Jɛremaya 47:6 - EBƆRƐ BE KAWƆL

⁶ Menyee shu a kaŋɛ le: ‘Enyɛnpe Ebɔrɛ be Tokobi! Saŋɛ mo nɛ feeŋ yige anyi be kemɔ? Bɛta n luri fo efar to n ya kaa wɔ kumo to a wushi!’

Jɛremaya 47:6 Iomraidhean Croise

2 Samuɛl 2:26

Nɛ Abna ponte awɔrso ŋ kaŋɛ Jɔab le: “K daga fanɛ an baa wɔtɔ a kɔ abar mbaanaayɔ a? Fo maŋ nyi fanɛ kumo be lalaloge anyi maaŋ nya shɛŋ, ama kenyaŋɛto n wɔtɔ abar a? An la menyi be efuli so ebi nna, saŋɛ mo nɛ feeŋ kaŋɛ fo basa nɛ b yige kebaakɔ anyi?”

1 Kronikɛls 21:27

Ndoŋ nna nɛ Enyɛnpe Ebɔrɛ kaŋɛ malaika na fanɛ e ta mbe tokobi na n wɔtɔ kumo be efar to, nɛ e wora loŋ.

Nshɛ 17:13

Enyɛnpe Ebɔrɛ koso ŋ kɔ m pɔɔ bumo so. Ta fo tokobi m mɔlga ma ashi amu kpakpasowuraana be enɔ to.

Aizaaya 10:15

Ama le nɛ Enyɛnpe Ebɔrɛ na kaŋɛ Asiriya be ewura na: “Kekpanfu ŋko kasaŋɛgboŋ beeŋ tiŋ ŋ kaŋɛ fanɛ kumo e chɔ esa nɛ e bee keta kumo a shuŋ na a? Dimɛdi e naa keta kaprɛ ŋko kaprɛ e naa keta dimɛdi?”

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Jɛremaya 12:12

Benapo damta nɛ b shi keshishɛrsawule so nɛ abeesawule so e ba kɔ m mur kasawule na so be kusɔ kama. Ma e sa ekpa fanɛ b ta kena m ba mur kasawule na so be kusɔ kikɛ nɛ esa kikɛ maŋ ji efute kena na to.

Jɛremaya 12:4

Nfɛ afanɛ nɛ ewule beeŋ baa wɔ anyi be kasawule so, nɛ kaplɛkama be afitiri e wu nsaa maaŋ naa wɔtɔ? Asɔbɔya nɛ mbuibi kikɛ bee wu nna ŋkpal anyi be basa be lubi so. Ba kaa puchi a kaŋɛ le nna: “Ebɔrɛ maa wu kusɔ nɛ anyee wora.”

Jɛremaya 15:3

Ma, Enyɛnpe Ebɔrɛ na teŋ yili kumo nna fanɛ asheŋ lubi ana ko e naŋ wora bumo. Baaŋ wu kena to nɛ njɔnɔ e baa gbeye bumo be eyurana a kulti nɛ mbuibi e ji bumo be beko nɛ kupuŋ to be asɔbɔya malɛ e we bumo nɛ baŋ ka na.

Jɛremaya 25:27

Ade kikɛ be kaman nɛ Enyɛnpe Ebɔrɛ na kaŋɛ ma le: “Kaŋɛ basa na fanɛ ma, Enyɛnpetale, Israɛl be Ebɔrɛ na bee kaŋɛ bumo kenishipereso nna fanɛ b nuu kawiebi na to be asɔ nuuso na m boo a kwiɛ nseŋ lar n tɔr a maaŋ naŋ tiŋ ŋ koso; ŋkpal kena nɛ meeŋ shin nɛ k ku bumo to na so.

Jɛremaya 4:21

Jemanɛ mo, nɛ m maaŋ naa wu kena ka bee kɔ, ŋko kena be mbel be kushu?

Jɛremaya 48:10

Mee sha fanɛ men mɔ Mowabebi na nna; men kaŋ shin nɛ b nya n shile m mɔlga bumo be amu meeŋ sho menyi kɔnɔ.”

Jɛremaya 50:35

Le nɛ Enyɛnpe Ebɔrɛ na kaŋɛ: “Luwu beeŋ ba Babilɔn be efuli so! K beeŋ ba kumo be basa kikɛ so nna, bewurjipoana nɛ benyiashempo kikɛ.

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 21:30

Amoso men bɛta menyi be tokobi n wɔtɔ kumo be efar to. Ŋkpal manɛ so jemanɛ nɛ menyee gberge basa kusoe fo ekar. Meeŋ ji menyi demu kakpa nɛ b kurge menyi, ashi men nanaana be kasawule so na.

Zakareya 13:7

Kede be kaman nɛ Enyɛnpetale Ebɔrɛ na kaŋɛ: “Tokobi, koso ŋ kɔ mbolpɔkpapo nɛ e bee shuŋ a sa ma na m mɔ mo nɛ mbolpɔ na e yeŋ to m pesaŋ to. Saŋɛ na so meeŋ nya ŋ kɔ ma basa.

Baru lela nɛ Jɔn kute na 18:11

Ndoŋ nna nɛ Yesu kaŋɛ Pita: “Bɛta fo tokobi na n wɔtɔ kumo be efar to. Fee tama fanɛ m maa sha keji tɔrɔ nɛ n Tuto yili fanɛ n ji na ŋko nuso?”

Demujipoana 7:20

Nɛ ntuŋ anyɔ nɛ a ka na ebi malɛ gba foŋ bumo be mbel nseŋ bure bumo be mpuya. Nɛ bumo kikɛ keta bumo be mbulpi enɔ bena to nseŋ keta mbel na malɛ enɔ jisa to nseŋ ponte awɔrso ŋ kaŋɛ: “Ta fo tokobi ŋ kɔ n sa Enyɛnpe Ebɔrɛ na nɛ Gidiɔn!”