Jɛremaya 48:21 - EBƆRƐ BE KAWƆL

^21-24 Meeŋ gberge basa nɛ b wɔ Mowab be efuli so be ndeana to, fɔŋfɔŋ Holon nɛ Jaaza nɛ Mefaaf nɛ Dibɔn nɛ Nebo nɛ Bɛf Diblateem nɛ Kiriataim nɛ Bɛf Gamul nɛ Bɛf Mɛɔn nɛ Keriɔf nɛ Bozra kusoe.

Jɛremaya 48:21 Iomraidhean Croise

Aizaaya 15:4

Basa nɛ b wɔ nde nɛ baa tre Hɛshbɔn nɛ Ɛliale na daa shu awɔrso nna, nɛ esa wɔ kakpa wɔfɔ fanɛ Jahaz gba e daa nu bumo be kushu na. Bumo be esoji gba be kenyɛn kikɛ daŋ lar bumo to nna nɛ baa chicha kufuso.

Jɛremaya 48:34

Basa nɛ b wɔ nde nɛ baa tre Ɛleale nɛ Jahaz na bee nu basa nɛ b wɔ kade nɛ baa tre Hɛshbɔn na be kushu nna. Nɛ bumo nɛ b wɔ Horoneem nɛ Eglaf Shelishima be ndeana to bee nu Zowaebi be kushu. Ŋkpal manɛ so, kabombi nɛ baa tre Nimrim na gba wɔlto nna.

Jɛremaya 48:8

Menyi be ndeana na be kukoŋwule gba maaŋ lar kemur na to. Menyi be apreŋsawule nɛ ataŋɛ kikɛ gba beeŋ mur. Ma, Enyɛnpe Ebɔrɛ e kaŋɛ na.

Ezikɛl 25:9

Amoso meeŋ shin nɛ kena e ba ndegboŋ nɛ a bee kuŋ Mowab be efuli be egbaŋ na nɛ ndegboŋ lela fanɛ Bɛf Jeshimɔf nɛ Baal Mɛɔn nɛ Kiriyateem gba na so.

Zefanaiya 2:9

Ŋ ka baa la Enyɛnpe Ebɔrɛ nɛ e bee sa ŋkpa nsaa la Israɛl be Ebɔrɛ ere, m bɔ ntaŋ fanɛ Mowab nɛ Ammɔn be basa beeŋ mur fanɛ ndegboŋ nɛ baa tre Sodɔm nɛ Gomɔra na. Mowab nɛ Ammɔn be nsawule beeŋ ki kakpa nɛ basa beeŋ baa kur nfɔl nɛ afitiri e sɔ ndoŋ kikɛ. Ma basa nɛ baaŋ ji efute na beeŋ suge bumo be kasawule nɛ asɔ kikɛ eleŋso.”

Nɔmbɛs 21:23

Ama Sihɔn daa maŋ shuli fanɛ Israɛlebi na e bɔla mbe kasawule so n choŋ. E daŋ chala mbe benapo kikɛ nna n yɔ kade nɛ baa tre Jahaaz nɛ k wɔ keshishɛrsawule so na n ya kɔ Israɛlebi na kena.

Nɔmbɛs 32:38

nɛ Sibma nɛ nde nɛ b daa tre Nebo nɛ Baal Miɔn na. B daŋ nase nde nɛ b pɔr egbal ŋ kulti na atre popɔr nna.

Joshuwa 13:17

n ta Hishbɔn nɛ nde nɛ a wɔ kepreŋ so nɛ baa tre amo Dibɔn nɛ Bamɔf Baal nɛ Bɛf Baalmiɔn,

Joshuwa 13:18

nɛ Jehaaz, nɛ Kedemɔf, nɛ Mɛfaaf,