Jɛremaya 46:12 - EBƆRƐ BE KAWƆL

¹² Efuliana na nu men be ŋaba be asheŋ; esa kama malɛ nu men be kushu. Soja ko bee fiti mo barkasa nna nɛ bumo benyɔ na kikɛ e tɔr kasawule.

Jɛremaya 46:12 Iomraidhean Croise

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 19:2

Ndoŋ nna nɛ Enyɛnpe Ebɔrɛ na kaŋɛ le: “Meeŋ shin nɛ kelantokɔ e ku Ijipt be efuli so nɛ bekurgepo e kilgi a kɔ abar nɛ bechenashapo malɛ gba e baa kɔ abar. Kadegboŋ ko beeŋ kɔ kuko kena nɛ kuwurgboŋ ko e kɔ kuwurgboŋ nyɔsopo kena.

Aizaaya 24:11

Kagbenefuli foe durnya to nɛ basa bee ponte to agbembi so a kaŋɛ le: “Anyi maŋ naa kɔ yabra! Anyi maŋ naa kɔ yabra!”

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 46:6

Bumo nɛ baa shile ga gba maŋ tiŋ n shile m mɔlga bumo be amu; benapo na maaŋ tiŋ n shile m mɔlga bumo be amu. B fiti n tɔr kena to nna ashi kelargato be esoso, a mata Yufreetes be Lɔrgboŋ na.

Jɛremaya 47:2

E yɛ: “Keni! Nchu bee bɔlɔ a dii kelargato be esoso; amo alɛ beeŋ ba fanɛ lɔr ka bɔlɔ n dii apla na. Nchu na beeŋ ba buu kasawule nɛ kusɔ kama so, a beeŋ buu ndegboŋana nɛ basa nɛ b wɔ amo to kikɛ so. Edimɛdi beeŋ boŋ to a shu a fin kechɛto nɛ durnya to be basa kikɛ e shu kenishipereso ga.

Jɛremaya 48:34

Basa nɛ b wɔ nde nɛ baa tre Ɛleale nɛ Jahaz na bee nu basa nɛ b wɔ kade nɛ baa tre Hɛshbɔn na be kushu nna. Nɛ bumo nɛ b wɔ Horoneem nɛ Eglaf Shelishima be ndeana to bee nu Zowaebi be kushu. Ŋkpal manɛ so, kabombi nɛ baa tre Nimrim na gba wɔlto nna.

Jɛremaya 49:21

Jemanɛ nɛ Edɔm beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ bumo be basa be kushu be awɔr e ya fo Teku Peper na ase.

Jɛremaya 50:46

Jemanɛ nɛ Babilɔn beeŋ tɔr na, egbri nɛ k beeŋ gbri na beeŋ shin nɛ durnya kikɛ e gbuŋgbuŋ, nɛ efuli pɔtɛana so be basa e nu egbri na.”

Jɛremaya 51:54

Enyɛnpe Ebɔrɛ na yɛ: Men nu kushu nɛ k shi Babilɔn be kadegboŋ to a ba ere! K la kemur gboŋgboŋi nɛ k ba Babilɔn be kasawule be kaplɛkama so be basa be kushu nna.

Nahum 2:5

Benapo nimuso na ponte n tre benapo na; nɛ b shil a fiti a ba. Benapo na daa shil a yɔ egbal na ase nna nɛ b ya pɔr kusɔ nɛ k beeŋ baa kuŋ ajembu gbɛgbɛso nɛ bedoŋ beeŋ shi awɔlto ŋ gbelti n lɛ bumo so na.

Zefanaiya 1:10

Kede be kaman nɛ Enyɛnpe Ebɔrɛ na naŋ kaŋɛ: “Loŋ be kachɛ na, menyeeŋ nu kushu damta ashi Jerusalɛm be kabunagboŋ nɛ baa tre Kɔrɔtɔ na ase. Menyi kraa beeŋ nu b kaa bee boŋ to awɔrso ashi kadegboŋ na to be echenakpa popɔr na nseŋ nu awɔrgboŋ ko fanɛ asɔ ka tɔr m bure na ashi abee so.

1 Samuɛl 5:12

Achuubɔbɔ daŋ pɛ kade na to be basa kikɛ nna ama bumo be bumo nɛ achuubɔbɔ na daa maŋ mɔ na daa shu a tre bumo be agbirana nna fanɛ a ba mɔlga bumo.