Jɛremaya 48:37 - EBƆRƐ BE KAWƆL

³⁷ Benyɛn na kikɛ daŋ she bumo be amu nɛ ntɔl nna nɛ basa na kikɛ ta asɔ ŋ kpɛa ŋ kpɛa bumo be enɔana nseŋ ta nli be asɔbuuso m buu.

Jɛremaya 48:37 Iomraidhean Croise

Jɛnesis 37:29

Ruben ka laŋɛ m ba ketirbu na ase m ba wu fanɛ Josɛf maŋ naa wɔtɔ nɛ e kpɛa mbe asɔbuuso to ŋkpal kagbenejijaso

Jɛnesis 37:34

Ndoŋ nna nɛ e kpɛa mbe asɔbuuso to nseŋ ta kusɔbuuso ko nɛ kumo be kapɔr du sesaga fanɛ bɔtɛ m buu n ta nchɛ damta n shu mbe kebia na be keeli ga.

1 Bewura 18:28

Amoso agbirwuraana na daa kule awɔrso nna nseŋ ta nsaŋɛbi nɛ etokobi a ku bumo be eyurana daŋkare be ekpa so nɛ ŋklaŋ bee lar.

1 Bewura 21:27

Anebi Elaija ka malga n loge nɛ ewura Ahab kpɛa mbe epiŋi to nseŋ lara amo n ta kagbenejijaso be piŋi a buu kapa nɛ kanya a ŋini fanɛ mbe kagbene jija ga. E daŋ kini ajibi gba nna nseŋ gbir kenishito.

2 Bewura 6:30

Ewura na ka nu baru ere nɛ e kpɛa mbe asɔbuuso to kagbenejijaso nɛ basa nɛ b wɔ egbal na be kaseto na wu e ka buu kagbenejijaso be asɔbuuso mbe epiŋi nɛ e buu na be kaseto.

1 Kronikɛls 19:4

Ndoŋ nna nɛ Hanuun shin nɛ b pɛ Deevid be mbɔ na n she bumo be ntɔl nseŋ ku bumo be epiŋi be aya ase n ya fo bumo be nshɛr to nseŋ yige bumo nɛ b choŋ.

Aizaaya 20:2

Nfɛ asa pɔɛŋ nɛ loŋ wora na, Enyɛnpe Ebɔrɛ na daŋ kaŋɛ Aizaaya nɛ e la Amɔz pibinyɛn na nna fanɛ e gbaŋ mbe asɛbta nɛ keeli be kusɔbuuso nɛ e daŋ buu na n nase. Ndoŋ nna nɛ e wora kasonu nseŋ gbaŋ amo kikɛ n nase nseŋ delge so a nite aya fuloŋ.

Aizaaya 3:24

Beche na beeŋ baa ka dufɛ nyaŋnyaŋ ŋkpal b ka maaŋ naa gbiti etulale eyurana so so. B maaŋ naa nya a mɛa to a kre so. Baaŋ baa yige bumo be epiŋi nna nɛ a baa sha bumo so kanaŋkama loŋ. Bumo alɛ beeŋ she kɔlikɔli nseŋ buu asɔ farbi, nɛ bumo be kebita e terge nɛ anishinyɔr e pɛ bumo.

Aizaaya 37:1

Ewura Hɛzekaya ka nu kubɔya nɛ Asiriya be benapo be ejuŋkparpo kaŋɛ na, nɛ mbe kagbene jija mo ga nɛ e kpɛa mbe asɔbuuso to nseŋ ta keeli be asɔbuuso m buu n yɔ Enyɛnpe Ebɔrɛ na be bɔrɛlambu to.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 41:5

benyɛn aduburwa ko daŋ shi nde nɛ baa tre Shɛkɛm nɛ Shilo nɛ Samɛria na nna m ba. B daa kɔ ayu nɛ eduwu be ŋkɛ nna a yɔ nɛ b ya sa Enyɛnpe Ebɔrɛ na bɔrɛlambu na to ashi Jerusalɛm. Bumo alɛ daŋ she bumo be ntɔl nna nseŋ kpɛa bumo be asɔbuuso to nseŋ naŋ ku ŋ ku bumo be eyurana, ŋkpal b ka daa shu keeli so.

