Jɛremaya 46:5 - EBƆRƐ BE KAWƆL

⁵ Nɛ Enyɛnpe Ebɔrɛ na bishi le: “Manɛ nɛ mee wu ere? Kufugboŋ e tɔr bumo so nɛ b bɛta a shile. Bedoŋ pɔɔ bumo be benapo so nna nɛ b bɛta n ta kufu a shile bumo be eshile kikɛ nsaa maŋ naa gbɛ a keni kaman gba.

Jɛremaya 46:5 Iomraidhean Croise

Jɛnesis 19:17

B ka baŋ keta Lɔtana n lar kade na to nɛ emalaika na be eko kaŋɛ le: “Men baa shil a mɔlga menyi be ŋkpa! Menyi be ekama malɛ e sa maŋ kaŋ gbɛ ŋ keni kaman ŋko n yili ketaŋɛ nɛ k wɔ menyi be anishito ere to. Men shile a yɔ abee ere ase, saŋɛ na so b maaŋ mɔ menyi.”

Aizaaya 19:16

Jemanɛ ko bee ba nɛ Ijipt be basa e paŋ kenyɛn fanɛ beche na. B baŋ wu fanɛ Enyɛnpe Ebɔrɛ na bee sha kegberge bumo kusoe nɛ kufugboŋ e tɔr bumo so nɛ b baa chicha.

Aizaaya 42:17

Bekama nɛ b yirda agbirana, nɛ bumo nɛ baa ta apɔrso fanɛ bumo be ebɔrɛana na, beeŋ ji anishinyɔr nseŋ ŋaba.”

Aizaaya 5:25

Enyɛnpe Ebɔrɛ na nya agbo ga nna n wɔtɔ mbe basa nsaa shin nɛ e gberge bumo kusoe kenishipereso. Abee beeŋ gbuŋgbuŋ nɛ basa e wu n dese agbembiana so fanɛ epi na. Ama amo nɛ amo kikɛ Enyɛnpe Ebɔrɛ na be agbo kraa maaŋ wushi. E kraa beeŋ baa sha kegberge menyi kusoe n ti so.

Jɛremaya 20:10

Mee nu ekama ka bee kuli a kaŋɛ le: “Kufugboŋ e sɔ kaplɛkama! Amoso men shin nɛ an potii Jɛremaya n sa benimuana na!” N teri kpakpasoana gba bee jo nna nɛ n wora n da so. Kusɔ nɛ baa kaŋɛ e la fanɛ: “Ashere esa beeŋ tiŋ n fule Jɛremaya nɛ e wora n da so nɛ an nya mo m pɛ ŋ ka mo kukɔ.”

Jɛremaya 46:15

Manɛ nna nɛ menyi be kegbirgboŋ Apis na tɔr? Enyɛnpe Ebɔrɛ na e ŋmɛa kumo n lɛ!’

Jɛremaya 46:21

Benapo nɛ e ber paa na gba du fanɛ anabi nɛ a ji n daŋ n wora ŋku nna. Bumo alɛ gba beeŋ kilgi n lara keya n shile; b maaŋ yili n tu bedoŋ na ŋ kɔ, ŋkpal manɛ so, jɛrbi be kachɛ bee ba bumo so nna, nɛ bumo be kasogberge be saŋɛ fo.

Jɛremaya 49:29

Mbe benapo nɛ bumo be asheŋ bee keta kufu na beeŋ ba kulti menyi n wɔtɔ nseŋ suge menyi be ewajɛbu nɛ asɔ kikɛ. Bumo alɛ beeŋ naŋ suge menyi be mbolpɔ nɛ enyɔma gba n ti so.

Jɛremaya 49:5

Meeŋ shin nɛ kenishipere gboŋgboŋi nɛ k bee keta kufu a shi kaba kama so m ba menyi so nɛ men shile m mɔlga menyi be amu. Esa kikɛ maaŋ naa wɔtɔ nɛ e naŋ gama menyi be benapo abar so.

Jɛremaya 6:25

Anyee ŋana keyɔ ndɔana to ŋko n lar ndeana to gba nna n yɔ mboŋ ko, ŋkpal manɛ so, an doŋana kɔ akɔsɔ to nna a ba nɛ b ba kɔ anyi kena nɛ kufugboŋ sɔ efuli na be kaplɛkama.”

Ezikɛl 32:10

Kusɔ nɛ meeŋ wora fo na beeŋ chinchiŋ basa damta. Kachɛ nɛ meeŋ pee ma tokobi m mɔ fo na, kufu beeŋ tɔr bewura so nɛ b baa chicha ŋkpal bumo gbagba be ŋkpa so.”

Ezikɛl 39:18

Benapo be eblaŋ nɛ baaŋ we nseŋ nuu durnya to be bewurjipo be ŋklaŋ. Kananɛ baa mɔ ekpakpa ŋko mbolpɔ fɔlbi ŋko mboe ŋko egbolu danso na nɛ baaŋ mɔ benapo na nɛ bewurjipo na.

Nahum 2:8

Kadegboŋ nɛ baa tre Ninɛve na bure nna nɛ kumo to be basa bee shile fanɛ kepa ka bɔlɔ m bu nɛ kumo to be nchu bee shile na. Beko bee ponte a kaŋɛ: “Yili! Yili!” Ama ekama maŋ yili nseŋ bɛta a ba.

Nahum 2:9

Nɛ bedoŋ be benapo na bee ponte a kaŋɛ: “Men baa muu eshuwa nɛ egbiti na! Ŋkpal manɛ so, kadegboŋ na to kɔ asɔ lela ga!”

Zefanaiya 1:14

Enyɛnpe Ebɔrɛ be kachɛgboŋ na taga to. K fo n loge gba kuraa! K beeŋ baa la kachɛ lubi nɛ benapo lempo nɛ b kɔ kenyɛn ga gba beeŋ baa boŋ to a shu kenishipereso nna.