Jɛremaya 49:25 - EBƆRƐ BE KAWƆL

²⁵ Jemanɛ ko ma kagbene daŋ fuli menyi be kadegboŋ nɛ k kɔ ketre na so nna. Ama naniere mee kpele menyi kusoe nna fanɛ men lar kumo to n shile m mɔlga menyi be amu.

Jɛremaya 49:25 Iomraidhean Croise

Aizaaya 1:26

Ma alɛ beeŋ sa menyi bewura nɛ besoetojipo nɛ b du fanɛ bumo nɛ men daa kɔ dra na. Ŋ kaŋ wora loŋ, baaŋ naa tre Jerusalɛm Kadegboŋ Niŋiso nɛ Kashenteŋji be Kakpa.”

Jɛremaya 33:9

Nɛ loŋ kaŋ wora, durnya to be efuliana be basa kikɛ beeŋ wu asɔ lela nɛ n wora n sa Jerusalɛm be basa nɛ kananɛ n sa bumo kayurwushi. Efuliana na be basa beeŋ ji eyur nseŋ kpaŋ ma m maŋkura ma, ama kufugboŋ malɛ beeŋ tɔr bumo so nɛ b baa chicha ma anishi to.’ ”

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Jɛremaya 48:39

Mowab be efuli bure cheche a dese nɛ kumo be basa ji anishinyɔr nɛ efuliana nɛ a kulti kumo na be basa kikɛ wu kumo nɛ k chinchiŋ bumo nɛ b wora bumo eyurto. Ma, Enyɛnpe Ebɔrɛ e kaŋɛ na.”

Jɛremaya 51:41

Efuli pɔtɛana be basa bee kpaŋ Babilɔn naniere nna, ama bedoŋ kaŋ pɛ kumo be basa anya, kufu gboŋgboŋi beeŋ naŋ tɔr efuli pɔtɛana ere be basa so nɛ b baa chicha.

Danɛl 4:30

nseŋ kaŋɛ le: “Keni kananɛ Babilɔn shibi loŋ! Ma eleŋ so nɛ m pɔr kumo nɛ kebaa la ma kadegboŋ a ŋini eleŋ nɛ kemaŋkura nɛ adelebigboŋ nɛ ŋ kɔ.”

Kelaraŋŋini 18:10

Ebesa mo nɛ e beeŋ ji na be asheŋ beeŋ pɛ bumo kufu nɛ b yili kufɔ nseŋ kaŋɛ: “O fo, kadegboŋ ere, asheŋ nya fo, asheŋ nya fo. O Babilɔn, eleŋ be kadegboŋ, awa koŋwule nawule to nɛ fo ta n nya fo kasogberge na.”