Jɛremaya 46:4 - EBƆRƐ BE KAWƆL

⁴ Men ta egaare n deŋi menyi be egbaŋɛ so n dii n chena amo so! Men ta menyi be abɛlso be akpaŋwuro m buu, nseŋ yili m bɛ abar so folee! Men yee menyi be akpaana be nnɔ, nseŋ buu menyi be abɛlso be ekpaŋkale!’ ”

Jɛremaya 46:4 Iomraidhean Croise

2 Kronikɛls 26:14

Ewura Uziya e daa sa benapo na abɛlso be asɔkuŋso nɛ ekpa nɛ abɛlso be akpaŋwuro nɛ kena to be epiŋi nɛ ata nɛ atanyembi nɛ atababu be ajembu.

Nehemaya 4:16

Yili loŋ be jemanɛ na mbrantiɛbia na be bargato bee shuŋ nna nɛ bargato malɛ e buu anyɛn kale gbɛgbɛso nseŋ keta ekpa nɛ abɛlso be asɔ kuŋ eyur so nɛ ata nɛ atanyembi a yil a kuŋ. Anyi be benapo be benimuana na malɛ daa yili bepɔrpo na be kaman nna.

Aizaaya 8:9

Efuli pɔtɛana so ebi, men gama abar so kufuso! Menyi bumo nɛ men wɔ durnya be mboŋ wɔfɔ wɔfɔ e kaŋ asoe n nu nfe. Men bela ase nɛ kekɔ kena, ama men baa ŋana kufu! Kashenteŋto, men bela ase, ama men baa ŋana kufu!

Jɛremaya 46:14

E yɛ: “Ber kebomboŋ ashi Ijipt be ndeana to; fɔŋfɔŋ ashi Migdɔl nɛ Mɛmfis nɛ Taapanes, ŋ kaŋɛ le: ‘Men wora shiriya ŋ kɔ n suge menyi be amu; asɔ kama nɛ men kɔ na kikɛ beeŋ mur kena to!

Jɛremaya 51:11

Enyɛnpe Ebɔrɛ na yɛ: “Ma, Enyɛnpe Ebɔrɛ na bee sha kemur Babilɔn be efuli nna, ŋkpal bumo be benapo ka mur ma bɔrɛlambu so. Amoso menyi Midia be efuli so be bewuraana e bɛl menyi be atanyembi nseŋ ta menyi be abɛlso be asɔ kuŋamuso ŋ keta.

Jɛremaya 51:3

Ma, Enyɛnpe Ebɔrɛ beeŋ kaŋɛ befɔ na be benapo fanɛ b sa maŋ sa Babilɔn be benapo na ekpa nɛ b gberge bumo be ata to ŋko n ta bumo be abɛlso be asɔ kuŋamuso. Bumo alɛ e sa maŋ yige Babilɔn be mbrantiɛfɔlbi na, b mur benapo na kikɛ!

Ezikɛl 21:28

Ama fo, dimɛdi pibi, kaŋɛ fanɛ kusɔ nɛ Enyɛnpetale Ebɔrɛ na bee kaŋɛ a laŋɛ Ammɔn be basa nɛ baa tege Israɛl na be kaplɛa so e la fanɛ b gberge tokobi m pe, n wora shiriya nɛ b mɔ; b fifɛa kumo so nna m bela ase nɛ b ta kumo m mɔ. K bee kpa edɛ fanɛ bɔrɛ ka nyɛkpɛ nna!

Jowɛl 3:9

Nɛ Anebi Jowɛl kaŋɛ: “Men ta le be kubɔya ere n sa efuli pɔtɛana so ebi kikɛ fanɛ b bela ase ŋ kɔ kena. Ekama e tre mbe benapo ŋ gbargbar n shin nɛ b lar m wora shiriya.

1 Samuɛl 17:38

Ndoŋ nna nɛ Sɔɔl ta mbe kenyɛnkale n sa Deevid fanɛ e buu. E daŋ ta mbe danyaŋ be kekpaŋwuro gba nna n sa mo fanɛ e buu.

1 Samuɛl 17:5

nɛ e buu kenyɛnkale nɛ b ta danyaŋ n wora nɛ kumo be egbɛ sa fanɛ kilo adunu nɛ ashunu nseŋ buu danyaŋ be kekpaŋwuro gba n ti so.