Jɛremaya 49:11 - EBƆRƐ BE KAWƆL

¹¹ Ama menyeeŋ tiŋ n yirda ma nseŋ yige menyi be amunibi nɛ bekulpoche n sa ma nɛ m baa keni bumo so.

Jɛremaya 49:11 Iomraidhean Croise

Nshɛ 146:9

Enyɛnpe Ebɔrɛ na e naa keni befɔ so, nsaa ji a chɛ amunibi nɛ bekulpoche to; ama kumukpakpasowuraana bre, e bee mur bumo nna.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 82:3

Men baa ji asheŋ nɛ amo be ekpa so a sa bepɔshipo nɛ amunibi nɛ betentaŋasepo nɛ basa nɛ b maŋ kɔ echɛtopo kikɛ na.

Hoziya 14:3

Asiriyaebi maaŋ tiŋ m mɔlga anyi. Kena to malɛ gba be egbaŋɛ maaŋ tiŋ ŋ kuŋ anyi. Anyi maaŋ naŋ kaŋɛ fanɛ anyi be agbirana na e la anyi be Ebɔrɛ. Fo Enyɛnpe Ebɔrɛ na nawule e naŋ tiŋ n chɛ anyi to.”

Jona 4:11

Basa nɛ b chɔ ŋgboŋ kalfa nɛ adunyɔ nɛ b maŋ nyi bumo be bena nɛ jiso, n ta asɔbɔya damta gba n ti so e wɔ Ninɛve be kadegboŋ na to. A maŋ daga bumo be asheŋ ka tir ma a?”

Zakareya 7:10

Men sa maa kɔrfɛ bekulpoche nɛ amunibi nɛ befɔ nɛ b chena menyi to nɛ betentaŋasepo. Menyi alɛ e sa maa fɛ nfɛra lubi a laŋɛ men braana be kaplɛa so ashi menyi be ŋgbene to.’ ”

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ditɛronɔmi 10:18

Mo ere Enyɛnpe Ebɔrɛ na e naa kuŋ amunibi nɛ bekulpoche nsaa keni befɔ nɛ b wɔ anyi be basa to so, a sa bumo ajibi nɛ asɔbuuso.

1 Timoti 5:5

Ekulpoche gbagba nɛ e maŋ kɔ esa kikɛ nɛ e bee keni mo so be tama wɔ Ebɔrɛ so nna fanɛ e baa chɛ mo to. Mo alɛ baa wɔtɔ nna a kule Ebɔrɛ kapa nɛ kanyɛ fanɛ Ebɔrɛ e chɛ mo to.

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.