Jɛremaya 47:1 - EBƆRƐ BE KAWƆL

¹ Pɔɛŋ nɛ Ijipt be ewura ya kɔ kade nɛ baa tre Gaaza na kena, Enyɛnpe Ebɔrɛ na daŋ kaŋɛ ma nna fanɛ ŋ kaŋɛ Filistiebi na le.

Jɛremaya 47:1 Iomraidhean Croise

Jɛnesis 10:19

B yili Sidɔn n sɔ Gerar be kaba so loŋ n ya fo Gaaza nseŋ naŋ yili ndoŋ malɛ n sɔ Sodɔm nɛ Gomɔra nɛ Adma nɛ Zeboyim be kaba so loŋ n ya fo Lasha.

1 Bewura 4:24

Ewura Sɔlɔmɔn e daa ji yili Yufreetes be Lɔr na be epeŋilarkpa be kaba so be kasawule nɛ k yili Tipsa n ya fo Gaaza nɛ k wɔ epeŋitɔrkpa be kaba so na so kuwura. Bewura nɛ b daa wɔ Yufreetes be epeŋitɔrkpa be kaba so na daa shuŋ mo nna nɛ kayurwushi daa wɔ mo nɛ bumo nɛ mbe bechenashapoana be kefɛato.

Aizaaya 14:29

Filistiebi, men sa maŋ shin nɛ menyi be ŋgbene e fuli menyi ŋkpal kekpabi nɛ k bee gberge menyi kusoe na ka bu to so. Kekpabi butoso na beeŋ ki fanɛ kuwɔ lubi. Kumo be kaman nɛ k ki kusɔ gbeyeso nɛ k du fanɛ laŋchaŋ nɛ k kɔ mbuibi be aba a firgi na.

Ezikɛl 25:15

Ade kikɛ be kaman, nɛ Enyɛnpetale Ebɔrɛ na kaŋɛ le: “Filisti be efuli so be basa nyaŋnyaŋso na daŋ wora n tal bumo be dra dra be bedoŋana to nna a fin kemur bumo yurkishi so.

Ezikɛl 25:16

Amoso meeŋ gberge Filisti be basa na kusoe m mɔ bumo. Ma alɛ beeŋ mur bumo be bekama nɛ b ka a wɔ teku ase be nde to na.

Jowɛl 3:4

Tayaebi nɛ Sidɔnebi, nɛ menyi kama nɛ men wɔ Filisti be nsawule so na kikɛ; manɛ nɛ menyee sha kewora ma ere? Menyee sha kewora ma n tal to nna ŋko? To, nɛ k la loŋ bre, meeŋ juŋkpar n wora menyi pɔɛŋ nɛ men nya ekpa n wora ma n tal to.