Jɛremaya 47:2 - EBƆRƐ BE KAWƆL

² E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 47:2 Iomraidhean Croise

Nshɛ 24:1

Kasawule ere nɛ kusɔ kikɛ nɛ k wɔ kumo so, la Enyɛnpe Ebɔrɛ na peya nna. Basa nɛ b wɔ durnya ere to kikɛ, la Enyɛnpe Ebɔrɛ na peya nna.

Nshɛ 50:12

Nɛ akoŋ kɔ ma gba m maaŋ kaŋɛ menyi, ŋkpal manɛ so, durnya nɛ kusɔ kama nɛ k wɔ kumo to kikɛ la meya nna.

Nshɛ 96:11

Kaŋɛ esoso nɛ kasawule so ebi fanɛ b shin nɛ bumo be ŋgbene e wushi bumo nɛ b baa ji eyur! Shin nɛ teku nɛ kumo to be asɔ keniso kikɛ e baa wora awɔr,

Nshɛ 98:7

Shin nɛ teku nɛ kumo to be asɔ keniso kikɛ, nɛ kasawule nɛ kumo so be basa kikɛ e baa wora awɔr a kpaŋ Enyɛnpe Ebɔrɛ na.

Aizaaya 14:31

Menyi nɛ men wɔ Filisti be ndegboŋ to na e boŋ to n shu n fin kechɛto! Men kikɛ e baa chicha kufuso! Ŋkpal manɛ so, kalabɛr gboŋgboŋi nɛ k du fanɛ kuwɔlpa shi kelargato be esoso a ba. K yili n sa benapo nɛ efupo kikɛ maŋ wɔ bumo to nna.

Aizaaya 15:8

Kagbenejija so be kushu baaŋ sɔ Mowab be kasawule kikɛ so nna nɛ esa beeŋ tiŋ n nu bumo be kushu ashi nde nɛ baa tre Eglaim nɛ Beerilim na to.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Aizaaya 28:17

Kewora asheŋ nɛ amo be ekpa so nɛ asheŋ niŋiso e naaŋ baa la efɔl nɛ meeŋ baa ta a kargaso a pɔr nɛ k baa niŋi. Bɔrɛjembubi nɛ bɔrɛchu beeŋ bɔlɔ m mur efɛsheŋ nɛ men ta a kuŋ menyi be amu na nseŋ sulɔ amo kikɛ n ya lɛ.”

Aizaaya 59:19

Yili epeŋilarkpa m ba choŋ epeŋitɔrkpa, ekama beeŋ baa ŋana Enyɛnpe Ebɔrɛ na nɛ mbe eleŋgboŋ nseŋ bunyaŋ mo. E beeŋ ba fanɛ lɔr to be nchu nɛ a bee shile eleŋso ŋko afugboŋ nɛ a bee ber eleŋso na.

Jɛremaya 1:14

Ndoŋ nna nɛ Enyɛnpe Ebɔrɛ na kaŋɛ ma le: “K maaŋ chɛr nɛ kemur gboŋgboŋi e shi kelargato be esoso be kaba so m ba bekama nɛ b wɔ kasawule so.

Jɛremaya 46:12

Efuliana na nu men be ŋaba be asheŋ; esa kama malɛ nu men be kushu. Soja ko bee fiti mo barkasa nna nɛ bumo benyɔ na kikɛ e tɔr kasawule.

Jɛremaya 46:13

Jemanɛ nɛ Babilɔn be ewura Nebukadneeza nɛ e ba kɔ Ijipt be efuli so kena na nɛ Enyɛnpe Ebɔrɛ na malga ma kutɔ.

Jɛremaya 46:20

Ijipt du fanɛ nache fɔlbi nɛ e walɛ kebita nɛ wuloŋ shi kelargato be esoso m ba duŋ mo nna.

Jɛremaya 46:24

Ijipt be basa ji anishinyɔr; basa nɛ b shi kelargato be esoso na kɔ m pɔɔ bumo so.”

Jɛremaya 48:39

Mowab be efuli bure cheche a dese nɛ kumo be basa ji anishinyɔr nɛ efuliana nɛ a kulti kumo na be basa kikɛ wu kumo nɛ k chinchiŋ bumo nɛ b wora bumo eyurto. Ma, Enyɛnpe Ebɔrɛ e kaŋɛ na.”

Jɛremaya 6:22

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Men keni benapo ko bee shi kufɔ kufɔ ashi kelargato be esoso be efuli lempo ko so m bela ase a ba nɛ b ba kɔ kena.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Danɛl 11:22

E beeŋ mur benapo damta, n ta Ebɔrɛ be bɔrɛmatapo nimuso gba n ti so.

Nahum 1:8

Ama e bee mur mo doŋana bre nna fanɛ nchugboŋ ka jija asɔ na. Mo alɛ naa yɛr bumo nɛ baa ji mo emɔrɔ na luwu to nna.

1 Kɔrintebi 10:26

Ŋkpal manɛ so: “Kasawule ere nɛ kusɔ kama nɛ k wɔ kumo so ere kikɛ la Enyɛnpe na peya nna.”

1 Kɔrintebi 10:28

Ama nɛ esa ko baŋ kaŋɛ fo le: “B ta kumo nna n lɔŋɛ kegbir,” kumo ere fo sa maŋ ji kumo ŋkpal esa nɛ e kaŋɛ fo na so, nɛ shika be nfɛra so.

Jeems 5:1

To, damawuraana, men nu nfe. Men baa boŋ to a shu ŋkpal alemaŋkar be tɔrɔ nɛ k bee ba menyi so na so.

Kelaraŋŋini 17:1

Ndoŋ nna nɛ emalaika ashunu mo nɛ b daa kɔ ntishaŋ ashunu na be eko ba ŋ kutɔ m ba kaŋɛ ma: “Ba nɛ ŋ ŋini fo kananɛ baaŋ gberge sakalechegboŋ na kusoe. Mo e chena nchu damtaana so na.

Kelaraŋŋini 17:15

Ndoŋ nna nɛ malaika na naŋ kaŋɛ ma: “Nchuana nɛ fo daŋ wu na, kakpa nɛ sakaleche na tase na be kifi to e la basa be nnaŋ to nɛ ejimaŋ nɛ efuliana so ebi nɛ ŋgbarana to ebi.