Jɛremaya 48:3 - EBƆRƐ BE KAWƆL

³ Basa nɛ b wɔ Horoneem na beeŋ shu n fin kechɛto jemanɛ nɛ bedoŋ beeŋ kɔ bumo be kade m mur kumo na.

Jɛremaya 48:3 Iomraidhean Croise

Aizaaya 15:2

Ndoŋ nna nɛ basa nɛ b wɔ kade nɛ baa tre Dibɔn na dii n yɔ kegbir ase ashi kebee so n ya shu ndoŋ. Mowab be basa daŋ shu kagbenejijaso nna ŋkpal ndegboŋ nɛ baa tre Nɛbo nɛ Mɛdiba na so. B daŋ she bumo be amu nɛ ntɔl kagbenejijaso gba nna.

Aizaaya 15:5

Mee shu ma kagbene to nna a sa Mowabebi na ŋkpal b kaa shile a yɔ nde nɛ baa tre Zowa nɛ Ɛglaf Shelishiya na so. Bumo be beko dii m bɔla ekpa nɛ k bee yɔ kade nɛ baa tre Luhif na nna a shu a yɔ, nɛ beko malɛ ŋana n ta kagbenejija a shu awɔrso a shile a yɔ kade nɛ baa tre Hɔronaim na.

Aizaaya 15:8

Kagbenejija so be kushu baaŋ sɔ Mowab be kasawule kikɛ so nna nɛ esa beeŋ tiŋ n nu bumo be kushu ashi nde nɛ baa tre Eglaim nɛ Beerilim na to.

Aizaaya 22:4

Men yige ma nɛ n shu ga ŋkpal ma basa nɛ b wu na so. Men sa maŋ wora ania fanɛ menyeeŋ lɔlɔ ma.

Jɛremaya 20:16

Ebɔrɛ e shin nɛ amodoŋwura e ki fanɛ ndegboŋ nɛ Enyɛnpe Ebɔrɛ daa maŋ wu kuwɔr nseŋ mur amo na. Ebɔrɛ e shin nɛ e baa nu kushu be asheŋ kachipurso kikɛ nsaa nu kena be asheŋ kapaso kikɛ.

Jɛremaya 47:2

E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 48:34

Basa nɛ b wɔ nde nɛ baa tre Ɛleale nɛ Jahaz na bee nu basa nɛ b wɔ kade nɛ baa tre Hɛshbɔn na be kushu nna. Nɛ bumo nɛ b wɔ Horoneem nɛ Eglaf Shelishima be ndeana to bee nu Zowaebi be kushu. Ŋkpal manɛ so, kabombi nɛ baa tre Nimrim na gba wɔlto nna.

Jɛremaya 48:4

Mowab be efuli na beeŋ mur! Kumo be mbia beeŋ shu;

Jɛremaya 48:5

baaŋ shu anishichubi m bɔla ekpa a yɔ kade nɛ baa tre Luhif nɛ k wɔ Horoneem be ekpa to na. Baaŋ baa kute ejɛrbi nɛ b ji na be asheŋ.

Jɛremaya 51:54

Enyɛnpe Ebɔrɛ na yɛ: Men nu kushu nɛ k shi Babilɔn be kadegboŋ to a ba ere! K la kemur gboŋgboŋi nɛ k ba Babilɔn be kasawule be kaplɛkama so be basa be kushu nna.