Jɛremaya 48:44 - EBƆRƐ BE KAWƆL

⁴⁴ Esa kama nɛ e beeŋ nya n shile kenishipere gboŋgboŋi na to na beeŋ tɔr amaŋgboŋ na to. Ekama nɛ e beeŋ nya n dii n lar amaŋgboŋ na to malɛ beeŋ tɔr ajigbelɛ na to nɛ a pɛ mo, ŋkpal manɛ so, Enyɛnpe Ebɔrɛ teŋ n yili jemanɛ nɛ Mowab be efuli na beeŋ nya kumo be kasogberge nna.

Jɛremaya 48:44 Iomraidhean Croise

1 Bewura 19:17

Meeŋ shin nɛ ewura Haziɛl e mɔ basa nɛ baa shuŋ kegbir nɛ baa tre Baal na kikɛ. Bumo alɛ be ekama nɛ e shile ŋ ŋana nɛ ewura Haziɛl maŋ nya mo m mɔ, ewura Jehu bre beeŋ mɔ mo. Ekama nɛ ewura Jehu malɛ maŋ nya m mɔ, anebi Elaisha bre beeŋ nya mo m mɔ.

1 Bewura 20:30

Bumo be bumo nɛ b maŋ nya m mɔ nɛ b shile n yɔ Afɛk be kade to na be basa ŋgboŋ adunyɔ nɛ ashunu nɛ kade na be egbal malɛ tɔr so m mɔ. Bɛnhadad gba daŋ shile nna n ya ŋana Afɛk be kade na be laŋ ko be kukɔlɔbi to be ebu to.

Aizaaya 10:3

To, nɛ Ebɔrɛ bee gberge menyi kusoe, manɛ nɛ menyeeŋ wora? Nɛ e kaŋ shin nɛ efuli pɔtɛ ko so ebi shi kufɔ m ba nɛ b ba kɔ menyi kena m mur menyi, manɛ nɛ menyeeŋ wora? Nnɛ nɛ menyeeŋ shile n ya fin kechɛto ŋko nnɛ nɛ menyeeŋ ta menyi be mpetɛsɔ n ya ŋana?

Aizaaya 24:17

Ekama e nu nfe! Kufugboŋ nɛ amaŋ chiŋgeliŋ nɛ ajigbelɛ dese a jo menyi.

Aizaaya 24:18

Ekama nɛ e wora ania n shile kufugboŋ na beeŋ ya tɔr kemaŋ chiŋgeliŋ to, nɛ emo nɛ e gelge kemaŋ chiŋgeliŋ malɛ e ya tɔr kejigbelɛ to. Bɔrɛchu damta beeŋ shi awɔlpa so m ba kasawule so nɛ durnya be gbaltɔlase e gbuŋgbuŋ to.

Jɛremaya 10:15

Agbirana na maŋ kɔ tɔnɔ, a daga basa e wora amo eyurto nna nseŋ kini amo n lɛ. Kachɛ na kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 11:23

N teŋ yili jemanɛ nɛ kemurgboŋ na beeŋ ba Anatɔf be basa so, kumo alɛ kaŋ fo, bumo be ekama maaŋ ji efute.”

Jɛremaya 16:16

Kumo be kaman nɛ Enyɛnpe Ebɔrɛ na kaŋɛ le: “Mee shuŋi bedoŋ nna nɛ b ba pɛ menyi fanɛ ekɔrɔtɔ nseŋ naŋ mɔ menyi fanɛ bekpampo ka mɔ kupuŋ to be asɔbɔya ashi abeegboŋ nɛ abeebi so nɛ abeelaŋ to na.

Jɛremaya 23:12

Amoso, meeŋ shin nɛ kebaawɔtɔ e ki kpakpa ga n sa bumo; nɛ k wora fanɛ b ka bee nite tentembiri to ashi ekpa fɛrgeso to nsaa fɛrge a tɔr na. Bumo be kasogberge be saŋɛ kaŋ fo, meeŋ shin nɛ b ji jɛrbi damta ga. Ma, Enyɛnpe Ebɔrɛ e kaŋɛ na.

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 49:8

Menyi basa nɛ men wɔ kadegboŋ nɛ baa tre Dedan na e shile n ya ŋana! Meeŋ shin nɛ Isɔɔ be kaman to ebi e ji jɛrbi, ŋkpal manɛ so, jemanɛ fo nɛ ŋ gberge bumo kusoe.

Jɛremaya 50:24

Babilɔn be efuli so be basa na daŋ to ma emaŋ nna a kɔ ma. Naniere kejigbelɛ nɛ n fe menyi na pɛ menyi nɛ menyi maŋ nyi gba.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 51:18

Agbirana na maŋ kɔ tɔnɔ; a daga fanɛ basa e wora amo eyurto nna nseŋ kini amo n lɛ. Amo be kachɛ kaŋ fo, Enyɛnpe Ebɔrɛ na beeŋ mur amo kikɛ.

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Nfabel 3:47

An luri jɛrbi nɛ kemur damta to n lar, naniere kufugboŋgboŋi be kebaawɔtɔ to nɛ an wɔ.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Eemɔs 5:19

Loŋ be kachɛ na beeŋ baa ka du fanɛ esa ka bee shile a ŋana buluŋ so nna nseŋ ya lar shishiri so! Ŋko esa ka ba laŋ to nɛ e ba wushi nseŋ ta mbe enɔ n deŋi egbal so nɛ kuwɔ e duŋ mo.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.