Jɛremaya 49:22 - EBƆRƐ BE KAWƆL

²² Bedoŋ na beeŋ ba kɔ Bozra be basa eleŋso fanɛ kusore ka ber atɛ to ŋ gbelge m ba kasawule so eleŋso na. Kachɛ na kaŋ fo, Edɔm be benapo be ŋgbene beeŋ jija bumo ga fanɛ eche nɛ kakurge ta mo na.”

Jɛremaya 49:22 Iomraidhean Croise

Nshɛ 18:5

nɛ luwu sho ma ajigbelɛ, nɛ kenishipere gboŋgboŋi tɔr ma so.

Aŋasa 30:19

Amo e la, kananɛ kusore bee firgi, nɛ kananɛ kuwɔ bee gbeye ajembu so, nɛ kananɛ teku so be ekuloŋgboŋ bee wu a yɔ kakpa nɛ k bee yɔ, nɛ kananɛ enyɛn nɛ eche bee sha abar.

Aizaaya 11:14

Baaŋ chɛ abar to ŋ kɔ Filistiebi nɛ b wɔ epeŋitɔrkpa na nseŋ suge basa nɛ b wɔ epeŋilarkpa na be asɔ eleŋso. Bumo alɛ beeŋ kɔ m pɔɔ Edɔm nɛ Mowab be basa so, nseŋ shin nɛ Ammɔn be basa e wora bumo kasonu.

Aizaaya 21:3

Kusɔ nɛ n daŋ wu nseŋ nu bɔrɛdare na to na shin nna nɛ kufugboŋ ko nɛ ebesa fanɛ kakurge be ebesa luri ma to.

Aizaaya 26:17

Ŋkpal kusɔ nɛ fo wora anyi na so, an daŋ ji awurfoŋ fanɛ eche nɛ kakurge ta mo nna.

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 22:23

Men chena ewurkpa nɛ men ta Lebanɔn be efuli so be ndibi nɛ baa tre sida n lɔŋɛ na to nna nsaa maa fɔŋ shɛŋ so. Ama ŋ kaŋ shin nɛ ebesa fanɛ kakurge be ebesa ba menyi so na, nɛ menyi be asheŋ beeŋ baa keta kuwɔr.

Jɛremaya 30:6

To, men yige kusɔ kama nseŋ fɛ nfɛra! Enyɛn beeŋ tiŋ n di kedampo ŋ kurge ebi a? Nɛ manɛ nna nɛ n wu enyɛn kama ka biti epun so nseŋ wora anishiakpa fanɛ eche nɛ kakurge ta mo?

Jɛremaya 4:13

Men keni, edoŋ be benapo e naa ba fanɛ awɔlpa na. Bumo be kena to be egbaŋɛturko bee shile nna fanɛ kawuliwuli nɛ bumo be egbaŋɛ malɛ bee shile a chɔ kusore ka bee firgi. To, an wu m mur nna na!

Jɛremaya 4:31

N nu esa ko ka bee tekeŋto fanɛ eche nɛ kakurge ta na, nseŋ naŋ nu kushu fanɛ eche ka bee kurge mo pibi sososo. Jerusalɛm e daa fute a gben nsaa shu a lɛ mbre a kaŋɛ le: ‘Mee wu nna na! Bedoŋ e naa ba nɛ b ba mɔ ma!.’ ”

Jɛremaya 49:24

Damaskɔs be basa na daŋ pɔ aba nna ga nseŋ daŋ ta kufu nɛ keyeŋi yeŋi n shile. Ebesa nɛ kagbenejija damta e daa wɔ bumo to fanɛ eche nɛ e bee kurge na.

Jɛremaya 50:36

Luwu beeŋ ba bumo be anebiana nɛ b la bewulpo nsaa ku efɛ na so! Luwu beeŋ ba bumo be benapo so, nɛ kufugboŋ e tɔr bumo so!

Jɛremaya 50:43

Babilɔn be ewura ka nu baru na, nɛ kufu pɛ mo nɛ mbe eyur wu mo. Ndoŋ nna nɛ kagbenejija damta tɔr mo so nɛ e bee kii kɔnɔ to fanɛ kakurge ka ta eche na.

Jɛremaya 6:24

Ndoŋ nna nɛ Jerusalɛm be basa na kaŋɛ le: “An nu bumo be asheŋ nɛ kufugboŋ tɔr anyi so nɛ anyi be eyur wu anyi. K shin nɛ kagbenejija tɔr anyi so nɛ anyee we anyii to fanɛ eche nɛ kakurge ta mo na.

Danɛl 7:4

Kumo nɛ k daŋ juŋkpar n lar na daa du fanɛ buluŋ nna nsaa kɔ atɛ fanɛ kajɔnɔkoso. Ŋ ka bee keni kumo na, nɛ n wu kumo be atɛ ka tia. Nɛ b maŋ kumo so n yili kumo be aya so fanɛ dimɛdi nseŋ ta dimɛdi be nfɛra n wɔtɔ kumo to.

Hoziya 8:1

Enyɛnpe Ebɔrɛ yɛ: “Foŋ kabel! Ŋkpal ma basa ka kini kebɛ kɔnɔkoŋwule be ŋkre nɛ ma nɛ bumo wora na, nɛ ma keŋini so so, bedoŋ chala a gbelge ma kasawule so nna fanɛ njɔnɔkoso na.

Obadaya 1:9

O, Teman be benakɔpo, kufu beeŋ pɛ menyi tain, baaŋ ku ekama nɛ e wɔ lsɔɔ be abee so na to.

Ditɛronɔmi 28:49

Enyɛnpe Ebɔrɛ na beeŋ shin nɛ efuli pɔtɛ be basa nɛ men maa nu bumo be ŋgbar e shi kufɔ kufɔ ŋ kre kena m ba purgi menyi fanɛ kusore ka ta koshi na.

1 Tɛsalɔnikaebi 5:3

Saŋɛ nɛ basa ya kaa kaŋɛ: “Naniere bre kaboŋ nyalɛ nɛ kagbenewushi ba,” epul na malɛ to nɛ kemur be tɔrɔ beeŋ tɔr bumo so fanɛ kananɛ kakurge be ebesa bee purgi edampoche na. Bumo be ekama maaŋ lar.