Jɛremaya 48:15 - EBƆRƐ BE KAWƆL

¹⁵ Ama ma e la Enyɛnpe Ebɔrɛ; Ewura nɛ e kɔ eleŋ ga na. Mee nase kɔnɔ nna fanɛ bedoŋ beeŋ ba kɔ kena m pɔ menyi be ndeana so. Menyi be benapo lempo gba beeŋ wu kena na to.

Jɛremaya 48:15 Iomraidhean Croise

Nshɛ 47:2

Enyɛnpetale Ebɔrɛ na be asheŋ woraso kɔ mamachi nɛ kufu nna. Mo e la ewurgboŋ, a ji durnya kikɛ so kuwura.

Jɛremaya 46:18

Ma, Enyɛnpe Ebɔrɛ na e la ewura. Ma e la Ebɔrɛ nɛ e bee sa ŋkpa na. Kananɛ Tabɔɔ be kebee baa du jeŋgreŋ a chɔ abeeana, nɛ Kaamɛl be kebee malɛ dii awɔlto a chɔ teku na, aloŋ nɛ edoŋ nɛ e beeŋ ba kɔ fo na be eleŋ beeŋ baa chɔ feya.

Jɛremaya 48:4

Mowab be efuli na beeŋ mur! Kumo be mbia beeŋ shu;

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Jɛremaya 50:34

Ama esa nɛ e beeŋ sɔ bumo n yige na kɔ eleŋ. Mbe ketre e la Enyɛnpetale Ebɔrɛ na. Mo gbagba e naaŋ sɔ bumo be kɔnɔ so n shin nɛ kayurwushi e ba bumo be kasawule so nseŋ bar etɔrɔ Babilɔn be basa so.”

Jɛremaya 51:40

Meeŋ gberge bumo n yɔ luwu to, fanɛ kananɛ baa gberge mbolpɔ ŋko mbolpɔfɔlbi nɛ mboe n ya kaa mɔ na.

Jɛremaya 51:57

Ma, Enyɛnpetale Ebɔrɛ nɛ n la Ewura kashenteŋto na, bee nase kɔnɔ fanɛ meeŋ shin nɛ Babilɔn be benimuana nɛ benyiashempo nɛ bejuŋkparpo nɛ benapo kikɛ e boo, nseŋ dese n di a maaŋ naaŋ tiŋ ŋ koso kikɛ.

Danɛl 4:37

Amoso ma Nebukadneeza bee di ewura nɛ e wɔ esoso na epaŋ nsaa maŋkura mo, a bunyaŋ mo naniere. Kusɔ kama nɛ e wora walɛ nna nsaa kɔ kashenteŋ. Mo alɛ beeŋ tiŋ m bar esa kama nɛ e bee maŋ mbe kumu so kaseto.”

Eemɔs 4:10

Kulɔ lubi nɛ k bee mɔ nɛ n daŋ shin nɛ k ba Ijipt be efuli so ebi so dra dra na gbagba nɛ n shin nɛ k ba menyi alɛ gba so. Ma e mɔ men be mbifɔlbi kena to n shin nɛ b pɛ bumo be egbaŋɛ n choŋ, nɛ bubuni be efɛa sɔ menyi be echenakpa a dufɛ pumpuŋ a mɔ menyi. Ama amo nɛ amo kikɛ, men kraŋ kini kebɛ ma so.

Zakareya 14:9

Loŋ be jemanɛ na, Enyɛnpe Ebɔrɛ na e naaŋ baa ji durnya kikɛ so kuwura. Mo nawule be ketre nɛ ekama beeŋ baa nyi nsaa bunyaŋ mo nawule fanɛ Ebɔrɛ.

Malakai 1:14

Kɔnɔsho e baa wɔ ekama nɛ e bee puni nsaa ta asɔbɔya nɛ a maŋ daga m ba kaa lara sarga a sa ma, saŋɛ so nɛ e nase kɔnɔ fanɛ e beeŋ ta kusɔbɔya lela nɛ k wɔ mbe asɔbɔya to m ba lara sarga n sa ma na so. Ŋkpal manɛ so ma e la Enyɛnpetale Ewurgboŋ, nɛ efuli kama so ebi bee ŋana ma.”

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.

Kelaraŋŋini 19:16

Ketre mo nɛ k daa deŋ mbe piŋi nɛ mbe kebembi so e la: “BEWURA TO BE EWURA NƐ BENYƐNPE TO BE ENYƐNPE.”