Jɛremaya 47:7 - EBƆRƐ BE KAWƆL

⁷ Ama nuso nɛ k beeŋ tiŋ n wushi, jemanɛ nɛ n sa kumo kushuŋ fanɛ k shuŋ? Ŋ kaŋɛ kumo kenishipereso fanɛ k kɔ Ashkɛlɔn nɛ basa nɛ b chena teku be ekarso na.”

Jɛremaya 47:7 Iomraidhean Croise

Aizaaya 10:6

N shuŋi Asiriyaebi nna fanɛ b ya kɔ efuli nɛ b kini ma n shin nɛ n nya agbo na kena. Ma e shuŋi bumo fanɛ b ya suge, nseŋ fuu bumo be asɔ eleŋso nsaa chichi bumo be basa so fanɛ agbembi so be depɔ na.”

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 37:26

Menyi maŋ pin to fanɛ ma, Enyɛnpe Ebɔrɛ na e kre kumo loŋ dra na kikɛ nɛ naniere k wora m bɔlɔ so na. Ma e sa menyi eleŋ nɛ men tiŋ n shin nɛ ndegboŋ lempoana ki alambure na.

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 21:14

“Amoso, dimɛdi pibi, kpele bumo kusoe, nseŋ ber enɔbelaŋ ŋkpal ŋ ka kɔ m pɔɔ so so. Tokobi na beeŋ baa mɔ bena nɛ jiso kikɛ, nseŋ ta kufu m pɛ basa na. Kamɔ be tokobi e la kumo k la kamɔ damta be tokobi nna, bena nɛ jiso nɛ k bee mɔ.

Ezikɛl 21:30

Amoso men bɛta menyi be tokobi n wɔtɔ kumo be efar to. Ŋkpal manɛ so jemanɛ nɛ menyee gberge basa kusoe fo ekar. Meeŋ ji menyi demu kakpa nɛ b kurge menyi, ashi men nanaana be kasawule so na.

Ezikɛl 21:9

“Dimɛdi pibi, kaŋɛ Jerusalɛm be basa na fanɛ; N wora ma tokobi shiriya n loge, n yee kumo nɛ k bee kpa edɛ.

Ezikɛl 25:16

Amoso meeŋ gberge Filisti be basa na kusoe m mɔ bumo. Ma alɛ beeŋ mur bumo be bekama nɛ b ka a wɔ teku ase be nde to na.

Eemɔs 3:6

Fo daŋ nu b ka foŋ kena to be kabel kade to nɛ kufu maŋ pɛ basa a? Fo daŋ wu jɛrbi ka ba kade to nɛ Enyɛnpe Ebɔrɛ maŋ nyi kumo be asheŋ a?

Maika 6:9

Nu nfe! Enyɛnpe Ebɔrɛ na bee kela a shoŋi Jerusalɛm be kadegboŋ na to ebi. E yɛ: “Men baa de kuwurkpabi na, nɛ esa nɛ e kɔ kumo to a ba na so.

1 Samuɛl 15:3

Men ya kɔ Amalɛkebi na nseŋ jija bumo be kusɔ kama nɛ b kɔ kikɛ kuraa. Men sa maŋ kaŋ yige shɛŋ shɛŋ. Men mɔ bumo be benyɛn nɛ beche nɛ mbia nɛ mbi popɔrbi kikɛ. Men mɔ bumo be ana nɛ mbolpɔ nɛ enyɔma nɛ ekurma gba.”