Jɛremaya 48:11 - EBƆRƐ BE KAWƆL

¹¹ Ade be kaman nɛ Enyɛnpe Ebɔrɛ naŋ kaŋɛ: “Mowab be basa wɔtɔ nna nɛ shɛŋ maa tɔrɔ bumo. Bumo alɛ maŋ naŋ yɔ kenyaya to ashi efuli pɔtɛ wɔfɔ so kikɛ. Mowabebi na du fanɛ yabra nɛ a yil nɛ b maa baga amo to ŋko a chulgi amo a wɔtɔ a wɔtɔ mpuya to nna. Amo be efɛ maa chɛrga, amo be ebel malɛ baa du kananɛ a du nna.

Jɛremaya 48:11 Iomraidhean Croise

Nshɛ 123:4

Kamoowuwuraana wora anyi eyurto, nseŋ fɛl anyi n chɛr nɛ an wora ania n ji kumo be kanyiti.

Nshɛ 55:19

Ebɔrɛ nɛ e bee ji kuwura saŋkama mbaanaayɔ na beeŋ nu ma kushu. E beeŋ shin nɛ m pɔɔ bedoŋ so ŋkpal manɛ so, b maa bunyaŋ mo.

Aŋasa 1:32

Ewulpo be kawuli e naa bar mo luwu, nɛ kekini kenyi be kekoya malɛ bee yɛr esa kemur to.

Aizaaya 16:6

Ndoŋ nna nɛ Juda be basa na kaŋɛ: “An nu fanɛ Mowab be basa bee wu bumo be amu nna. An nyi fanɛ b la basa nɛ b kpeŋ nsaa keni basa jiga nna, ama mpuchi fuloŋ nɛ b kɔ.”

Aizaaya 24:3

Durnya na beeŋ jija nseŋ mur kuraa. Enyɛnpe Ebɔrɛ na e kaŋɛ; kumo alɛ beeŋ wora loŋ.

Aizaaya 25:6

Enyɛnpetale Ebɔrɛ na beeŋ bela ajibi lela nɛ asɔ nuuso belbelso be kejigboŋ ase n sa durnya to be efuliana kikɛ so ebi ashi kebee nɛ baa tre Zayɔn na so ashi Jerusalɛm.

Jɛremaya 22:21

Jemanɛ nɛ asheŋ daa nite nɛnɛ a sa menyi na, Enyɛnpe Ebɔrɛ daŋ kpele menyi kusoe, ama men kini kenu n sa mo. Ma nɛ menyi ka fara m pin abar dra dra na kikɛ, menyi maŋ naŋ wora kusɔ Enyɛnpe Ebɔrɛ kaŋɛ menyi kikɛ.

Jɛremaya 48:12

Amoso saŋko bee ba nɛ n shuŋi basa ko nɛ b ba ju Mowabebi na n lar fanɛ b ka chulgi yabra na. Baaŋ ju Mowabebi na n lar fanɛ b ka chulgi yabra mpuya to n lɛ nseŋ bure amo cheche na.

Jɛremaya 48:29

N nyi kananɛ Mowab be basa bee wu bumo be amu nseŋ kpeŋ nsaa ŋini to fanɛ bumo ere e baa la basa a chɔ bekama.

Jɛremaya 51:34

Ndoŋ nna nɛ Jerusalɛm be basa kaŋɛ le: “Babilɔn be ewura Nebukadneeza shin nɛ kufugboŋ tɔr anyi so. E suge anyi be kadegboŋ na to be asɔ lela kikɛ ŋ ki mo peya fanɛ kuwɔ ka min kusɔ na. Asɔ nɛ e bee sha nɛ e suge n ta, nseŋ ta amo nɛ a ka na n lɛ.

Nahum 2:10

Ninɛve bure nɛ kumo to be basa shile n lar kumo to; nɛ ki kade bureso a dese fuloŋ, nɛ shɛŋ maŋ naa wɔ kumo to! Nɛ kufugboŋ tɔr basa so nɛ baa chicha. Bumo be eleŋ kikɛ loge; nɛ bumo be anishiakpa ki foleebi.

Nahum 2:2

Enyɛnpe Ebɔrɛ naa sha kelaŋɛ Israɛlebi be kemaŋkura nɛ b daa kɔ pɔɛŋ nɛ bumo doŋana ba kɔ n suge bumo be asɔ na n sa bumo.

Zefanaiya 1:12

Kumo be jemanɛ so, meeŋ chɔɔ fitila so n nite ŋ keni Jerusalɛm to n fin bekama nɛ asheŋ maŋ tir bumo nɛ baa kaŋɛ fanɛ Enyɛnpe Ebɔrɛ na maaŋ wora kulubi ŋko kelela na, nseŋ gberge bumo kusoe.

Zakareya 1:15

ama n nya agbo nna n wɔtɔ efuliana nɛ a wɔ kayurwushi to na ŋkpal manɛ so, n daŋ nya agbo gbrɛbi nna n wɔtɔ ma basa, nɛ loŋ be efuliana shin nɛ ma basa be awurfoŋ wora keshi n ti so.