Jɛremaya 48:1 - EBƆRƐ BE KAWƆL

¹ Kusɔ nɛ Enyɛnpetale, Israɛl be Ebɔrɛ na kaŋɛ a laŋɛ efuli nɛ baa tre Mowab na be kaplɛa so nde: “Asheŋ maaŋ nyalɛ n sa kade nɛ baa tre Nebo na; ŋkpal manɛ so, k beeŋ mur cheche. Bedoŋ beeŋ kɔ n suge Kiriataim, kumo be mboŋ lempoana beeŋ bure n tɔr nɛ kumo be basa e ji anishinyɔr.

Jɛremaya 48:1 Iomraidhean Croise

Jɛnesis 14:5

Kafɛ kuduanasopo na to nɛ ewura Kedɔrlawomer nɛ bewura asa nɛ b daŋ ti mo so na nɛ bumo be benapo yɔ n ya kɔ m pɔɔ Refayebi nɛ b wɔ Ashterɔf Karnaya na nɛ Zuzebi ashi Ham nɛ Emiebi ashi Shaivaa Kiryatayim be kepreŋ so

Jɛnesis 19:37

Ndoŋ nna nɛ Lɔt pibi gboŋiso na kurge ebinyɛn nseŋ nase mbe ketre Mowab. Mo e ba ki Mowabebi bumo nananyɛn hale nɛ mbre.

2 Kronikɛls 20:10

Naniere Ammɔn nɛ Mowab nɛ Edɔm be basa ba nɛ b ba kɔ anyi kena. An nananyɛnana ka lar Ijipt be efuli so a ba na, fo daa maŋ shuli nɛ b kɔ n sɔ loŋ be nsawule na, ŋkpal loŋ so an nananyɛnana daŋ maŋ mur bumo.

Aizaaya 25:10

Enyɛnpe Ebɔrɛ na e naŋ kuŋ Zayɔn be kebee ere, ama e beeŋ chichi efuli nɛ baa tre Mowab na be basa so fanɛ ana ka chichi atuweklaŋ so n wɔtɔ depɔ to na.

Aizaaya 25:12

E beeŋ shin nɛ Mowabebi na be kumɔlga be kakpa lempoana be egbal jeŋgreŋana e bure n tɔr ŋ ki fanɛ eshishɛr.

Aizaaya 27:3

“Mee keni kudɔ na so nna nsaa wurge kumo so nchu jemanɛ kikɛ. Ma alɛ naa kuŋ kumo kapa nɛ kanyɛ nna nɛ esa kikɛ e sa maŋ tiŋ n tɔrɔ kumo.

Jɛremaya 27:3

Kumo be kaman nɛ Enyɛnpe Ebɔrɛ na naŋ kaŋɛ ma fanɛ n ta kubɔya m bɔla efuliana nɛ baa tre Edɔm nɛ Mowab nɛ Ammɔn nɛ ndegboŋ nɛ baa tre Tayɛ nɛ Sidɔn be katelamu yilipoana nɛ b ba Jerusalɛm to m ba wu ewura Zɛdikaya na so, nɛ b ta kumo n ya sa bumo be bewuraana.

Nɔmbɛs 24:17

N wu fanɛ kachako so, Ewura ko beeŋ lar Israɛl be efuli so a du fanɛ kechɛkpabi nɛ k fulto parr na. E beeŋ lar fanɛ kuwurkpabi ashi Israɛl. E beeŋ mur Mowabebi kikɛ, nseŋ mur Sɛt be kaman to ebi cheche.

Nɔmbɛs 32:3

“Enyɛnpe Ebɔrɛ chɛ anyi to nɛ an sɔ Atarɔf nɛ Dibɔn nɛ Jeeza nɛ Nimra nɛ Hishbɔn nɛ Eliale nɛ Sibma nɛ Neebo nɛ Bɛɔn be ndeana be nsawule nɛ a walɛ n sa asɔbɔya be kebela. Anyi alɛ kɔ asɔbɔya ga.

Joshuwa 13:19

nɛ Kiryatayim, nɛ Sibma, nɛ Zerɛf Shaha nɛ k wɔ kebee nɛ k wɔ ketaŋɛ to na.