Jɛremaya 49:15 - EBƆRƐ BE KAWƆL

¹⁵ Enyɛnpe Ebɔrɛ na malɛ beeŋ shin nɛ men ki basa pɔso nɛ esa kama maaŋ naa sa menyi bunyaŋ.

Jɛremaya 49:15 Iomraidhean Croise

Nshɛ 53:5

Kufu beeŋ pɛ menyi a chɔ kananɛ k daŋ pɛ menyi dra na. Ebɔrɛ beeŋ farnyaŋ mo doŋana be awibi to nɛ anishinyɔr e pɛ menyi ŋkpal Ebɔrɛ ka kini menyi so.

Jɛremaya 49:14

Kumo be kaman nɛ ma, Jɛremaya kaŋɛ le: “Edɔm be basa, kubɔya ko nɛ n nya shi Enyɛnpe Ebɔrɛ na kutɔ. E yɛ, e shuŋi kabɔ fanɛ e ya kaŋɛ efuliana na fanɛ b gama bumo be benapo abar so nseŋ bela ase m ba kɔ menyi kena.

Jɛremaya 49:16

Menyi be kamoowuso nɛ menyee fɛ fanɛ efuliana na be basa bee ŋana menyi na. Menyi ka chena abee to nɛ abee be awɔlto so nɛ menyee fɛ loŋ, ama nɛ men wɔ awɔlto chilili fanɛ kusore gba, Enyɛnpe Ebɔrɛ na beeŋ tiŋ m bar menyi kaseto. Ma, Enyɛnpe Ebɔrɛ e kaŋɛ na.”

Obadaya 1:2

Le nɛ Enyɛnpetale na kaŋɛ Edɔm: “Meeŋ shin nɛ fo ki epɔshipo nɛ ekama nyam e keni fo jiga.

Maika 7:10

Saŋɛ na so nɛ ma doŋana nɛ b kaŋɛ le: “Nnɛ nɛ Enyɛnpe fo Ebɔrɛ na wɔ?” An wu kusɔ nɛ e wora na nɛ nyɔmɔ e pɛ bumo. Ma anishi ere nɛ meeŋ ta n wu asheŋ ka beeŋ bri bumo. Hale naniere gba n wu fanɛ b ki fanɛ kebɔrbi so be depɔ nna nɛ basa bee chichi so.

Luuk 1:51

E teŋi mbe enɔgboŋ to n jija kamoowuwuraana be ejina kikɛ n lɛ.

1 Samuɛl 2:30

Ma, Enyɛnpe, Israɛl be Ebɔrɛ na e daŋ nase kɔnɔ fanɛ fo kanaŋ e naaŋ baa la bɔrɛmatapoana mbaanaayɔ, ama mee kaŋɛ fo nna fanɛ loŋ maaŋ naŋ wora kikɛ. Basa kama nɛ baa bunyaŋ ma na nɛ mee sa bunyaŋ nsaa sho bekama nɛ b kishi ma na kɔnɔ.