Jɛremaya 49:1 - EBƆRƐ BE KAWƆL

¹ Kusɔ nɛ Enyɛnpe Ebɔrɛ na kaŋɛ a laŋɛ Ammɔn be efuli so be kaplɛa so nde: “Israɛl be basa kɔ mbi damta nɛ baaŋ ji kasawule na be kapetɛ. Nɛ manɛ nna nɛ b shin nɛ basa nɛ baa shuŋ kegbir nɛ baa tre Mɔlɛk na sɔ Gad be yiri to ebi be kebonfu be nsawule so n chena so?

Jɛremaya 49:1 Iomraidhean Croise

Jɛnesis 19:38

Nɛ mo pibiche karso na malɛ naŋ kurge ebinyɛn nseŋ nase mbe ketre Bɛn Ami. Mo alɛ e ki Ammɔnebi bumo nananyɛn hale nɛ mbre.

2 Bewura 10:33

nɛ k wɔ Jɔɔdan be lɔr na be epeŋilarkpa hale ya fo Arowa be kade to ashi lɔr nɛ baa tre Aanɔn na ase n ta Giliad nɛ Bashan gba be nsawule nɛ Gad nɛ Ruben nɛ Manase be eyiriana be nsawule gba n ti so.

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Kronikɛls 20:1

Jemanɛ ko ka ba fo nɛ Mowab nɛ Ammɔn be benapo ya ti Meuniebi nɛ b wɔ Edɔm be efuli so na so nɛ b kɔ Judaebi kena.

2 Kronikɛls 20:23

Ammɔnebi nɛ Mowabebi daŋ kilgi nna ŋ kɔ Edɔmebi na be benapo kena nna m mur bumo cheche. Kumo be kaman nɛ b kilgi a mɔ abar.

Nehemaya 2:19

Sanballat nɛ Tobaya nɛ kalɔrbunyɛn ko nɛ baa tre mo Gɛshem ka nu kusɔ nɛ an kre kewora na be asheŋ nɛ b mushe anyi ga nseŋ kaŋɛ: “Manɛ nɛ menyee fɛ fanɛ menyee wora ere? Menyee sha kelɔŋɛ kadegboŋ na be egbalana nna m pɔr nseŋ lar ewura kaman ŋ kɔ mo kena, ŋko?”

Nehemaya 4:7

Sanballat nɛ Tobaya nɛ Nlɔrbu na nɛ Ammɔnebi na nɛ basa nɛ b shi kadegboŋ nɛ baa tre Ashdɔd na daŋ wu fanɛ egbal na daa dii nna a shin nɛ k shɛrto. Amoso b daŋ nya agbo nna,

Nshɛ 83:7

nɛ basa nɛ b shi Gebal nɛ Ammɔn nɛ Amalɛk be efuliana so, nɛ Filisti nɛ Tayɛ be ndegboŋana to.

Nshɛ 9:6

Ama doŋana mur cheche. Fo jija bumo be ndeana kikɛ, nɛ esa kikɛ maaŋ naŋ nyiŋi bumo hale mbaanaayɔ.

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 27:3

Kumo be kaman nɛ Enyɛnpe Ebɔrɛ na naŋ kaŋɛ ma fanɛ n ta kubɔya m bɔla efuliana nɛ baa tre Edɔm nɛ Mowab nɛ Ammɔn nɛ ndegboŋ nɛ baa tre Tayɛ nɛ Sidɔn be katelamu yilipoana nɛ b ba Jerusalɛm to m ba wu ewura Zɛdikaya na so, nɛ b ta kumo n ya sa bumo be bewuraana.

Jɛremaya 48:1

Kusɔ nɛ Enyɛnpetale, Israɛl be Ebɔrɛ na kaŋɛ a laŋɛ efuli nɛ baa tre Mowab na be kaplɛa so nde: “Asheŋ maaŋ nyalɛ n sa kade nɛ baa tre Nebo na; ŋkpal manɛ so, k beeŋ mur cheche. Bedoŋ beeŋ kɔ n suge Kiriataim, kumo be mboŋ lempoana beeŋ bure n tɔr nɛ kumo be basa e ji anishinyɔr.

