Jɛremaya 48:13 - EBƆRƐ BE KAWƆL

¹³ Saŋɛ na so Mowabebi na maaŋ naŋ yirda bumo be kegbir nɛ baa tre Chemɔsh na, fanɛ kananɛ Israɛlebi na maŋ naŋ yirda kade nɛ baa tre Bɛtɛl nɛ b daŋ ta yirda n wɔtɔ kumo to jemanɛ ko na.

Jɛremaya 48:13 Iomraidhean Croise

1 Bewura 11:33

Meeŋ wora loŋ nna, ŋkpal manɛ so Sɔlɔmɔn kini ma nsaa shuŋ Sidɔn be kade be kegbir nɛ baa tre Astat na nɛ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk na. Sɔlɔmɔn kini kenu n sa ma, nseŋ kini ma mbra be kebɛso nɛ kebaawora asheŋ niŋiso fanɛ kananɛ mo tuto ewura Deevid daa wora na.

1 Bewura 11:7

Ewura Sɔlɔmɔn daŋ pɔr agbirlambu ashi Jerusalɛm be kebee na be epeŋitɔrkpa be kaba so nna nɛ baa shuŋ Mowab be efuli so be kegbir nɛ baa tre Chemɔsh na nɛ Ammɔn be efuli so be kegbir nɛ baa tre Mɔlɛk nɛ Ebɔrɛ kishi ga na.

1 Bewura 18:40

Nɛ Elaija ponte ŋ kaŋɛ le: “Men pɛ Baal be agbirwuraana na. Men sa maŋ shin nɛ bumo be ekama e shile!” Nɛ basa na pɛ bumo kikɛ n yɔ Kishɔn be lɔr na to nɛ anebi Elaija shin nɛ b mɔ bumo kikɛ ndoŋ.

2 Kronikɛls 25:15

Ndoŋ nna nɛ Enyɛnpe Ebɔrɛ nya agbo ga ŋkpal le be asheŋ ere so nseŋ shuŋi anebi ewura Amaziya kutɔ n ya bishi mo le: “Manɛ nna nɛ fee shuŋ efuli pɔtɛana so be agbir nɛ a maŋ tiŋ m mɔlga amo gbagba be basa ashi fo enɔ to ere?”

Aizaaya 16:12

Mowab be basa bee gben jiga nna a yɔ bumo be agbir to ashi abee so nɛ agbirlambuana to n ya ka shuŋ amo. Tɔnɔ kikɛ maaŋ lar kumo to.

Aizaaya 2:20

Kamɔnchɛ na kaŋ fo, ekama beeŋ ta mbe shuwa nɛ gbiti be agbirana nɛ e lɔŋɛ a shuŋ na n lɛ eshiboe nɛ ekɔŋkɔŋ.

Aizaaya 45:16

Bekama nɛ baa lɔŋɛ agbirana beeŋ ji anishinyɔr nseŋ ŋaba.

Aizaaya 45:20

Ade be kaman nɛ Enyɛnpe Ebɔrɛ na naŋ kaŋɛ le: “Menyi kama nɛ men ji efute ashi efuli pɔtɛana so, e gama abar so m ba ma anishi to nɛ n ji menyi demu! Men koya m pin fanɛ keshuŋ agbir nɛ b ta ndibi n lɔŋɛ maŋ kɔ tɔnɔ, nɛ kebaato nchu agbir ase maŋ kɔ kechɛto kikɛ kuraa.

Jɛremaya 48:12

Amoso saŋko bee ba nɛ n shuŋi basa ko nɛ b ba ju Mowabebi na n lar fanɛ b ka chulgi yabra na. Baaŋ ju Mowabebi na n lar fanɛ b ka chulgi yabra mpuya to n lɛ nseŋ bure amo cheche na.

Jɛremaya 48:39

Mowab be efuli bure cheche a dese nɛ kumo be basa ji anishinyɔr nɛ efuliana nɛ a kulti kumo na be basa kikɛ wu kumo nɛ k chinchiŋ bumo nɛ b wora bumo eyurto. Ma, Enyɛnpe Ebɔrɛ e kaŋɛ na.”

Jɛremaya 48:46

Asheŋ maaŋ nyalɛ n sa menyi, Mowab be basa! Men shuŋ menyi be kegbir Chemɔsh na, ama naniere menyi e mur nɛ b pɛ menyi be mbia malɛ katinso n yɔ efuli pɔtɛ wɔfɔ so na.

Jɛremaya 48:7

Mowabebi, men ta menyi be yirda nna n wɔtɔ menyi be eleŋ nɛ kedamaya to, ama naniere bedoŋ beeŋ kɔ m pɔɔ menyi so nseŋ yɛr menyi be kegbir nɛ baa tre Chemɔsh na nɛ kumo be agbirwuraana nɛ benimuana na efuli pɔtɛ wɔfɔ so.

Demujipoana 11:24

Menyi ere maaŋ sɔ kusɔ kama nɛ menyi be kegbir, Chemɔsh sa menyi a? To, kusɔ kama nɛ an Nyɛnpe, Israɛl be Ebɔrɛ na sa anyi, anyi alɛ gba beeŋ sɔ kumo.