Jɛremaya 48:45 - EBƆRƐ BE KAWƆL

⁴⁵ Basa nɛ b shile kena na daŋ shile n yɔ Hɛshbɔn nna, kadegboŋ nɛ ewura Sihɔn daŋ chena ndoŋ n ji kuwura dra dra na. B daa shile nna a mɔlga bumo be amu, ama b ka yɔ nɛ kadegboŋ na bee ji edɛ. Mowab be basa bee sha anasheŋ nna ga, ama edɛ na teŋ n ji bumo be ndekarso nɛ abee so kikɛ m mur.

Jɛremaya 48:45 Iomraidhean Croise

Nshɛ 135:11

Loŋ be bewura na be beko e daa la: Amɔri be ewura nɛ baa tre Sihɔn na; nɛ Bashan be ewura nɛ baa tre Ɔg na nɛ Keenan be efuli so be bewuraana.

Nshɛ 78:63

Edɛ e daŋ mur bumo be mbrantiɛbia, nɛ bumo be besuŋgurbi maŋ nya benyɛn nɛ b kil.

Jɛremaya 2:16

Benapo nɛ b shi Ijipt be efuli so be ndegboŋana fanɛ Mɛmfis nɛ Taapanes na e ba mur Israɛlebi be kasawule n shin nɛ b ji anishinyɔr fanɛ b ka pɛ bumo n she bumo be amu na.

Jɛremaya 48:2

Mowabebi, esa kikɛ maaŋ naaŋ maŋkura menyi. Bedoŋ bee kre keku menyi be ŋkpa so ashi men be kadegboŋ nɛ baa tre Hɛshbɔn na to. Kusɔ nɛ ma tokobi beeŋ wora e la keshin nɛ kakpa a wora shruum ashi kade nɛ baa tre Madmen na.

Eemɔs 2:2

Amoso meeŋ shin nɛ edɛ e ya chɔɔ kade nɛ baa tre Kiriɔf nɛ k wɔ Mowab be efuli so na be kumɔlga be mboŋ lempo na. Kena to be awɔr beeŋ cha n nɛ b baa foŋ kena to be mbel saŋɛ nɛ mee mur Mowabebi na.

Zakareya 10:4

Bewura nɛ bejuŋkparpo nɛ gomena be ekrachi nimuso nɛ b kɔ eleŋ beeŋ shi Juda be yiri to n lar.

Nɔmbɛs 21:21

Kede be kaman nɛ Israɛlebi shuŋi mbɔ Sihɔn nɛ e la Amɔriebi be ewura na kutɔ fanɛ b ya kaŋɛ mo le:

Nɔmbɛs 21:26

Hishbɔn daa la Amɔriebi be ewura Sihɔn be kadegboŋ nna. E daŋ kɔ Mowab be ewura ko kena nna n sɔ mbe kasawule n ya fo Aanɔn be lɔr na be kelargato be esoso be ekarso,

Nɔmbɛs 21:28

Sihɔn be benapo daa kɔ kena nna fanɛ edɛ ka bee chɔɔ a ba na. B daŋ mur Mowab be kade nɛ baa tre Ar na nna nseŋ jija bumo be abee ase be nsawule nɛ a wɔ Aanɔn be lɔrkar na kikɛ cheche.

Nɔmbɛs 21:29

Asheŋ maaŋ nyalɛ n sa menyi Mowabebi! Chemɔsh be kegbir nɛ menyee shuŋ na mur cheche! Men be kegbir na shin nɛ men be benyɛn shile kena n yɔ efuli pɔtɛ so. Nɛ beche na malɛ ki basa nɛ Amɔriebi be bewura pɛ kena to.

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

Matiu 21:42

Nɛ Yesu naŋ bishi bumo: “Men maŋ naŋ kraŋ abɔrɛsibɛ nɛ a bee kaŋɛ le na nna; a yɛ: ‘Kejembu mo nɛ bepɔrpo kini na e ba ki ebu na be kebonfu be gbaltɔlase lela na. Enyɛnpe e daŋ wora le be kesheŋ. Kumo alɛ be kananɛ k kɔ mamachi anyi to’ a?