Jɛremaya 49:23

Kusɔ nɛ Enyɛnpe Ebɔrɛ na kaŋɛ a laŋɛ Damaskɔs be kaplɛa so nde: “Kagbenejija nɛ kabɔlar daŋ tɔr basa nɛ b daa wɔ ndegboŋ nɛ baa tre Hamaf nɛ Apad na so nna ŋkpal b ka daŋ nu baru lubi so. Kafɔŋ damta daŋ luri bumo to nna fanɛ kananɛ teku be nchu bee ku a ba kaa buu kumo be ekarso so na nna.

Jɛremaya 49:28

Kusɔ nɛ Enyɛnpe Ebɔrɛ na kaŋɛ a laŋɛ Kɛda be yiri nɛ keshishɛrsawule so be ndekarso na be kaplɛa so nde: “Men nu nfe, Kɛda be basa nɛ eyiriana nɛ a wɔ keshishɛrsawule nɛ k wɔ a laŋɛ epeŋilarkpa be kaba so na. Ŋ kaŋɛ Babilɔn be Ewura Nebukadneeza fanɛ e ba kɔ menyi kena m mur menyi.

Jɛremaya 49:7

Kusɔ nɛ Enyɛnpetale Ebɔrɛ na kaŋɛ a laŋɛ Edɔm be efuli so nde: “Edɔm be basa maŋ kɔ nfɛra nna a? Basa nɛ baa ji bumo asoeto na maa kaŋɛ bumo kusɔ nɛ baaŋ baa wora nna a? Bumo be kanyiasheŋ kikɛ loge nna a?

Ezikɛl 21:25

Fo, Israɛl be ewura lubi nɛ kumu kpakpaso wura ere, fo kasogberge be kachɛ maaŋ naŋ chɛr nseŋ fo.

Ezikɛl 25:1

Ndoŋ nna nɛ Enyɛnpe Ebɔrɛ naŋ kaŋɛ ma le:

Zefanaiya 1:5

Ma alɛ beeŋ mur bekama nɛ baa dii achoŋi so n ya kaa jɔŋɛ epeŋi nɛ kufɔl nɛ achɛkpabi ase a bunyaŋ amo na. Kumo be kaman nɛ n mur bekama nɛ baa bunyaŋ ma a kaŋɛ fanɛ ma e wɔ bumo, ama nsaa ta kegbir nɛ baa tre Mɔlɛk na be ketre a bɔ ntaŋ na gba.

Ditɛronɔmi 2:19

Menyeeŋ taga Ammɔnebi nɛ b la Lɔt be kaman to ebi na be kasawule to, ama men sa maŋ kaŋ tɔrɔ bumo ŋko n fara kena nɛ bumo; ŋkpal manɛ so, m maaŋ ta kasawule nɛ n ta n sa bumo na be kaba kama n sa menyi.”

Ditɛronɔmi 23:3

Ammɔn ŋko Mowab be basa ŋko bumo be kamanebi n ya fo bumo be kenana kudusopo kikɛ maŋ ti Enyɛnpe Ebɔrɛ na be basa so.

Ditɛronɔmi 23:4

Ŋkpal manɛ so, b daŋ kini kesa menyi ajibi nɛ nchu jemanɛ nɛ men daŋ lar Ijipt be efuli so a ba na nna. Kumo be kaman nɛ b ya haya kanyɛn nɛ baa tre Balaam nɛ e la Biyɔɔ pibinyɛn na nseŋ shi kadegboŋ nɛ baa tre Peto ashi Mɛsopoteemia be efuli so na fanɛ e ba sho menyi kɔnɔ.