Jɛremaya 47:5

Kebɔltofinfin damta tɔr basa nɛ b wɔ Gaaza na so, nɛ kɔnɔ mɔ basa nɛ b wɔ Ashkɛlɔn na, nɛ b wora shruum. Nchɛ afanɛ nɛ basa nɛ b wɔ Filisti be mboŋ nɛ a ka na beeŋ chena a wora fanɛ b ka bee shu keeli na?

Jɛremaya 49:3

Menyi basa nɛ men wɔ Hɛshbɔn be kade to na beeŋ shu awɔrso. Kade nɛ baa tre Ai na beeŋ mur! Rabba be beche, menyeeŋ ta nli be asɔbuuso m buu a shu keeli! Ekama beeŋ wulto a shile a kulti kaplɛkama. Baaŋ ta menyi be kegbir, Mɔlɛk nseŋ pɛ agbirwuraana nɛ kegbir ase be benimuana na tintiŋ so n yɔ efuli pɔtɛ wɔfɔ so.

Ezikɛl 27:31

Bumo alɛ beeŋ she bumo be amu ŋkpal fo so, nseŋ buu kagbenejijaso be asɔbuuso a ŋini bumo be kagbenejija. Baaŋ ta kagbenejija damta n shu ga ŋkpal fo so

Ezikɛl 29:18

“Dimɛdi pibi, Babilɔn be ewurgboŋ Nebukadneeza daŋ kre n ya kɔ Tayɛ be basa kena. Mo alɛ daŋ sulɔ mbe benapo esulɔ gbɛgbɛso nna hale nɛ bumo be amu kpra nɛ bumo be abatimu pɛge, ama ewura na nɛ mbe benapo kikɛ maŋ nya bumo be kegben be tɔnɔ ashi kena na to.

Ezikɛl 7:18

Baaŋ ta ebɔtɛ ŋ ki asɔbuuso m buu a ŋini fanɛ bumo be ŋgbene jija bumo nna, nɛ kufugboŋ e tɔr bumo so. Anishinyɔr beeŋ pɛ bumo nseŋ shin nɛ ekama e she mbe kumu nɛ k baa la ŋaba n sa mo.

Levitikɔs 19:28

Men sa maa wora ndulgi men be eyur so ŋko a ku nchule men be eyur so ŋkpal bubuni so. Ma e la Enyɛnpe Ebɔrɛ na.

Eemɔs 8:10

Meeŋ shin nɛ men be kejigboŋana e ki nli be kebaa shu nɛ menyi be kagbenefuli malɛ be nshɛ e ki kagbenejijaso be kushu. Meeŋ shin nɛ men she men be emin nseŋ buu kagbenejijaso be asɔbuuso a du fanɛ esa nɛ mbe kebia koŋwule nɛ e kɔ wu ŋ ka mo na. Loŋ be kachɛ na beeŋ baa la kachɛ lubi ga.

Maika 1:16

Judaebi, men she men be amu ŋkpal kagbenejija nɛ k beeŋ tu menyi ŋkpal men be mbia shasoana so. Men she men be amu kɔlikɔli fanɛ ejita be amu na ŋkpal manɛ so, baaŋ pɛ men be mbia shaso ŋ ki anya n yɔ efuli pɔtɛ wɔfɔ so.

Maak 5:5

E daa nite a kilgi to nchaŋana na nɛ abeebi na so nna a boŋ to a ta ajembu a ku mbe kumu kapa nɛ kanyɛ.

Kelaraŋŋini 11:3

Ma alɛ beeŋ sa ma shɛdajipoana anyɔ eleŋ nɛ b wu abɔrɛsheŋ ŋ kaŋɛ amo be nchɛ kagboŋ nɛ alfa anyɔ nɛ adeshe na kikɛ to, amo be saŋɛ malɛ kikɛ to baaŋ buu kagbenejija be asɔbuuso.”