juda be efuli so be basa so.

Jɛremaya 46:25

Kumo be kaman, nɛ Enyɛnpetale, Israɛl be Ebɔrɛ na naŋ kaŋɛ le: “Meeŋ gberge Tebes be kegbir nɛ baa tre Ammɔn na nɛ Ijipt be agbirana nɛ kumo be basa nɛ bewuraana nɛ bekama nɛ b ta bumo be yirda n deŋi Ijipt be eleŋgboŋ so na kusoe.

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Jɛremaya 48:20

Baaŋ kaŋɛ menyi le: “Mowabebi kɔ kena n tɔr nna! Men shu n sa bumo. B ji anishinyɔr. Men ber kumo be kebomboŋ ashi Aanɔn be Lɔr na be ekarso, fanɛ Mowab be efuli na mur!

Jɛremaya 48:37

Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jɛremaya 48:7

Mowabebi, men ta menyi be yirda nna n wɔtɔ menyi be eleŋ nɛ kedamaya to, ama naniere bedoŋ beeŋ kɔ m pɔɔ menyi so nseŋ yɛr menyi be kegbir nɛ baa tre Chemɔsh na nɛ kumo be agbirwuraana nɛ benimuana na efuli pɔtɛ wɔfɔ so.

Jɛremaya 49:1

Kusɔ nɛ Enyɛnpe Ebɔrɛ na kaŋɛ a laŋɛ Ammɔn be efuli so be kaplɛa so nde: “Israɛl be basa kɔ mbi damta nɛ baaŋ ji kasawule na be kapetɛ. Nɛ manɛ nna nɛ b shin nɛ basa nɛ baa shuŋ kegbir nɛ baa tre Mɔlɛk na sɔ Gad be yiri to ebi be kebonfu be nsawule so n chena so?

Jɛremaya 51:8

Ama Babilɔn gba beeŋ tɔr epul to m mur. Men shu n sa kumo be basa, nseŋ fin kudur n wɔtɔ bumo be achuu to, ashere baaŋ nya kechɛ.

Jɛremaya 6:26

Kumo be kaman, nɛ Enyɛnpe Ebɔrɛ naŋ kaŋɛ mbe basa le: “Men ta nli be asɔbuuso m buu nseŋ dese nsunɔ to a melti. Men baa shu kenishipereso fanɛ kananɛ menyee shu ebi koŋwule be luwu be keeli na. Ŋkpal manɛ so, basa nɛ baaŋ ba mur menyi na maaŋ chɛr nseŋ ba kɔ menyi kena.

Eemɔs 1:15

Baaŋ pɛ bumo be ewura nɛ mbe ekrachiana n yɔ kenyaya to ashi efuli wɔfɔ.” Enyɛnpe Ebɔrɛ na e malga na.

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.

Joshuwa 7:2

Kachako nɛ Joshuwa shuŋi basa ko ashi Jɛriko fanɛ b yɔ Ai nɛ k mata Bɛfavɛn ashi Bɛtɛl be epeŋilarkpa na n ya ŋana n dara kananɛ ndoŋ be kasawule na du.

Joshuwa 8:1

Asheŋ ere be kaman nɛ Enyɛnpe Ebɔrɛ kaŋɛ Joshuwa le: “Keta fo benapo na kikɛ n yɔ Ai. Fo alɛ e sa maa lɔ kufu ŋko a pɔ aba. Meeŋ shin nɛ men kɔ m pɔɔ Ai be ewura na so, nɛ mbe basa nɛ mbe kade nɛ kasawule na kikɛ e ki menyeya.

Joshuwa 8:28

Amoso Joshuwa e daŋ chɔ Ai be kade na kikɛ m mur n shin nɛ k ki alambure hale kabre.