Jɛremaya 48:27 - EBƆRƐ BE KAWƆL

²⁷ Mowab be basa, men baa nyiŋi kananɛ men daŋ wora Israɛl be basa eyurto. Men daŋ wora bumo nna fanɛ b ka la beyu nɛ besugepo na.

Jɛremaya 48:27 Iomraidhean Croise

Job be kawɔl 16:4

Nɛ fanɛ fo e daa wɔ kebaawɔtɔ nɛ n wɔ kumo to ere, nɛ ma alɛ wɔ kumo nɛ fo wɔtɔ to ere, ma alɛ gba daa beeŋ tiŋ a malga kananɛ fee malga ere. N daa beeŋ tiŋ n nya kusɔ ko m malga ŋ gbiti fo nseŋ keni fo n fifi kumu fanɛ kananɛ fee wora ere.

Nshɛ 44:13

Fo shin nɛ an ki basa fuloŋ ashi an braana be anishito nna. Nseŋ shin nɛ anyi be bechenashapo bee wora anyi amɔmɔshiasheŋ nsaa keni anyi jiga.

Nshɛ 64:8

Bumo gbagba be mmalga beeŋ kilgi n ji bumo, nɛ kufu e pɛ bekama nɛ b wu bumo, nɛ b fifi amu n chicha.

Nshɛ 79:4

Efuliana nɛ a kulti anyi na be basa bee mushe nsaa wora anyi eyurto nna.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 1:7

Jerusalɛm be basa bee nyiŋi dra na be kebaawɔtɔ lela nɛ b daa kɔ be asheŋ. Jemanɛ nɛ bumo doŋana ba kɔ m pɔɔ bumo so na, esa kikɛ daa maŋ chɛ bumo to. Ŋkpal b ka kɔ n tɔr so, bumo doŋana daŋ mushe nseŋ wora bumo eyur to nna.

Ezikɛl 25:8

Kesheŋ ere be kaman nɛ Enyɛnpetale Ebɔrɛ na naŋ kaŋɛ le: “Mowab be efuli so be basa nɛ Edɔm be efuli so be basa daŋ kaŋɛ fanɛ Juda be efuli so gba baa du fanɛ efuli kama nna.

Ezikɛl 35:15

fanɛ kananɛ men ji eyur jemanɛ nɛ ma basa Israɛlebi na daŋ mur na. Edɔm be efuli nɛ kumo be nsawule kikɛ beeŋ mur cheche, a maaŋ naa la shɛŋ. Kumo be kaman nɛ ekama e pin fanɛ ma e la Enyɛnpe Ebɔrɛ na.”

Ezikɛl 36:2

Enyɛnpetale Ebɔrɛ na kɔ n sa amo. Israɛl mo doŋana daŋ malga mmalga jiga ŋ kaŋɛ fanɛ, Naniere abee dra na ki bumo peya nna!

Ezikɛl 36:4

Amoso naniere kusɔ nɛ ma Enyɛnpetale Ebɔrɛ na bee kaŋɛ menyi abeegboŋ nɛ abeebi nɛ eboŋana nɛ ataŋɛ nɛ mboŋ nɛ a bure a dese nɛ ndegboŋ nɛ basa shile amo to nɛ efuliana nɛ a kulti menyi na ba muu amo to be asɔ n yɔ nseŋ wora menyi eyurto na kikɛ nde.

Zefanaiya 2:10

Kusɔ nɛ k beeŋ ba Mowab nɛ Ammɔn be basa so ŋkpal bumo be kamoowu nɛ kebaatege nsaa wora Enyɛnpetale Ebɔrɛ na be basa eyurto so nna na.

Zefanaiya 2:8

Kumo be kaman nɛ Enyɛnpetale Ebɔrɛ na kaŋɛ le: “N nu Mowab nɛ Ammɔn be basa ka bee tege nsaa wora ma basa eyurto a ji njɔŋ fanɛ baaŋ sɔ bumo be kasawule.

Matiu 26:55

Jemanɛ na so nɛ Yesu bishi jimaŋ na le: “Men ta etokobi nɛ mprɛ nna m ba nɛ men ba pɛ ma fanɛ eyu a? Ma nɛ menyi e daa la bɔrɛlambu na to kachɛ kama nɛ mee ŋini abɔrɛsheŋ na, ama men maŋ pɛ ma.

Matiu 27:38

B daŋ gbir beyu anyɔ ko gba m mata ndibi largatoana so n ti mo so, ekoŋwule daa wɔ mbe jisoso nna nɛ ekoŋwule malɛ daa wɔ mbe bena so.

Matiu 7:2

Ŋkpal manɛ so, ekpa kama so nɛ menyee bɔla a wu abar be alubi na gbagba so nɛ Ebɔrɛ gba beeŋ bɔla n wu menyi be alubi nseŋ ber asɔ kanaŋkamaso nɛ menyee ber amo a sa men braana na gbagba chap n sa menyi.