Jɛremaya 49:12 - EBƆRƐ BE KAWƆL

¹² Efuliana nɛ bumo be basa maŋ daga kasogberge gba ka beeŋ nuu ma agbo be kawiebi to, manɛ nna nɛ menyi ere maaŋ nya kasogberge? Menyi alɛ gba beeŋ nuu kawiebi na to.

Jɛremaya 49:12 Iomraidhean Croise

Aŋasa 17:5

Fo baa wora betirpo eyurto, Ebɔrɛ nɛ E to bumo na nɛ fee wora eyurto na. Ebɔrɛ malɛ beeŋ gberge bekama nɛ bumo braana be awurfoŋ bee wora bumo ebel na kusoe.

Jɛremaya 25:15

Ade be kaman nɛ Enyɛnpe, Israɛl be Ebɔrɛ na naŋ kaŋɛ ma le ashi bɔrɛdare to: “Kawiebi nɛ ma agbo bɔlɔ kumo nde. Sɔ kumo n yɔ efuliana nɛ meeŋ shuŋi fo amo so na so n ya shin nɛ b nuu kumo to.

Jɛremaya 30:11

Meeŋ ba menyi kutɔ m ba mɔlga menyi. Meeŋ mur efuliana nɛ m pesaŋ menyi to n yɔ na kikɛ, ama m maaŋ mur menyi ere. M maaŋ shin nɛ men nya menyi be amu n ji nɛ m maŋ gberge menyi kusoe. Ama meeŋ gberge menyi kusoe nɛ kumo be ekpa so nna. Ma, Enyɛnpe Ebɔrɛ e kaŋɛ na.”

Jɛremaya 46:27

“Ma basa, men sa maa lɔ kufu. Israɛl be basa, men sa maa chicha kufuso. Kachako meeŋ lara menyi ashi efuli pɔtɛana so m bar menyi epe. Menyi nɛ menyi be kaman to ebi kikɛ beeŋ ba kaa wɔ kayurwushi to nɛ esa kikɛ maaŋ naŋ ta kufu n da menyi.

Obadaya 1:16

Ma basa nɛ b tase ma kebee cheembi so ashi Jerusalɛm na ka nya kasogberge ere bre meeŋ gberge efuli pɔtɛana kikɛ gba kusoe a chɔ loŋ. Baaŋ nya kasoegberge a chɔ Jerusalɛm peya na, hale nɛ k yɛr bumo kemur to cheche.

Matiu 20:22

Nɛ Yesu kaŋɛ bumo: “Men maŋ nyi kusɔ nɛ menyee kule ere. Menyeeŋ tiŋ n ji awurfoŋ nɛ meeŋ ji a?” Nɛ mbia na kaŋɛ: “Mm, anyeeŋ tiŋ.”