Jɛremaya 49:24 - EBƆRƐ BE KAWƆL

²⁴ Damaskɔs be basa na daŋ pɔ aba nna ga nseŋ daŋ ta kufu nɛ keyeŋi yeŋi n shile. Ebesa nɛ kagbenejija damta e daa wɔ bumo to fanɛ eche nɛ e bee kurge na.

Jɛremaya 49:24 Iomraidhean Croise

Jɛnesis 3:16

Kede be kaman nɛ e kilgi ŋ kaŋɛ eche na le: “Ŋkpal kusɔ nɛ fo wora ere so, fo kasogberge nde: Fo baŋ di kedampo, fo nɛ awurfoŋ e naaŋ baa la; nɛ fo alɛ baa shin nɛ fo kurge, ebesa beeŋ baa shi fo so ga. Fo kagbene kikɛ beeŋ baa wɔ fo kul so ga, ama mo alɛ e naaŋ baa ji fo so eleŋ.”

Jɛremaya 30:6

To, men yige kusɔ kama nseŋ fɛ nfɛra! Enyɛn beeŋ tiŋ n di kedampo ŋ kurge ebi a? Nɛ manɛ nna nɛ n wu enyɛn kama ka biti epun so nseŋ wora anishiakpa fanɛ eche nɛ kakurge ta mo?

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 48:41

Baaŋ kɔ n suge ndeana na nɛ mboŋ lempoana na kikɛ. Loŋ be kachɛ na kufu beeŋ pɛ Mowab be benapo fanɛ kananɛ kufu bee pɛ eche nɛ kakurge ta mo na.

Jɛremaya 49:22

Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 49:29

Mbe benapo nɛ bumo be asheŋ bee keta kufu na beeŋ ba kulti menyi n wɔtɔ nseŋ suge menyi be ewajɛbu nɛ asɔ kikɛ. Bumo alɛ beeŋ naŋ suge menyi be mbolpɔ nɛ enyɔma gba n ti so.

Jɛremaya 49:37

Meeŋ shin nɛ Elam be basa bumo bedoŋana e mɔ bumo n jija bumo kuraa nseŋ naŋ shin nɛ b ji jɛrbi nɛ ma agbogboŋ beeŋ shin nɛ k ba bumo so na.

Jɛremaya 50:43

Babilɔn be ewura ka nu baru na, nɛ kufu pɛ mo nɛ mbe eyur wu mo. Ndoŋ nna nɛ kagbenejija damta tɔr mo so nɛ e bee kii kɔnɔ to fanɛ kakurge ka ta eche na.

Jɛremaya 6:24

Ndoŋ nna nɛ Jerusalɛm be basa na kaŋɛ le: “An nu bumo be asheŋ nɛ kufugboŋ tɔr anyi so nɛ anyi be eyur wu anyi. K shin nɛ kagbenejija tɔr anyi so nɛ anyee we anyii to fanɛ eche nɛ kakurge ta mo na.

Hoziya 13:13

Israɛl kraa kɔ ekpa nɛ e ji efute, ama e ki fanɛ kebia wulpo nɛ mbe kakurge fo nɛ e kini k lar nna.

Matiu 24:8

Le be asɔ ere kikɛ du fanɛ kakurge be ebesa juŋkparso nna.

Maak 13:8

Efuli ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo malɛ kena. Abembeŋ beeŋ ba mboŋ damta nɛ akoŋ damta e tɔr. Le be asɔ du na fanɛ kakurge be ebesa juŋkparso.