Jɛremaya 48:36 - EBƆRƐ BE KAWƆL

³⁶ “Mee shu ma kagbene to nna a sa Mowab nɛ Kir Hɛrɛs be basa, fanɛ kananɛ esa bee foŋ kalopi a boŋ keeli be kasha na, ŋkpal manɛ so, bumo ere be asɔ nɛ b kɔ kikɛ mur.

Jɛremaya 48:36 Iomraidhean Croise

2 Bewura 3:25

nseŋ jija bumo be ndegboŋana na kikɛ. B daŋ ti Mowabebi na be abuye kikɛ nna nseŋ kuya bumo be ndibi sɔrso kikɛ n lɛ, nseŋ muu ajembu n lɛ bumo be nsawule lela so nɛ ajembu sɔ amo kikɛ so n jija amo. Bumo be kadegboŋ nɛ baa tre Kir Herɛs na nawule e daŋ ka, nɛ basa nɛ b kɔ atababu a kɔ kena ta bumo be atababu n ya kulti kumo n wɔtɔ ŋ kɔ kumo kena.

Aŋasa 11:4

Kedamaya maaŋ ba kɔ tɔnɔ n sa fo gbagba fo kaluwuachɛ, ama kashenteŋji bre beeŋ tiŋ m mɔlga fo ŋkpa.

Aŋasa 13:22

Basa lela bee yige kapetɛ nna a yili bumo be kaman to ebi, ama belubiworapo bre bee fin asɔ nna a yili basa nɛ baa wora asheŋ niŋiso.

Aŋasa 18:11

Damawuraana bee fɛ nna fanɛ bumo be amansherbi e naa kuŋ bumo fanɛ kananɛ baa pɔr egbal a kulti kade a kuŋ kumo na.

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 15:7

Basa na daa wora ania nɛ b tiŋ n ta bumo be asɔ ŋ ŋana n dii ketaŋɛ na nna.

Aizaaya 16:11

Ebesa bee ji ma nna ashi ma kagbene to nɛ mee shu a sa Mowab nɛ Kir Hɛrɛs.

Aizaaya 63:15

Enyɛnpe Ebɔrɛ, jande chena fo kuwurputigboŋ na so ashi fo kakpa cheembi nɛ k kɔ kemaŋkura na ŋ keni kusɔ nɛ k bee wora anyi. Fo shɛŋ maŋ naa wɔ anyi to nna a? Nnɛ nɛ fo eleŋgboŋ na wɔ? Ŋini anyi fanɛ anyi be asheŋ tir fo nseŋ wu anyi kuwɔr!

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Jɛremaya 4:19

Ebesa nɛ k wɔ ma to na shi ga! M maaŋ tiŋ ŋ keta kumo! Ma kagbene bee ku ma alegaiso nna! Ma alɛ maaŋ tiŋ n lo ma kɔnɔ to. Ŋkpal manɛ so, mee nu mbel ka bee shu nseŋ naa nu kena be awɔr nna.

Jɛremaya 48:31

Amoso meeŋ shu anishichubi n sa ekama nɛ e wɔ Mowab be efuli so nɛ basa nɛ b wɔ kade nɛ baa tre Kir Hɛrɛs to na.