Jɛremaya 48:10 - EBƆRƐ BE KAWƆL

¹⁰ Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Jɛremaya 48:10 Iomraidhean Croise

1 Bewura 20:39

Ewura na ka bee choŋ nɛ anebi na boŋ to n tre mo nseŋ kaŋɛ mo le: “Yiramu! Kena nɛ anyee kɔ nɛ enapo ko keta edompo ko ka shile kena m ba ŋ kutɔ m ba kaŋɛ le: ‘Baa keni kanyɛn ere so, nɛ fo baŋ yige nɛ e shile, feeŋ paŋ fo ŋkpa, ŋko ŋ ka gbiti be ndarbi ŋgboŋ asa.

1 Bewura 20:40

Ama ŋkpal ma kenishi ka daŋ pere ashuŋana ko so so, nɛ kanyɛn na daŋ nya ekpa n shile.’ ” Nɛ ewura Ahab na kaŋɛ le: “Fo ji fo gbagba be kumu demu nna na, feeŋ nya kumo be kasogberge.”

1 Bewura 20:42

Nɛ anebi na kaŋɛ ewura na fanɛ Enyɛnpe na yɛ: “Ŋkpal ŋ ka kaŋɛ fo fanɛ fo mɔ ewura Bɛnhadad nɛ fo shin nɛ e shile so, fo alɛ gba beeŋ paŋ fo ŋkpa nɛ fo benapo malɛ kikɛ e wu ŋkpal bumo alɛ gba ka shin nɛ mbe basa shile ŋ ŋana so.”

2 Bewura 13:19

Ewura na ka wora loŋ nɛ anebi Elaisha nya agbo n wɔtɔ mo nseŋ kaŋɛ: “A daŋ daga fo ka ŋmɛa kasawule na ale anu ŋko ale ashe nna. Loŋ nɛ fo daa beeŋ kɔ m pɔɔ Siriyaebi na so cheche ama naniere feeŋ kɔ m pɔɔ bumo so ale asa nawule nna.”

Jɛremaya 47:6

Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Jɛremaya 47:7

Ama nuso nɛ k beeŋ tiŋ n wushi, jemanɛ nɛ n sa kumo kushuŋ fanɛ k shuŋ? Ŋ kaŋɛ kumo kenishipereso fanɛ k kɔ Ashkɛlɔn nɛ basa nɛ b chena teku be ekarso na.”

Jɛremaya 50:25

N teŋ bugi n lara akɔsɔ nɛ mee nya agbo a ta ashuŋ na ashi kakpa nɛ mee yili amo na. Ŋkpal manɛ so, ma Enyɛnpetale Ebɔrɛ na kɔ kushuŋ ko nɛ n shuŋ ashi Babilɔn be efuli so.

Jɛremaya 50:27

Men mɔ bumo be benapo kikɛ. Babilɔn be basa wu asheŋ pasaa! Ŋkpal manɛ so, bumo be kasogberge be jemanɛ fo!”

Joshuwa 10:19

ama menyi ere e sa maŋ shir a wɔ ndoŋ. Men bɛ men doŋana na so a kɔ bumo, nɛ b sa maŋ nya ekpa m bɛta n yɔ bumo be nde nɛ b pɔr egbal ŋ kulti na to. Ŋkpal manɛ so Enyɛnpe menyi be Ebɔrɛ na shin nɛ men teŋ kɔ m pɔɔ so.

Demujipoana 5:23

Nɛ Enyɛnpe Ebɔrɛ be malaika kaŋɛ: “Sho kade nɛ baa tre Mɛrɔz kɔnɔ! Ŋkpal manɛ so, kumo be basa kini kechɛto ŋ kɔ Enyɛnpe Ebɔrɛ na mo doŋ kpakpasoana kena.”

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”

1 Samuɛl 15:9

Sɔɔl nɛ mbe benapo na daa maŋ mɔ Agag. B daa maŋ mɔ mbolpɔ lela nɛ bumo be bibi nɛ ana lela nɛ bumo be bibi ŋko n jija kusɔ kama nɛ k walɛ m par bumo na; kusɔ kama nɛ k daa maŋ kɔ tɔnɔ na nɛ b daŋ jija.